“Il Primato Nazionale”: “Dağlıq Qarabağ respublikası”nda keçirilən seçkilər beynəlxalq birlik tərəfindən tanınmır”
Tarix: 21.09.2015 | Saat: 21:39:00 | E-mail | Çapa göndər


İtaliyanın “Il Primato Nazionale” xəbər saytında “Dağlıq Qarabağ Respublikası”nda sentyabrın 13-də “özünüidarə orqanları”na keçirilən seçkilərin təhlil olunduğu və bu prosesin beynəlxalq birlik tərəfindən qanunsuz dəyərləndirildiyi məqalə yerləşdirilib.
Məqalədə bildirilir ki, beynəlxalq birlik tərəfindən müstəqilliyi tanınmayan qondarma Dağlıq Qarabağ respublikasında keçirilən bu “seçkilər” rəsmi Bakı, beynəlxalq və regional təşkilatlar, ayrı-ayrı dövlətlər tərəfindən qeyri-qanuni qiymətləndirilir. Rəsmi Bakının mövqeyinə görə, Ermənistan bu “seçkiləri” təşkil etməklə təcavüzkar siyasətini davam etdirdiyini və Dağlıq Qarabağ münaqişəsinin sülh yolu ilə həlli istiqamətində aparılan danışıqlar prosesinə həvəssiz yanaşdığını bir daha göstərmiş oldu. Azərbaycanın Xarici İşlər Nazirliyinin bəyanatlarında bu “respublika”da hərbi, maliyyə və siyasi sahələrin birbaşa Ermənistanın nəzarətində olduğu qeyd edilir. Bu faktı Avropa Məhkəməsinin “Çıraqov və digərləri Ermənistana qarşı” işi üzrə azərbaycanlı məcburi köçkünlərin xeyrinə elan etdiyi qərar da təsdiqləyir.
Yazıda vurğulanır ki, cari ayın 11-də ISESCO da qondarma “Dağlıq Qarabağ respublikası”nda keçirilən bu seçkilərin nəticələrini tanımadığını, bu cür halların beynəlxalq hüquqa uyğun olmadığını və BMT Təhlükəsizlik Şurasının Dağlıq Qarabağ münaqişəsinə dair dörd qətnaməsi ilə ziddiyyət yaratdığını bəyan edib. Eyni zamanda, Azərbaycanın işğal olunmuş ərazilərində ermənilər tərəfindən məscidlər, tarixi abidələr, Azərbaycan xalqının və İslam dininin mühüm elementlərini əks etdirən digər tikililər də dağıdılmaqdadır. Bu səbəbdən qurum Azərbaycanı dəstəkləməkdə davam edəcək. Müvafiq məsələ ilə bağlı oxşar mahiyyətli bəyanat İslam Əməkdaşlıq Təşkilatı tərəfindən də verilib.
Müəllif oxucuların diqqətinə çatdırır ki, ABŞ Dövlət Departamentinin sözçüsü Con Kirbi ölkəsinin Dağlıq Qarabağı müstəqil və suveren dövlət kimi tanımadığını, keçirilən “seçkiləri” regionun hüququ statusuna təsir göstərən nəticələr kimi qəbul etmədiyini bildirib.
Münaqişənin tarixindən bəhs olunan yazıda qeyd edilir ki, bu problem nəticəsində Ermənistan silahlı qüvvələri tərəfindən Azərbaycan ərazisinin 20 faizi işğal olunub. 1994-cü ildə münaqişənin nizamlanması üçün yaradılmış ATƏT-in Minsk qrupunun müvafiq istiqamətdə səylərinə baxmayaraq, hələ də müsbət həll yolu tapılmayıb.
Tural




 
Bölməyə aid digər xəbərlər
25.05.2019
UNICEF: 600 min əfqanıstanlı uşağı ölümdən xilas etmək üçün 7 milyon dollar tələb olunur
25.05.2019
Yaponiyada 5,1 ballıq zəlzələ Tokionu silkələdi
25.05.2019
Meksikada “Mi-17“ helikopteri qəzaya uğrayıb
25.05.2019
Lyonda partlayış nəticəsində yaralananların sayı 13-ə çatıb
25.05.2019
İtaliyada üç terrorçu həbs olunub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 …Hər sözdə vətən axtaran soydaşımız


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info