Qubada konfrans keçirilib
Tarix: 14.09.2015 | Saat: 17:43:00 | E-mail | Çapa göndər


Sentyabrın 11-də Qubada Heydər Əliyev Mərkəzində «Mətbuatda Azərbaycan ədəbi dilinin qorunması: problemlər və perspektivlər» mövzusunda konfrans keçirilib. Yerli və ətraf bölgələrin kütləvi informasiya vasitələrinin təmsilçiləri, ictimaiyyət nümayəndələrinin qatıldıqları toplantı Azərbaycan Mətbuat Şurasının Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə yardımı ilə gerçəkləşdirdiyi «Azərbaycanın mətbuat məkanında ədəbi dilin qorunmasına dəstək» layihəsi çərçivəsində baş tutub
Konfransı giriş sözü ilə Quba Rayon İcra Hakimiyyəti başçısının birinci müavini Yusif Abidov açaraq Azərbaycan ədəbi dilinin qorunmasının vacibliyini əsaslandırıb. O, təmsil olunduğu dövlət qurumunun da məsələyə xüsusi önəm verdiyini diqqətə çatdırıb. Ümumən mövzuya daha peşəkar şəkildə yanaşılmasının zəruriliyindən bəhs edən Y.Abidov tədbirin bu baxımdan əhəmiyyətli olacağına inamını bildirib.
Azərbaycan Mətbuat Şurasının sədri Əflatun Amaşov çıxışına Azərbaycan Respublikasının Prezidenti cənab İlham Əliyevin 9 aprel 2013-cü il tarixli sərəncamı ilə təsdiq edilmiş Azərbaycan dilinin qloballaşma şəraitində zamanın tələblərinə uyğun istifadəsinə və ölkədə dilçiliyin inkişafına dair Dövlət Proqramından söz açmaqla başlayıb. O bildirib ki, sənədə əsasən bir çox təşkilatlar kimi, Azərbaycan Mətbuat Şurasının üzərinə də mühüm missiya düşür. Şura bu missiyanı gerçəkləşdirmək üçün artıq neçə ildir Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun maliyyə yardımı ilə layihə gerçəkləşdirməkdədir: «Layihə çərçivəsində ölkənin müxtəlif bölgələrində tematik toplantılar təşkil olunur. Həmçinin ölkənin aparıcı, ictimai rəyə təsir göstərən KİV-lərinin monitorinqi də aparılır. Ümumən çalışırıq ki, cəmiyyət içərisində ədəbi dilin qorunması məsələlərinə münasibətdə aktivlik yaradaq. Media fəaliyyəti isə həssasdır. Bir çox hallarda ədəbi dilin pozulması halları KİV-lərdə müşahidə olunur. Buna görə də ilk növbədə media fəaliyyətinin müxtəlif aspektlərini müzakirə edəcəyik. Hesab edirik ki, Quba bu baxımdan əhəmiyyətli bölgələrimizdəndir. Rayonda 5 qəzet işıq üzü görür, televiziya kanalı fəaliyyət göstərir».
MŞ-nin KİV-lərin ana dilinə riayət sahəsində həyata keçirdiyi monitorinqin qrup rəhbəri, «Xalq qəzeti»nin şöbə müdiri İlham Abbasov çıxışında mətbuatımızda ana dilindən istifadə ilə bağlı konkret pozuntu faktlarından söz açıb. O bildirib ki, Azərbaycan müstəqilliyini əldə etdikdən sonra qəbul edilən dövlət sənədləri içərisində ədəbi dilin qorunmasına yönələn fərman və sərəncamlar üstünlük təşkil edir. Bu, Azərbaycan dövlətinin məsələyə verdiyi önəmin nəticəsidir. “Belə sənədlərin sayı 20-dən artıqdır. Ancaq onu da xüsusi vurğulamalıyıq ki, Ulu Öndər Heydər Əliyev hələ 1978-ci ildə Azərbaycan SSR-nin Konstitusiyasında Azərbaycan dilinin dövlət dili kimi təsbit olunmasına nail olmuşdu. Onun müəllifi olduğu 1995-ci il konstitusiyasının 21-ci maddəsində Azərbaycan dili dövlət dili kimi yenidən təsdiqləndi”, - deyən İ.Abbasov KİV-lərdə pozuntu faktlarını doğuran səbəblərdə qəzetçilik texnologiyasına bələd olmamanı və qələmə alınan sahədən xəbərsizlik hallarınını vurğulayıb.
Qubada işıq üzü görən “Şəfəq” qəzetinin baş redaktoru, əməkdar jurnalist Qəhrəman Qasımov Azərbaycan dilinin imkanlarının geniş olduğunu vurğulayıb. Bu baxımdan KİV-lərin bir sıra əcnəbi dillərdəki sözlərdən yerli-yersiz istifadəyə maraqlı olduqlarından narahatlığını ifadə edib. Belə xoşagəlməz halların aradan qaldırılması üçün ictimaiyyətin də dəstəyinin önəmliliyinə diqqət çəkən baş redaktor bildirib ki, MŞ-nin layihəsi bu baxımdan vacibdir.
Konfransda çıxış edənlər mövzunun aktuallığını vurğulayaraq iş təcrübələrində rastlaşdıqları bir sıra məqamlardan söz açıblar. Konfrans qarşılıqlı fikir mübadilələri şəraitində davam etdirilib.
Qeyd edək ki, MŞ-nin «Azərbaycanın mətbuat məkanında ədəbi dilin qorunmasına dəstək» layihəsi çərçivəsindəki ilk tədbiri ötən ay Lənkəranda baş tutmuşdu.
Tural




 
Bölməyə aid digər xəbərlər
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb
14.11.2018
“Dini maarifləndirmə işinin təşkili: gerçəkliklər və perspektivlər”
14.11.2018
Slovakiyalı qonaqlar Qobustan qoruğundan xoş təəssüratla ayrılıblar
14.11.2018
Monitorinq Mərkəzi ədəbi dildə norma pozuntularının aradan qaldırılması yollarını müəyyənləşdirəcək
14.11.2018
2018-ci ilin oktyabr ayı ərzində Dövlət Miqrasiya Xidmətinə 47 min 985 müraciət qeydə alınıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10469

1 “Universitetlərdə rəhbər şəxslərin qapıları tələbələr üçün daim açıq olur”
2 “Xaricdə təhsilimi davam etdirsəm, psixologiya sahəsini seçəcəyəm”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info