Magistraturaya qəbul imtahanlarının vaxtı açıqlandı
Tarix: 06.02.2013 | Saat: 23:02:00 | E-mail | Çapa göndər


Azərbaycanda magistraturaya qəbul imtahanının və magistratura pilləsinə qəbul imtahanının birinci mərhələsi üzrə keçiriləcək sınaq imtahanının vaxtı açıqlandı. Tələbə Qəbulu üzrə Dövlət Komissiyasının (TQDK) Ali təhsil üzrə yoxlama-ölçmə materiallarının işlənməsi şöbəsinin müdiri Natiq Əliyev keçirdiyi mətbuat konfransında bildirdi ki, sınaq imtahanı fevralın 17-də keçiriləcək. Onun sözlərinə görə, dünəndən etibarən sınaq imtahanlarına internet vasitəsilə qeydiyyat başlayıb.

N.Əliyev ali məktəblərin magistratura pilləsinə keçiriləcək qəbul imtahanının birinci mərhələsinin martın 3-də keçiriləcəyini bildirdi. O qeyd etdi ki, magistraturaya qəbul imtahanı test üsulu ilə iki mərhələdə keçirilir: “Birinci mərhələdə bakalavarların ümumi intellekt səviyyəsi, informatika fənnini və xarici dil bilmə səviyyəsi, ikinci mərhələdə isə seçdikləri qəbul proqramı əsasında onların ixtisas üzrə bilikləri yoxlanılır. Hər iki mərhələdə bakalavrın hər bir test tapşırığına düzgün cavabı bir balla qiymətləndirilir, səhv cavablar düzgün cavabların nəticəsinə təsir göstərmir. Bu zaman bakalavrlara ümumi intellekt səviyyəsinin yoxlanılması üzrə 50, informatika üzrə 25 və xarici dil üzrə 25 test tapşırığı təqdim olunacaq. Birinci mərhələdəki nəticələri TQDK-nın minimal tələblərini ödəyən bakalavrlar proqram seçiminə buraxılırlar”.

TQDK Azərbaycanın ali təhsil müəssisələrinin magistratura səviyyəsinə ərizə qəbuluna başlayır


Natiq Əliyev bildirdi ki, fevralın 11-dən etibarən Tələbə Qəbulu üzrə Dövlət Komissiyası 2013/2014-cü tədris ili üçün Azərbaycanın ali təhsil müəssisələrinin magistratura səviyyəsinə ərizə qəbuluna başlayır. O bildirdi ki, ali məktəblərin magistraturalarına qəbul olmaq istəyən bakalavrlar fevralın 11-də 21-dək “Bakalavrın elekron ərizə” formasını doldurmalıdır. N.Əliyevin sözlərinə görə, bakalavrlar fevralın 12-dən 22-dək şənbə və bazar günləri istisna olmaqla saat 09:00-dan 17:00-dək ərizələrini təsdiq etdirməlidirlər: “Bu ilin məzunları “Bakalavrın elektron ərizə” formasını bitirdikləri ali məktəblərdə yaradılmış Sənəd Qəbulu Komissiyasında (SQK) təsdiq etdirməlidirlər. Ali məktəblərin əvvəlki illərinin məzunları, nəzdində SQK-lar fəaliyyət göstərməyən ali məktəblərin məzunları “Bakalavrın elektron ərizə” forması ali təhsil müəssisələrində yaradılmış SQK-ların istənilən birində təsdiq etdirə bilərlər. Xarici ölkələrdə ali təhsil almış Azərbaycan vətəndaşları “Bakalavrın elektron ərizə” formasını TQDK-da yaradılmış SQK-da təsdiq etdirməlidirlər”.

Hər il magistratura pilləsi üzrə qəbul planı artır

TQDK-nın şöbə müdiri Natiq Əliyev bildirdi ki, Azərbaycanda hər il ali məktəblərin magistratura pilləsinə qəbul planında artım müşahidə edilir: “Belə ki, hər il magistratura pilləsi üzrə qəbul planı 10-15 faiz artır. Amma builki qəbul planı hələ ki Tələbə Qəbulu üzrə Dövlət Komissiyasına təqdim edilməyib”. Şöbə müdirinin sözlərinə görə, 2013/2014-cü tədris ili üçün ali məktəblərin magistratura pilləsi üzrə qəbul planının martın sonu, aprelin əvvəllərində müvafiq qurumlar tərəfindən komissiyaya təqdim ediləcəyi gözlənilir. Onun sözlərinə görə, bundan sonra “Magistr” jurnalının 3-cü sayında magistraturaya qəbul proqramı və ixtisaslar qeyd olunacaq. N.Əliyev növbəti tədris ili üçün ali məktəblərin magistratura pilləsinə qəbul imtahanında bəzi ixtisaslar üzrə keçid ballarının necə olmasına da aydınlıq gətirdi. O qeyd etdi ki, adətən hər il magistratura pilləsi üzrə humanitar ixtisaslar üzrə ən yüksək, kənd təsərrüfatı, idman və hərbi təyinatlı ixtisaslar üzrə ən aşağı keçid balları qeydə alınır. N.Əliyevin sözlərinə görə, bu il də belə nəticələr gözlənilir.

Magistrlərə hərbi xidmətdən möhlət hüququ verilməsi
məsələsinə yenidən baxılması gözlənilir


Şöbə müdiri onu da vurğuladı ki, bəzi orqanların müraciəti ilə Azərbaycanda magistraturaya qəbul olunmuş bakalavrlara hərbi xidmətdən möhlət hüququnun verilməsi məsələsinə yenidən baxılması gözlənilir. O bildirdi ki, hazırda bununla bağlı yekun qərarın hansı şəkildə olacağını demək mümkün deyil: “Təbii ki, bu məsələ bizim səlahiyyətimizdə deyil. Ona görə də bu barədə məlumat vermək bizim üçün çətindir. Biz hər il növbəti çağırışa kimi, yəni iyulun 1-dək magistraturaya qəbul imtahanlarını yekunlaşdırırıq ki, bu ilin məzunları imtahanda iştirak edərək magistraturaya qəbul olduqdan sonra hərbi xidmətə gedə bilsinlər”.
TQDK-nın şöbə müdiri əlavə etdi ki, bakalavrlar daha çox elmi yaradıcılıqlarını davam etdirmək və elmi sahədə çalışmaq üçün magistratura təhsili almağı üstün tuturlar: “Ancaq görünür ki, hərbi xidmətlə əlaqədar oğlanların ali təhsil almalarında fasilənin yaranması onların yenidən elm sahəsinə qayıtmasına çətinlik yaradır. Oğlanların arada bir il müddətinə hərbi xidmətdə olması onların magistraturada təhsillərini davam etdirməsinə müəyyən qədər mənfi təsir göstərir”.
Nigar ABDULLAYEVA






 
Bölməyə aid digər xəbərlər
20.08.2019
Daha 185 şəhid vərəsəsinə birdəfəlik ödəmə verilməsinə dair qərar qəbul olunub
19.08.2019
Azərbaycanda əhaliyə bu xidmət pulsuz göstəriləcək – Qaydalar təsdiqləndi
18.08.2019
Xaçmaz və Xızıya yeni polis rəisləri təyin olunub
17.08.2019
Polisdən dilənçilərlə bağlı xəbərdarlıq
17.08.2019
Bakı Tikiş Evi: Bu il də məktəbli formalarının qiymətlərində heç bir dəyişiklik edilməyib

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10867

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info