“Kreml üçün əsas məsələ regionda hərbi əməliyyatların aparılmamasıdır”
Tarix: 03.09.2015 | Saat: 20:42:00 | E-mail | Çapa göndər


“Dağlıq Qarabağ münaqişəsi Qafqazda ən təhlükəli münaqişədir. Bölgədə Gürcüstan-Cənubi Osetiya münaqişəsinin də mövcud olmasına baxmayaraq, orada silah səsləri eşidilmir. Qərb Rusiyanı Cənubi Osetiya və Abxaziyanı müstəqil dövlət kimi tanımaqda ittiham edir və bununla razılaşmaq istəmir. Bütün bunlara baxmayaraq, həmin ərazilərdə sakitlikdir. Qarabağda isə müntəzəm olaraq silah səsləri eşidilir, hər iki tərəf itki verir. Müharibənin hər an başlanması ehtimalı yüksəkdir”.
Bu sözləri Rusiya Dövlət Humanitar Universitetinin regionşünaslıq və xarici siyasət kafedrasının dosenti, tanınmış siyasi ekspert Sergey Markedonov deyib.
Politoloq bildirib ki, Moskva Dağlıq Qarabağ münaqişəsinin aktiv fazaya keçməsinin əleyhinədir: “Kremldə yaxşı başa düşürlər ki, Dağlıq Qarabağda baş verəcək yeni müharibə regionu və münaqişənin tənzimlənməsini onların nəzarətindən çıxara bilər. Mövcud status-kvonun məhz müharibə yolu ilə dəyişdirilməsi bu gün Rusiyanın maraqlarına xidmət etmir. Ona görə də, hesab edirəm ki, Rusiya xarici işlər naziri Sergey Lavrovun Bakıya səfəri Dağlı Qarabağ münaqişəsinin nizamlanması baxımından olduqca aktualdır. Rusiya tərəfi münaqişənin hərb yolu ilə deyil, məhz siyasi danışıqlar yolu illə həllinə tərəfdardır".

S. Markedonovun fikrincə, Moskva üçün vacib olan Dağlıq Qarabağ, Azərbaycan-Ermənistan cəbhəsində silah səslərinin eşidilməməsidir: “Kreml üçün əsas məsələ bu regionda hərbi əməliyyatların aparılmamasıdır. Çünki bu, Rusiya üçün əlavə riskdir. Münaqişə zonası Rusiyanın sərhədlərinə çox yaxındır. Dağlıq Qarabağda yeni müharibənin başlanması kifayət qədər həssas olan Şimali Qafqaz üçün də böyük təhlükədir”.

Ekspert Azərbaycanın Avrasiya İqtisadi Birliyinə qoşulması və Sergey Lavrovun Bakıda bu mövzuda danışıqlar aparmasının mümkünlüyünü də şərh edib: “Fikrimcə, Azərbaycan Avrasiya İqtisadi Birliyinə qoşulmayacaq. Çünki hər şeydən əvvəl bu, rəsmi Bakının özü üçün maraqlı deyil. Bakı üçün maraqlı olan Ermənistan üzərində qələbə qazanaraq - fərqi yoxdur, ya müharibə, ya da sülh yolu ilə - Qarabağı geri qaytarmaqdır. Bu təşkilata qoşulmaq isə Dağlıq Qarabağı Azərbaycana geri qaytarmayacaq. Ona görə də, Azərbaycan üçün bu məsələ maraqlı deyil. Hesab edirəm ki, Rusiya tərəfi də bunu yaxşı başa düşür. İki ölkə arasında aparılan danışıqlarda Azərbaycanın Avrasiya İqtisadi Birliyinə üzvlük məsələsi, fikrimcə, müzakirə olunmur. Bu məsələ süni olaraq ortaya atılır. Rusiya ilə Azərbaycan arasında bütün sahələrdə yüksək səviyyədə ikitərəfli əlaqələr mövcuddur. Moskva yaxşı başa düşür ki, bir-biri ilə düşmən olan Azərbaycan və Ermənistanın bu təşkilatda təmsil olunması quruma heç bir fayda verməyəcək, əksinə, onun fəaliyyətini tormozlayacaq. Ona görə də, Moskvaya da bu lazım deyil. Rusiya bundan sonra da Azərbaycanla münasibətləri ikitərəfli əlaqələr formatında davam etdirəcək”.
Tural




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info