Diplomatlarımız erməninin “The Guardian“dakı yazısına eyni qəzetdə cavab veriblər
Tarix: 03.09.2015 | Saat: 16:32:00 | E-mail | Çapa göndər


Azərbaycanlı diplomatlar Amerika Erməni Milli Komitəsinin (ANCA) əməkdaşı Simon Mahakyanın münaqişə zonalarında mədəni irsin qorunması ilə bağlı “The Guardian”dakı yazısına həmin nəşrdə cavab veriblər.
Azərbaycanın Böyük Britaniyadakı səfiri Tahir Tağızadə müəllifin mədəni irsin qorunmasının vacibliyi barədə yazması və Azərbaycanı tənqid etməsini gülünc adlandırıb: “Ermənistan və Azərbaycan arasında münaqişə zamanı Azərbaycan deyil, Ermənistan monoetnik ölkəyə çevrilib ki, bu da dünyanın bu bölgəsində nadir nümunədir. Bu ölkə özünün etnik azərbaycanlı əhalisinin əsrlərlə yaşı olan mədəni və tarixi irsini silməklə təkmədəniyyətli cəmiyyətə çevrilmək siyasəti aparır”.

Səfir bildirib ki, Ermənistan həmin siyasəti daha zorakı şəkildə işğal olunmuşDağlıq Qarabağ və ətraf rayonlarda da həyata keçirir: “Britaniyalı səyyah Corc Mitçel 2014-cü ilin noyabrında işğal olunmuş torpaqlara səfər edərkən işğal olunmuş Azərbaycan şəhəri olan Ağdamı “kabus şəhəri” və “Qafqazın Xirosiması” adlandırıb, ətraf ərazilərdə təbiətin və mədəni-tarixi irsin dağıdılması barədə hesabat hazırlayıb. Azərbaycan dəfələrlə beynəlxalq faktaraşdırıcı missiyaları işğal olunmuş ərazilərdə mədəni irsin qorunması ilə bağlı vəziyyəti öyrənməyə çağırıb, Ermənistan isə bu missiyanın öz işini icra etməsinə mane olub. ATƏT-in faktaraşdırıcı missiyası 2005 və 2010-cu illərdə Azərbaycanın işğal olunmuş ərazilərində mədəni irsin dağıdılması ilə bağlı hesabat verib. Buraya muzeylərin talan edilməsi, tarixi, mədəni və dini əhəmiyyəti olan abidələrin dağıdılması, yerlərdə vəziyyətin dəyişməsinə cəhdlər daxildir. Bu günə kimi də davam edən bu siyasətin əsas məqsədi işğal olunmuş ərazilərin tarixini saxta mənbələr əsasında yenidən yazmaqdır. Biz Azərbaycanda bütün etnik və dini azlıqların tarix və mədəniyyətinə hörmətimizlə fəxr edirik. Buna ən yaxşı nümunə Bakının mərkəzi meydanlarından birində yerləşən erməni kilsəsidir. Bununla yanaşı, Azərbaycanın Ermənistanın özündə, eləcə də Dağlıq Qarabağ və ətraf 7 rayonda olan demək olar ki, bütün abidələrinin dağıdılması təəssüf doğurur”.

Azərbaycanın UNESCO yanında daimi nümayəndəsi Anar Kərimov isə qeyd edib ki, Azərbaycan üçün mədəni irsinin qorunması həmişə vacib və həssas məsələ olub: "Culfa qəbristanlığının məhv edilməsi ilə bağlı ittihamlar Azərbaycanın işğal edilmiş ərazilərində aparılan mədəni təmizləmə kimi dəhşətli faktlardan beynəlxalq ictimaiyyətin diqqətini yayındırmağa yönəlmiş növbəti cəhddir. 1990-cı illərin əvvəllərindən başlayaraq Azərbaycan mədəniyyətinin zənginliyini təmsil edən mədəni və dini irsi təkcə Azərbaycanın işğal edilmiş Dağlıq Qarabağtorpaqlarında və 7 ətraf rayonlarda deyil, həm də Ermənistanın öz sərhədləri daxilində vəhşicəsinə dağıdılıb və məhv edilib. Ermənistanın Masis rayonunda Ağa Dədə məscidi və qəbristanlığının məhv edilməsi Azərbaycan əhalisinə qarşı aparılan növbəti mədəni terrorizm nümunəsidir. Azərbaycan hökuməti bu məsələləri, UNESCO və müraciət edilmiş müvafiq təşkilati mexanizmlərin monitorinq missiyaları daxil olmaqla, müvafiq beynəlxalq təşkilatların diqqətinə çatdırıb. Bütün bu cəhdlərə baxmayaraq, bu təşəbbüsləri blok etməyə yönələn Ermənistanın neqativ mövqeyi nəticəsində bu missiyaların işi baş tutmayıb. Azərbaycan UNESCO-nun qlobal missiyasını və mədəniyyətlərarası dialoq və yaxınlaşmanı güclü şəkildə dəstəkləyir”.
Tural TAĞIYEV




 
Bölməyə aid digər xəbərlər
26.09.2018
Mədət Quliyevə general-polkovnik rütbəsi verildi
26.09.2018
“Cənub Qaz Dəhlizi” layihəsində ABŞ hökumətinin rolu bizim bu regiona marağımızı vurğulayır”
26.09.2018
“Akşam.com.tr”: “Azərbaycan milli silahlarına ASELSAN dəstəyi”
26.09.2018
“Azərbaycandan kənarda yaşayan soydaşlarımız öz qüvvələrini toplamalıdırlar”
26.09.2018
“Biz Ukraynada Yuri Qaqarin də olsaq...”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10147

1 “Vətən uzaqda deyil” telelayihəsi dünya azərbaycanlılarının sevincinə səbəb olub
2 Yalnızlıq qorxusu
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info