Almaniyanın təhsil naziri plagiata görə elmi dərəcədən məhrum edilib
Tarix: 06.02.2013 | Saat: 22:26:00 | E-mail | Çapa göndər


Düsseldorf Universitetinin Fəlsəfə fakültəsinin şurası dünən keçirdiyi iclasda Almaniyanın təhsil naziri Annette Şavanın 30 il əvvəl müdafiə etdiyi namizədlik dissertasiyasının etibarsız sayılması barədə qərar qəbul edib. Qəbul edilən bu qərara əsasən, nazir həmçinin elmi dərəcədən də məhrum edilib.
Qeyd edək ki, “RİA Novosti” bu barədə yazır. Bildirilir ki, Almaniya təhsil nazirinin ətrafında bununla bağlı qalmaqal 2012-ci ilin mayında yaşanmağa başlayıb. O zaman bir neçə internet portalında Annette Şavanın 1980-cı ildə namizədlik dissertasiyasını yazarkən plagiata yol verdiyi barədə ittihamlar irəli sürülmüşdü. Bu iddiaları araşdırmaq məqsədi ilə Şavanın elmi dərəcə aldığı Düsseldorf Universitetinin Fəlsəfə fakültəsinin dekanı Bruno Blekmann xüsusi komissiya yaratdı. İlin sonunda komissiya araşdırmanın nəticələrini şuraya təqdim edib. Fakültə şurasının keçirdiyi gizli səsvermənin nəticələrinə əsasən, (12 səs “lehinə”, 2 səs “əleyhinə” və 1 nəfər “bitərəf” olmaqla) qəti olaraq Annette Şavanın namizədlik dissertasiyasını etibarsız sayılıb və onun doktor elmi dərəcəsindən məhrum edilməsi barədə qərar qəbul edilib. Dekan bu barədə bildirib ki, Annette Şavan yaxın 4 həftə ərzində qərara etiraz bildirmək hüququna malikdir. Təhsil naziri bütün ittihamları inkar edib və tutduğu vəzifəni tərk etmək niyyətində olmadığını bildirib. Maraqlıdır ki, qızğın mübahisələr doğuran namizədlik dissertasiyasının mövzusu “Şəxsiyyət və Vicdan” olub.
Qeyd etmək lazımdır ki, plagiatlıq problemi bir çox ölkələrin, o cümlədən postsovet ölkələrinin elmi sahəsində çox aktual olaraq qalmaqdadır. Azərbaycanda da plagiatlıqla bağlı faktlar üzə çıxmışdı. Belə ki, bir neçə il öncə bir çox əsərlərin plagiat olduğu aşkarlanmışdı və onların nəticələri ləğv edilmişdi. Eyni zamanda, bu plagiat əsərlərə görə elmi dərəcə alanların dərəcələri də ləğv edilmişdi. Xüsusilə qeyd etmək lazımdır ki, hazırda elmin inkişafına diqqət gücləndirilir, alimlərin maddi təminatının yaxşılaşdıırlması istiqamətində intensiv tədbirlər həyata keçirilir. Belə bir şəraitdə elmi əsərlərin keyfiyyətinin saxlanması və eyni zamanda müəlliflik hüquqlarının qorunması üçün plagiatlıqla mübarizənin daha da sərtləşdirilməsi məqsədəuyğundur.
İlkin AĞAYEV




 
Bölməyə aid digər xəbərlər
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info