İsmayıllıda sahibkarlara dəstək məqsədilə ictimai nəzarət qrupu yaradılıb
Tarix: 10.09.2015 | Saat: 18:09:00 | E-mail | Çapa göndər


İsmayıllıda “Sahibkarlığın inkişafının prioritet istiqamətləri, ona iqtisadi və mənəvi dəstək göstərilməsi yolları” mövzusunda konfrans keçirilib. Tədbirin əsas yekunlarından biri bu məqsədlə ictimai nəzarət qrupunun yaradılması olub.
Rayon icra hakimiyyətinin təşəbbüsü ilə “Gənclər Mərkəzi”ndə keçirilən konfransda yerli iş adamları, sahibkarlar və əlaqədar qurumların rəhbərləri iştirak ediblər.
Konfransı giriş sözü ilə açan icra hakimiyyətinin başçısı, iqtisad elmləri doktoru Mirdaməd Sadıqov sahibkarlığın və fermer təsərrüfatlarının inkişafı üçün yaradılan münbit şəraitdən, onların fəaliyyətinə əsassız müdaxilələrin qarşısının alınmasından, rayona investisiya qoyuluşunun, özəl sektora dövlət dəstəyinin artmasından danışıb.
Azərbaycan Respublikası Kənd Təsərrüfatı Nazirliyi Aqrar Elm Mərkəzinin direktoru, professor Rəsul Balayev, İqtisadiyyat və Sənaye Nazirliyinin şöbə müdiri Elçin İbrahimov, Vergilər Nazirliyinin idarə rəisi Nicat İmanov, Sahibkarlığa Kömək Milli Fondunun baş məsləhətçisi Anar Məmmədov çıxış edərək ölkəmizdə sahibkarlara göstərilən dövlət dəstəyindən, özəl sektorun inkişafının prioritet istiqamətlərindən danışıb, bu sahələrdə mövcud olan qanunları şərh ediblər.
Konfransda yerli sahibkarlar Rüstəm Əhmədov, Cümşüd Hacıyev, “Azza-Aqro” MMC-nin icraçı direktoru Nəriman Hüseynov, “Sandal” ayaqqabı firmasının sahibi Rüstəm Əhmədov çıxış ediblər. R.Əhmədovun sahibkarlıq fəaliyyətinə başlaması və qazandığı uğurlarla əlaqədar məlumatları iştirakçılar tərəfindən maraqla qarşılanıb.
Sahibkarlara, iş adamlarına, iqtisadi idarəetmə qurumlarına konfrans iştirakçıları adından müraciət qəbul olunub.
Konfransda sahibkarlığın, fermer təsərrüfatlarının təşkili, inkişafı və idarə edilməsinə yardımçı olmaq məqsədilə tədbirlər planı və ictimai nəzarət qrupunun tərkibi təsdiqlənib.
Sonda konfrans iştirakçıları adından Prezidenti İlham Əliyevə müraciət qəbul edilib.
Fuad




 
Bölməyə aid digər xəbərlər
20.04.2019
Salyanda Nəsiminin 650 illik yubileyi qeyd edilib
20.04.2019
Ölkə ərazisində müşahidə olunan faktiki hava şəraiti açıqlanıb
20.04.2019
Bu günün havası - Yağış hələ yağacaq...
20.04.2019
Lerik və Yardımlı rayonlarına qar yağıb
19.04.2019
Aprelin 22-dən problemli krediti olan şəxslərə kompensasiya ödənişlərinin verilməsinə başlanacaq

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Azərbaycanlı həkim-yazıçı Rusiya Yazıçılar İttifaqına üzv olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info