“Əcnəbilər seçkini necə istəyirlər, elə də qiymətləndirsinlər”
Tarix: 02.10.2015 | Saat: 00:38:00 | E-mail | Çapa göndər


“Onlarda seçkilər başqa cürdür, bir növ şoudur. Bizim şou düzəltməyimizə ehtiyac yoxdur”
“Seçkilər belaruslar üçün bayram olmalıdır, əcnəbilər isə necə istəyirlər, elə də qiymətləndirsinlər”. BELTA agentliyi xəbər verir ki, Belarus Prezidenti Aleksandr Lukaşenko bu sözləri ölkədə cari sosial-iqtisadi və siyasi vəziyyətə həsr edilmiş bugünkü müşavirədə söyləyib. A.Lukaşenkonun sözlərinə görə, Belarusda insanlar sovet dövründən adət ediblər ki, seçkilər – adamlar üçün bayramdır. Belarus dövlətinin başçısı əmindir ki, budəfəki (prezident) seçki kampaniyasının da bayram kimi keçməsi üçün nə lazımdırsa var – istər mədəniyyət xətti ilə, istərsə də ticarət xətti üzrə heç bir xərc tələb olunmur. O vurğulayıb ki, seçkilərin təşkilatçıları bu yolla kiminsə ürəyini yumşaltmaq istəmirlər. A.Lukaşenko deyib: “Bunu heç bir halda etmək olmaz. Belaruslar axmaq deyil, onlar hər şeyi çox gözəl başa düşürlər. Biz onların ürəyini yumşaltmaq üçün həddən artıq canfəşanlıq etməyə başlayanda onlarda sual yaranır: bu nə üçün və nəyə görə lazımdır? Buna görə də heç bir axmaq hərəkətə yol verilməməlidir. Seçkilərə olduğu kimi getmək lazımdır, lakin nəzərə almalıyıq ki, bu, bir növ imtahandır. Sadəcə hər şeyi tam cilalamaq, seçkiləri yüksək səviyyədə keçirmək lazımdır ki, insanlar seçkilərə bayrama gedən kimi getsinlər”. Belarus dövlətinin başçısı daha sonra deyib: “Əcnəbilərə gəldikdə isə, necə istəyirlərsə, elə də qiymətləndirsinlər. Bu onların işi və onların hüququdur. Onlarda seçkilər başqa cürdür, bir növ şoudur. Bizim şou düzəltməyimizə ehtiyac yoxdur”. Prezident çıxışına davam edərək deyib ki, ölkədə seçkilər Belarus qanunvericiliyi üzrə, Konstitusiya üzrə keçiriləcək və heç kəsin bu qanunlardan kənara çıxmağa ixtiyarı yoxdur. Prezident bir məqama diqqəti cəlb edib ki, Belarusda seçki hüququ barədə Qərbin fikrini dinləməyə və əgər Qərbin təklifləri ağlabatan və məqbul olarsa, əgər bu təkliflər milli qanunvericiliyə zidd deyilsə, Belarusda seçki hüququna düzəlişlər etməyə hazırdırlar. Bu baxımdan, Belarus tərəfi az iş görməyib. Aleksandr Lukaşenko bununla əlaqədar öz tələbini növbəti dəfə təkrar edib: “Seçkilər açıq şəkildə, Belarus qanunvericiliyinə ciddi müvafiq qaydada və ictimai asayişə riayət edilməklə keçirilməlidir”. A.Lukaşenko deyib: “Biz öz üzərimizə götürdüyümüz bütün öhdəlikləri yerinə yetirməli, o cümlədən həm öz müşahidəçilərimizin, həm də xarici müşahidəçilərin normal, maneəsiz fəaliyyətini təmin etməliyik”. Belarus Prezidenti seçki kampaniyasının təşkilinə və keçirilməsinə görə bilavasitə məsuliyyət daşıyan şəxslərin hamısını bu kampaniyanın qüsursuz keçməsi üçün öz imkanlarını maksimum səfərbər etməyə çağırıb.




 
Bölməyə aid digər xəbərlər
22.07.2019
Siyasiləşmiş “media ekspertləri”: onlar kimin maraqlarına xidmət edirlər?
22.07.2019
KİV-lər Azərbaycanın dövlətçilik maraqlarını hər şeydən uca tuturlar
21.07.2019
Yanes Kosyançiç: Azərbaycanın beynəlxalq yarışların keçirilməsində böyük təcrübəsi var
21.07.2019
Azərbaycan XV Avropa Gənclər Yay Olimpiya Festivalının keçirilməsinə tam hazırdır
21.07.2019
Milli mətbuat Qarabağ münaqişəsi ilə bağlı həqiqətlərin dünyaya çatdırılmasında, düşmənə qarşı informasiya müharibəsində mühüm rol oynayır

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info