Avropa Azərbaycanlıları Konqresindən Avropa Parlamentinə etiraz
Tarix: 14.09.2015 | Saat: 18:31:00 | E-mail | Çapa göndər


Avropa Azərbaycanlıları Konqresi Avropa Parlamentinə Azərbaycana qarşı 2015-ci il 10 sentyabr tarixli qərəzli qətnaməsi ilə bağlı bəyanat ünvanlayıb.
Bəyanatda Avropa Azərbaycanlıları Konqresinin Avropa Parlamentinin qətnaməsinə dair kəskin narazılığı və böyük narahatlığı bildirilir, qətnamənin Azərbaycana qarşı qərəzli və qeyri-obyektiv, xüsusilə də “hədələyən barmaq” üslubunda tərtib edildiyi qeyd olunur, Azərbaycanın müstəqillik illərində əldə etdiyi yüksək nailiyyətlərin nəzərə alınmadığı vurğulanır.
Etiraz bəyanatında Avropa Parlamentinə bir sıra suallar ünvanlanıb: Necə olur ki, Avropa Parlamenti Azərbaycandakı insan haqları ilə bu dərəcədə maraqlanaraq, bu məsələyə “həssas” və “qayğıkeş” hisslərlə yanaşmada, digər azərbaycanlıların taleyinə biganə qalır? Necə olur ki, Avropada dəfələrlə müzakirə edilən Dağlıq Qarabağ münaqişəsi ilə bağlı Ermənistan və qondarma “Dağlıq Qarabağ respublikasına” qarşı heç bir sanksiya qəbul edilmir? Nədən Xocalı faciəsinin nəticəsində öldürülən insanların, öz yurd-yuvalarından didərgin düşmüş insanların haqları Avropa Parlamentini narahat etmir?
Bəyanatda, həmçinin bildirilir ki, işğalçı Ermənistan beynəlxalq qurumların Dağlıq Qarabağ münaqişəsinə dair qətnamə və qərarlarını yerinə yetirmir, işğalı davam etdirir, onların törətdikləri dəhşətlər hələ də beynəlxalq birlik tərəfindən öz hüquqi qiymətini almayıb. 1992-ci il fevralın 25-dən 26-na keçən gecə erməni hərbi birləşmələri Azərbaycanın Xocalı şəhərinə hücuma keçərək dinc əhaliyə amansız divan tutublar. Avropa Parlamenti əslində Ermənistan dövlətinə sanksiyalar tətbiq etməli, Azərbaycanın ərazi bütövlüyünün, qaçqın və məcburi köçkünlərin kütləvi şəkildə pozulmuş hüquqlarının bərpa edilməsinə çalışmalıdır.
Bəyanatda qeyd edilir ki, Avropa İttifaqı özü hazırda bir sıra insan hüquqları problemləri qarşısındadır. Belə ki, Avropa İttifaqının bir sıra ölkələrində bu günə qədər insan hüquqları pozulur, insanlar rasizm və millətçi basqınlara məruz qalırlar. Belə bir halda Avropa Parlamentinin başqa dövlətlərə “dərs verməyi” qeyri-ciddi və yolverilməzdir. Biz - Almaniyada yaşayan azərbaycanlılar Avropa cəmiyyətinin bir hissəsi olaraq Azərbaycana qarşı bu qərəzli qətnaməyə kəskin etirazımızı bildiririk.
Bəyanatın sonunda qeyd edilir ki, Azərbaycan demokratik inkişaf yolunda olan bir ölkədir və Avropa bu prosessə yalnız dəstək verə bilər, Azərbaycanın daxili siyasətinə qarışmaq yolverilməzdir. AAK Avropa Parlamentini sanksiyalara son qoymağa, ölkələr arasında konstruktiv dialoq aparmağa çağırıb, Avropa Parlamentindən Azərbaycana qarşı ədalətli münasibət tələb edib.
Tural TAĞIYEV




 
Bölməyə aid digər xəbərlər
21.09.2018
Türkiyə Böyük Millət Məclisinin sədri Azərbaycanda səfərdədir
20.09.2018
Müxalifət yenə ianə yalvarışlarına başladı
20.09.2018
XİN: “Bütün məsuliyyəti Ermənistan rəhbərliyinin üzərinə düşür”
20.09.2018
Birinci vitse-prezident NATO nümayəndə heyəti ilə görüşüb- YENİLƏNİB
20.09.2018
NATO baş katibinin müavini: “Azərbaycan terrorizmə qarşı mübarizədə qətiyyətli mövqe sərgiləyir”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info