Ötən 9 ayda Azərbaycana bir milyona yaxın turist gəlib
Tarix: 10.09.2015 | Saat: 00:48:00 | E-mail | Çapa göndər


Nazir müavini: “Son on ildə Azərbaycana gələn
turistlər 1,3 milyard manat vəsait xərcləyiblər”


“Ötən doqquz ay ərzində Azərbaycana bir milyona yaxın turist səfər edib”. Bunu turizmlə bağlı keçirilən biznes-forumda mədəniyyət və turizm nazirinin müavini Nazim Səmədov deyib. Onun sözlərinə görə, Azərbaycana turistlər, əsasən, Rusiya, Türkiyə, Gürcüstan və İrandan gəlir: “Qonşu ölkələrdə baş verən iqtisadi çətinliklər turistlərin sayına
təsir edir.

Məsələn, Rusiyadan gələn turistlərin sayında bu il 87 minə yaxın azalma olub”. Nazir müavini qeyd edib ki, dünyada turizmin inkişaf etdiyi ölkələrin əksəriyyətində sahibkarlar üçün vergi güzəşti tətbiq edilir: “Bəlkə bizdə də bunu tətbiq etmək vaxtı çatıb. Artıq aviabiletlərin qiyməti ucuzlaşıb, aviabiletlərin qiymətlərinin endirilməsi Azərbaycana gəlmək üçün turizm paketinin qiymətinə də öz təsirini göstərib. Eyni zamanda, viza ilə bağlı Nazirlər Kabinetinin “Turizm şirkətlərinə viza vermək hüququ verən akkreditasiya qaydaları” təsdiqlənib. Artıq 65 turizm şirkəti bu hüquqa malikdir. İnanırıq ki, bu, Azərbaycana çoxsaylı turistlərin gəlməsinə imkan verəcək". N.Səmədov əlavə edib ki, viza ilə bağlı dünya təcrübəsinə əsaslanmaqla hazırlanan təkliflər Xarici İşlər Nazirliyinə təqdim edilib. Nazir müavininin sözlərinə görə, sahibkarlar nazirliyin təkliflərini və tövsiyələrini nəzərə almaqla qiymətləri endiriblər: “Dövlət olaraq bu sahədə hansısa islahatları aparmalıyıq. Bununla bağlı da Mədəniyyət və Turizm Nazirliyi tərəfindən təkliflər hazırlanıb”. Nazim Səmədov qeyd edib ki, 2005-2015-ci illərdə Azərbaycana gələn turistlər 1,3 milyard manat vəsait xərcləyiblər. Qeyd olunan on ildə turistlərin sayı 1,1 milyondan 2,3 milyona qədər artıb: “Otellərin sayı 262-dən 535-ə, turizm müəssisələrinin sayı 197-dən 286-ya çatıb. Hazırda turizm sektorunda 42 min işçi çalışır. Ümumi daxili məhsulda turizmin payı isə 4,1 faizdir”.




 
Bölməyə aid digər xəbərlər
22.01.2019
Peşəsini sevən şəhid
22.01.2019
Sağlamlıq üçün beş ən faydalı şirə
21.01.2019
Ermənistandakı seçkilər əhalidəki inamsızlıq haqqında kifayət qədər aydın siqnal verir
21.01.2019
“Mitinqdə müxalifət rəhbərlərinin hamısının çıxışlarında xaricdə əleyhimizə səslənən ifadələrlə üst-üstə düşən məqamlar var idi”
20.01.2019
20 yanvar tarixini yeni Azərbaycan tarixinin başlanğıcı kimi qəbul etmək olar

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info