İqor Muradyan: “Rəsul Quliyev ABŞ-ın erməni təşkilatları ilə əlaqələr axtarır”
Tarix: 06.02.2013 | Saat: 23:29:00 | E-mail | Çapa göndər


Açıq Cəmiyyət Partiyasının ABŞ-da yaşayan lideri Rəsul Quliyevin ermənilərlə əlaqələrinin olması ilə bağlı məlumatlar yeni deyil. Onun Birləşmiş Ştatlarda yaşadığı ilk illərdən daima erməni lobbisi ilə əlaqə yaratmağa çalışması ilə bağlı çoxlu informasiyalar var.
Amerikada yaşayaraq Azərbaycan dövlətinin əleyhinə, milli maraqlara zidd fəaliyyət göstərən Rəsul Quliyev bunun üçün erməni təşkilatları ilə əlaqə yaratmaqdan belə, çəkinməyib. Müntəzəm şəkildə erməni lobbi təşkilatları ilə görüşlər keçirən ACP lideri ermənilərin əlində oyuncağa çevrilərək, onların müxtəlifi sifarişlərni yerinə yetirib və yetirməkdə də davam edir. Hər seçki dönəmində fəallaşması ilə diqqət çəkən ACP liderinin aktivliyinin arxasında da erməni təşkilatları dayanır. Diqqət çəkən məqamlardan biri də odur ki, Rəsul Quliyev ABŞ-da həmişə ermənilərin təsir dairəsində olan təşkilatlarla, media mənbələri ilə təmasda olub. Siyasi düşüncəsinin darlığı və ya Azərbaycana olan nifrət hissi onu ermənilərlə yaxınlıq etməyə sövq edib. Onun erməni sevgisi ilə bağlı daha bir faktın üstü açılıb. Belə ki, Ermənistanın Milli Təhlükəsizlik Partiyasının sədri, vaxtilə Azərbaycanda yaşamış və Dağlıq Qarabağda ermənilərin “Qarabağ” komitəsinin ilk rəhbəri olan İqor Muradyan Açıq Cəmiyyət Partiyasının hazırda ABŞ-da yaşayan lideri Rəsul Quliyevlə görüşüb. Ermənistanın «Lragir.am» saytının yaydığı məlumata görə, İ.Muradyan Rəsul Quliyevlə görüşünün təfərrüatını belə açıqlayıb: “Tanınmış Azərbaycan müxalifətçisi Rəsul Quliyevlə görüşümü xatırlayıram. Rəsul Quliyev Azərbaycan parlamentinin eks-spikeri, siyasi mühacir, legitim milyoner və Azərbaycanda bir çox müxalifət partiyalarını maliyyələşdirən şəxsdir. Görüş Vaşinqtonda, Con Hopkins Universitetinin Mərkəzi Asiya və Qafqaz İnstitutunda baş tutdu və onu həmin vaxt institutun direktoru vəzifəsində çalışan Çarlz Farbenks təşkil etmişdi. Bizə məlum idi ki, Rəsul Quliyev ABŞ-ın erməni təşkilatları ilə əlaqələr axtarır. Bu dəfə o, həmin təşkilatlardan biri ilə görüşmək üçün Nyu-Yorkdan gəlmişdi”. İ.Muradyan deyib ki, R. Quliyev ondan Azərbaycan hakimiyyəti və Heydər Əliyev haqqında rəyini soruşub, Muradyandan isə ölkəsinin siyasətinə uyğun cavab alıb: “Rəsul Quliyev mənim cavabımdan həyəcanlandı və xahiş etdi ki, dediklərimi başqa yerlərdə yaymayım, çünki özü bu fikirlərdən yararlanmaq istəyirdi. O mənə dedi ki, mənim dediklərim həmişə onun da düşüncəsi olub, ancaq belə lakonik formada ifadə edə bilməyib. Bilmirəm, o, bu tezisləri yaydı, yoxsa yox”. Elə təkcə bu açıqlamalar R.Quliyevin ermənilərin əlində nə qədər kiçik oyuncaq olduğunu göstərmək üçün kifayətdir. Prezidentlik iddiasında olan şəxs ermənilərin çıxışlarından özü üçün tezis hazırlayır.
ANAR




 
Bölməyə aid digər xəbərlər
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib
13.11.2018
NATO Avropa ordusuna qarşı çıxdı
13.11.2018
Ermənistanın dövlət strukturlarında çalışanlar ixtisar ediləcək

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10470

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info