TUMİB Qobustan qəsəbəsində növbəti tədbirini keçirdi
Tarix: 07.09.2015 | Saat: 23:21:00 | E-mail | Çapa göndər


“Türkiyə Universitetləri Məzunları” İctimai Birliyi (TUMIB) Dini Qurumlarla İş üzrə Dövlət Komitəsinin (DQİDK) dəstəyi ilə Bakı şəhərinin kəndlərində “Dini radikalizmə qarşı mübarizədə milli-mənəvi dəyərlərin təbliği” adlı layihənin icrasına davam edir. Layihə çərçivəsində növbəti tədbir Qaradağ rayonunun Qobustan qəsəbəsində keçirilmişdir. Layihənin məqsədi dini radikalizmə qarşı mübarizədə multikulturalizmi, tolerantlığı, milli-mənəvi dəyərləri təbliğ etmək, bu istiqamətdə Azərbaycanda din-dövlət əlaqələri və milli din xadimləri haqqında məlumat vermək, ideoloji maarifçilik işləri aparmaq, gəncləri zərərli xarici ideologiyaların təsirindən qorumağa çalışmaq və azərbaycançılıq ideologiyasına sahib tolerant gənclərin yetişməsinə nail olmaqdır.
Tədbiri açıq elan edən Qaradağ rayonu İcra Hakimiyyətinin Qobustan qəsəbəsi üzrə nümayəndəsi Şükran Nəcəfov iştirakçıları salamlayaraq tədbirin qısa mahiyyəti haqqında məlumat verib. TUMİB sədri Çingiz Bayramov Azərbaycanda xarici təriqətlərin zərərli fəaliyyətlərinə qarşı ideoloji mübarizə və milli dəyərlərin gənclərə öyrədilməsinin vacibliyindən bəhs edib. O, ulu öndər Heydər Əliyevin “Bizim hamımızı birləşdirən, həmrəy edən azərbaycançılıq ideyasıdır, azərbaycançılıqdır” fikrini qeyd edərək Azərbaycan gənclərini Azərbaycan Respublikasının Prezidenti İlham Əliyevin ətrafında sıx birləşməyə çağırıb. Natiq bildirib ki, Azərbaycanın M.Ə.Rəsulzadə, Ə.Hüseynzadə kimi milli ziyalılarının təbliği Azərbaycanda milli-mənəvi dəyərlərin mənimsənilməsi üçün zəruridir. Ç.Bayramov Qobustanın qədim abidələrinin öyrənilməsinin Azərbaycanın milli-mənəvi tarixinin öyrənilməsində vacib rol oynadığını və Heydər Əliyev Fondunun prezidenti Mehriban Əliyevanın milli–mənəvi dəyərlərimizin dünyada təbliğində xüsusi rolu olduğunu bildirib.
DQİDK-nin Bakı şəhəri şöbəsinin müdir müavini Ceyhun Əliyev DQİDK-nin dini dözümsüzlüyə qarşı gördüyü fəaliyyət haqqında məlumat verib və gəncləri Azərbaycan dövlətçiliyinə sadiq olmağa dəvət edib.
TUMİB-in Elmi Araşdırmalar və Tədqiqatlar Mərkəzinin rəhbəri Əli Fərhadov Azərbaycanda tarix boyu müxtəlif din və məzhəblərin birlikdə mehriban yaşama ənənəsi, Azərbaycan Konstitusiyasında din-dövlət münasibətləri haqqında məlumat verərək xarici sektaların təsirindən qorunmaq üçün milli din xadimlərinin maarifləndirici əsərlərinin təbliğinin vacibliyindən danışıb.
Daha sonra yerli ağsaqqal Əliyusif Əliyev, həmçinin Qaraoğlan Həsənov və Nazim Lazımov çıxış edərək qəsəbədəki dini vəziyyət haqqında tədbir iştirakçılarına məlumat verərək, yerli sakinlərin hökumətin din siyasətindən razı olduğunu bildirib və bu kimi maarifləndirici tədbirlərin gələcəkdə də davam etdirilməsinin zərurətini göstərib. Tədbirin iştirakçılarına TUMİB-in diplomları verilib və xatirə şəkili çəkdirilib.
Qorqud




 
Bölməyə aid digər xəbərlər
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər
17.11.2018
Naxçıvan Qarnizonu qoşunlarında keçirilən növbəti snayper hazırlığı kursu uğurla başa çatıb
16.11.2018
Rəsulzadə bələdiyyəsində “Strateji Yol Xəritəsi” müzakirə olunub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info