“Bizə münaqişələrə vaxtında cavab verməyi bacaran BMT Təhlükəsizlik Şurası lazımdır”
Tarix: 29.09.2015 | Saat: 23:33:00 | E-mail | Çapa göndər


Sülhün və təhlükəsizliyin, o cümlədən terrorizmə qarşı birgə mübarizə yolu ilə təmin edilməsi problemləri yaxın illərdə BMT-nin prioritetlərindən biri olmalıdır. Danimarkanın Baş naziri Lars Lökke Fransmussen BMT Baş Məclisinin 70-ci sessiyası çərçivəsində ümumi siyasi diskussiyalardakı çıxışında bu məqamları vurğulayıb. Danimarkanın Baş naziri beynəlxalq siyasətin gələcəyi barədə öz fikirlərini bölüşərək deyib: “Mən yaxın illərdə BMT üçün bir neçə mühüm prioritet görürəm. Onlardan birincisi sülh və təhlükəsizlikdir. Biz təkcə Suriyada və İraqda yox, həm də silahlı münaqişələrin və zorakılığın genişləndiyi Afrika regionlarında ekstremizm və terrorizm təhdidlərinə birlikdə güclü cavab verməliyik”. Fransmussen öz nitqində sülhün təmin edilməsində BMT Təhlükəsizlik Şurasının rolu məsələsi üzərində də dayanıb. Onun sözlərinə görə, BMT-nin sülhyaratma qüvvələri bu problemi təkbaşına həll edə bilməz. Danimarkanın Baş naziri vurğulayıb: “Bizə beynəlxalq səviyyədə sülhün və təhlükəsizliyin təmin edilməsinə dair zəruri qərarlar qəbul etməyə hazır olan Təhlükəsizlik Şurası, qarşıya çıxan münaqişələrə vaxtında cavab verməyi və dünya nizamını onun indiki formasında əks etdirməyi bacaran Təhlükəsizlik Şurası lazımdır”. Lars Lökke Fransmussen onu da qeyd edib ki, Danimarka öz tərəfindən bu təşkilatın sülhyaratma missiyalarında daha fəal iştirak etmək, o cümlədən Mali ərazisində BMT-nin apardığı əməliyyata öz töhfəsini artırmaq niyyətindədir. Hazırda həmin əməliyyatın iştirakçıları arasında cəmi 20 nəfər danimarkalı var. İndi Avropanın üzləşdiyi miqrasiya problemini genişmiqyaslı təhdid adlandıran Fransmussen qeyd edib ki, bu təhdidin öhdəsindən gəlmək üçün əvvəlcə problemin səbəblərini aradan qaldırmaq lazımdır. Baş nazir Danimarkanın Yaxın Şərq ölkələrindən olan qaçqınlara kömək göstərilməsi üçün 100 milyon avro vəsait ayırmaq niyyətində olduğunu bildirib və dünya ölkələrini münaqişələrin nəticələrini və iqtisadi qeyri-bərabərliyi aradan qaldırmaq üçün birgə mübarizə aparmağa çağırıb.




 
Bölməyə aid digər xəbərlər
20.09.2018
“Azərbaycan qazının Avropaya çatması tarixi hadisə olacaq”
18.09.2018
ABŞ ilə Çin arasındakı danışıqlar gərgin mərhələyə qədəm qoyub
18.09.2018
NATO Azərbaycanın beynəlxalq təhlükəsizliyə verdiyi töhfəni alqışlayır
18.09.2018
Bakıda Azərbaycan və Türkiyə əsgərlərini eyni sırada görmək tarixlərə işıq saçan xoşbəxtlikdir
18.09.2018
Ölkəmizə faydalı vətəndaşlar yetişdirməyə çalışırıq

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info