Serbiya Azərbaycan qazının Avropaya nəqlində iştirak etmək istəyir
Tarix: 05.02.2013 | Saat: 22:53:00 | E-mail | Çapa göndər


Serbiya dövlət başçısı Tomislav Nikoliçin fevralın 7-9-da Azərbaycana səfəri zamanı ikitərəfli əməkdaşlığa dair dörd sənədin imzalanması nəzərdə tutulub. Onlara dostluq və strateji tərəfdaşlıq haqqında birgə bəyannamənin imzalanması da daxildir.
Bu barədə dünən keçirdiyi brifinqdə Serbiyanın Azərbaycandakı səfiri Zoran Vayoviç bildirib. "Bu, Serbiyanın fəaliyyətdəki dövlət başçısının Azərbaycana ilk səfəridir. Səfər çərçivəsində Bakının mərkəzi parklarından birində görkəmli serb-Amerika fiziki, alimi və ixtiraçısı Nikole Teslanın abidəsinin, Belqrad Şəhər Muzeyinin və Azərbaycan Diplomatik Akademiyasının dəstəyi ilə məşhur yuqoslav yazıçısı və diplomatı İvo Andriçin "İvo Andriç yazıçı və ya diplomat" sərgisinin açılışı planlaşdırılıb" - deyə səfir bildirib. Onun sözlərinə görə, Serbiya və Azərbaycan beynəlxalq arenada da bir-birini dəstəkləyir və beynəlxalq hüququn ərazi bütövlüyü və dövlətlərin suverenliyi kimi prinsiplərinin aliliyinə dair prinsipial mövqeyi dəyişməz qalır: «2012-ci il ərzində ölkələr arasında müqavilə-hüquq bazasına daha iki yeni sənəd əlavə edilib. Bunlar iki dövlət arasında sonrakı iqtisadi əməkdaşlıq üçün geniş imkanlar açan Serbiya hökuməti ilə Azərbaycan hökuməti arasında iqtisadi və texnoloji əməkdaşlıq haqqında razılaşma və fevralda Azərbaycan hökuməti tərəfindən dəyəri 308 milyon avro olan Liq-Prelina magistralının "Korridor-11" sahəsinin tikintisi üçün Serbiya hökumətinə kreditin ayrılması haqqında müqavilədir. Hazırda ölkələr arasında müqavilə-hüquqi bazaya uyğun müxtəlif səviyyələrdə ikitərəfli qarşılıqlı fəaliyyətin çərçivələrini quran 21 beynəlxalq müqavilə daxildir». Onun sözlərinə görə, 2012-ci ildə iki ölkə arasında mal dövriyyəsi 35 milyon dollar təşkil edib. Səfir bildirib ki, Azərbaycanın işğal olunmuş ərazilərində, Dağlıq Qarabağda aeroportun açılması münaqişənin sülh yolu ilə nizamlanmasına uyğun gəlmir. O, münaqişənin sülh yolu ilə nizamlanmasının vacibliyini vurğulayıb. Səfir mətbuat konfransında onu da bildirib ki, Serbiya Azərbaycan qazının Avropaya nəqli layihələrində iştirak etmək istəyir. Onun sözlərinə görə, Serbiya Xəzər regionundan qaz nəqli layihələrində iştirak etməyə hazır olduğunu bəyan edib: “Biz böyük oyunçu olmasaq da, öz qaz nəqlimizin diversifikasiyasında maraqlıyıq”. Səfir Bakı ilə Belqrad arasında birbaşa aviauçuşların həyata keçirilməsində də maraqlı olduqlarını vurğulayıb: “Bu, həm də iqtisadi məsələ olduğundan, məqsədəuyğunluğu müzakirə mərhələsindədir”.





 
Bölməyə aid digər xəbərlər
24.09.2018
Göyçayda xurma bağlarından yığılan məhsul Rusiya bazarlarına göndərilir
24.09.2018
Bakıda ilk Beynəlxalq Elektron Ticarət Forumu keçirilir
24.09.2018
“AzerTelecom” “Türkmentel 2018” sərgisində iştirak edəcək
24.09.2018
“Ölkəniz möhtəşəm inkişaf edir”- YENİLƏNİB
24.09.2018
“Bloomberg”: “Azərbaycan sürətlə populyarlaşan turizm istiqamətləri arasındadır”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info