“Komediya janrında serialların çəkilməsinin əleyhinə deyilik”
Tarix: 21.09.2015 | Saat: 23:18:00 | E-mail | Çapa göndər


MTRŞ: “Yeni seriallarda qanunazidd məqamlar olarsa, telekanallara qarşı cəza tədbirləri görüləcək”

“Dövlət büdcəsindən ayrılan vəsait hesabına çəkilən yeni serialların monitorinqi aparılır. Monitorinqin nəticələrinə uyğun olaraq qanunazidd məqamlar olarsa, telekanallara qarşı cəza tədbirləri görüləcək”. Bunu Milli Televiziya və Radio Şurasının (MTRŞ) Ekspertiza, Proqramlaşdırma və Analitik şöbəsinin müdiri Təvəkkül Dadaşov deyib.
O bildirib ki, efirə verilən istənilən materiala görə yayımçı birbaşa cavabdehdir: “Bu məsələ “Televiziya və radio yayımı haqqında” Qanunun xüsusi maddəsi ilə tənzimlənir. Şura və qanun qarşısında məsuliyyət daşıyan yayımçılardır. Prodakşnlar, hər hansı serialın personajı və yaxud rejissoru bizim üçün cavabdeh şəxs deyil”.
Şöbə müdirinin sözlərinə görə, dövlət büdcəsindən ayrılan vəsait hesabına daha çox ailə-məişət, sevgi mövzusunda seriallar çəkilib: “Seriallar nisbətən yüngül mövzularda çəkildi. Biz daha ciddi, milli-mənəvi, tariximizi özündə əks etdirən serialların çəkilməsini gözləyirdik. Ona görə də biz yüngül mövzularda çəkilən serialları tənqid etdik. Növbəti mərhələlərdə çəkilən seriallarda bu amillərin nəzərə alınacağını gözləyirik. Kanallar öz hesablarına, müəyyən reytinq xətrinə, tamaşaçını cəlb etmək üçün yüngül mövzularda seriallar çəkə bilərlər. Amma dövlət tərəfindən ayrılmış maliyyə ilə daha ciddi mövzulu seriallar çəkilməli idi. Biz bununla bağlı narahatlığımızı bildirmişik”.
T. Dadaşov əlavə edib ki, bu gün çəkilən seriallarda narahatlıq doğuran məqamlar var: “Bəzi seriallarda Azərbaycanın xalqının milli-mənəvi dəyərlərinə uyğun olmayan, yalnız ucuz gülüş xətrinə müəyyən məsələlər öz əksini tapır. Seriallarda ata və qız, ana və qız, yaxud da qayınana və kürəkən arasında gülüş xətrinə elə münasibətlər qoyulur ki, bu da bizim milli-mənəvi dəyərlərimizə ziddir. Azərbaycan ailəsində o cür dəyərlər yoxdur. Bunlar xoş qarşılana bilməz. Serialları ayrı-ayrı prodakşnlar çəkir. Yaxşı olardı ki, televiziyalar prodakşnlara bununla bağlı tövsiyələrini versinlər. Serialların mövzuları seçilərkən diqqətli olsunlar. Onların efirə uyğun olub-olmamağı, “Televiziya və radio yayımı haqqında” qanunun tələbləri, Azərbaycan xalqının milli-mənəvi dəyərləri nəzərə alınsın. Biz prodakşnlara irad bildirmirik, qanun pozuntuları olanda kanallara iradlarımızı deyirik. Televiziyalar iradlardan özlərini sığortalamaq üçün bu məsələləri nəzərə alsalar, yaxşı olar”.
MTRŞ rəsmisi qeyd edib ki, seriallar çəkilərkən prodakşnlar da bəzi məqamları nəzərə almaq məcburiyyətindədirlər: “Tutaq ki, ailədaxili məsələlərlə bağlı qanunda heç nə yoxdur. Amma onlar nəzərə almalıdırlar ki, serialların təbliğat funksiyası var. Seriala azyaşlılar da baxır, onlar təsir altına düşə bilərlər. Bu baxımdan bəzi mühüm məqamları nəzərə almalıdırlar. Yeni mövsüm başlayıb. Biz yeni mövsümdən daha maraqlı, daha məzmunlu serialların çəkiləcəyini gözləyirik. Komediya janrında serialların çəkilməsinin də əleyhinə deyilik. Televiziyanın funksiyalarından biri də əyləndirməkdir. Əyləncəli seriallar da çəkilməlidir”.




 
Bölməyə aid digər xəbərlər
22.03.2019
‘‘Körfәz böhranı bölgәnin vә dünyanın maraqlarına xidmәt etmir’’
20.03.2019
Azərbaycana həm ABŞ, həm də OPEC ilə daha sıx əməkdaşlıq etmək lazımdır
19.03.2019
Yay aylarında Ermənistanda təbii qazın qiymətlərinin artması labüddür
18.03.2019
S-400 sistemlərinin alınması ABŞ-Türkiyə münasibətlərində ciddi problemlər yaradır
17.03.2019
Prezidentin əfv Sərəncamı xalqımızın bayram əhval-ruhiyyəsini daha da yüksəldib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 “Bahar“ Qadınlar İnkişaf Qrupuna müasir tikiş maşınları verilib
5 Fransız heykəltəraş Mauro Kordanın sərgisi


22.03 09:12 AFR bundestaqının büdcə komitəsi martın 20-də sabiq prezidentlərə və kanslerlərə xidmət göstərən heyətin ixtisar edilməsi, habelə sabiq prezidentlərin və kanslerlərin əlavə gəlirlərinin olması müəyyən edilsə, onların pensiyalarının məbləğinin azaldılması barədə qərar qəbul edib. AZƏRTAC xəbər verir ki, istefada olan dövlət başçısının sərəncamında yalnız bir sürücü, bir dəftərxana işçisi, iki yardımçı referent və bir katib qalacaq. Səfərləri zamanı sabiq dövlət başçısının komandasının deyil, yalnız özünün pulu büdcədən ödəniləcək. Pensiyalara əlavələr olanda “sabiqlərin“ əlavə gəlirləri nəzərə alınacaq. Bundestaqda gizlətmirlər ki, deputatları bu addımı atmağa ölkənin sabiq kansleri Gerhard Şröderin “Qazprom“la münasibətləri sövq edib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info