“Azərbaycanın tolerantlıq təcrübəsi nümunə göstərilirsə, bu, dövlətimizin uğurlu siyasətinin göstəricisidir“
Tarix: 16.09.2015 | Saat: 18:10:00 | E-mail | Çapa göndər


Bu gün Bakıda "Dini və Milli Tolerantlıq - Millətlərarası Münasibətlərin İnkişaf etdirilməsində Medianın Rolu" mövzusunda beynəlxalq forum işinə başlayıb. Forum Beynəlxalq Avrasiya Mətbuat Fondunun təşkilatçılığı ilə baş tutub. Forumda Beynəlxalq Avrasiya Mətbuat Fondunun sədri Umud Mirzəyev, Azərbaycan Respublikasının millətlərarası, multikulturalizm və dini məsələlər üzrə Dövlət müşaviri Kamal Abdulla, Milli Məclisin vitse spikeri Bahar Muradova, Dini Qurumlarla İş üzrə Dövlət Komitəsinin sədri Mübariz Qurbanlı, xarici ölkələrin Azərbaycandakı səfirləri, ziyalılar, ictimaiyyət xadimləri iştirak ediblər.
Forumu giriş sözü ilə BAMF sədri U. Mirzəyev açıb. O, forumun keçirilməsinin əhəmiyyətini qeyd edərək iştirakçılara uğurlar arzulayıb və belə tədbirlərin keçirilməsinin vacibliyini qeyd edib.
Forumu açan Beynəlxalq Avrasiya Mətbuat Fondunun sədri Umud Mirzəyev belə tədbirlərin keçirilməsinin sülhün, tolerantlığın, azad, bərabər və birgə yaşayışın, milli münaqişələrin həllinin vacibliyinin dünyaya çatdırılması baxımından çox önəmli olduğunu dedi. Bildirdi ki, bu gün sadə insanların milli, dini heysiyatı, azad və sülh şəraitində yaşamaq kimi təbii hüquqları dünyanın müxtəlif güc mərkəzlərinin nəzarətində olan media qurumlarının əsas hədəfinə çevrilib. Millətlərarası dialoq, dini tolerantlıq, multikulturalizm məsələləri heç zaman bugünkü kimi aktual olmayıb. Məlumdur ki, medianın cəmiyyətimizə təsiri güclüdür. Media bizim fikirlərimizin və davranışlarımızın aynasıdır. Medianın bəzən cəmiyyətdəki ziddiyyətlərin kəskinləşdirməsinə, münaqişələri qızışdırmasına baxmayaraq, onun mövcud problemlərin həll edilməsi üçün töhfə vermək potensialı da çoxdur.
BAMF-ın sədri bildirib ki, təkcə Azərbaycan üçün deyil, bütöv dünyamız üçün zəruri olan bu məsələlərin müzakirə ediləcəyi forumun əsas məqsədi medianın bu istiqamətdə rolunu dəyərləndirmək, sülhün, tolerantlığın, multikulturalizmin açar elementlərini aydınlaşdırmaq və təşviq etməklə yanaşı, Azərbaycanın tolerantlıq modelinə, tarixi-mədəni irsinə nəzər salmaq, mümkün təcrübələri paylaşmaqdır.
Dini Qurumlarla İş üzrə Dövlət Komitəsinin sədri M. Qurbanlı isə Azərbaycanda ənənəvi tolerantlıqdan danışıb. O qeyd edib ki, Azərbaycanda dini zəmində münaqişələr olmayıb: “Burada yaşayan digər xalqlara qarşı hörmətlə yanaşılıb. Azərbaycanın tolerantlıq təcrübəsi digər ölkələrə nümunə göstərilirsə və öyrənilməsinin vacibliyi qeyd olunursa, bu dövlətimizin uğurlu siyasətinin göstəricisidir".
Qeyd edək ki, forumun keçirilməsinin məqsədi jurnalist və ekspertlərin tolerantlığı dünyaya çatdırmaları, dini dözümsüzlüyə qarşı mübarizəni təbliğ etmələridir.
Tural TAĞIYEV




 
Bölməyə aid digər xəbərlər
21.02.2019
Fondun təşkilatçılığı ilə KİV rəhbərləri Dövlət Miqrasiya Xidmətinin fəaliyyəti ilə yaxından tanış olublar
21.02.2019
DİN polis orqanlarında 150 vəzifəyə qəbulla əlaqədar müsabiqə elan edib
21.02.2019
Rusiyalı bloqqerlər Azərbaycanda qış mövsümü haqqında film çəkiblər
21.02.2019
Azərbaycanın İstanbuldakı baş konsulu azərbaycanlı tələbələrlə görüşüb
21.02.2019
Dini liderlər Xocalı ilə əlaqədar beynəlxalq təşkilatlara müraciət ediblər

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Əsərləri dünyanın bütün elektron kitabxanalarında yer alan azərbaycanlı yazar
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info