Eynulla Fətullayev Almaniyada jurnalistlərin təqibi ilə bağlı daha bir açıqlama yayıb
Tarix: 07.02.2013 | Saat: 22:28:00 | E-mail | Çapa göndər


“Almaniya polisi Frankfurt şəhərində keçirilmiş
etiraz aksiyalarını işıqlandıran alman jurnalistlərinin mənzil və ofislərində kütləvi axtarışlar aparıb”

“İnsan haqları uğrunda” İctimai Birlik Almaniyada jurnalistlərin hüquqlarının pozulması ilə bağlı bəyanat yayıb. Birliyin sədri Eynulla Fətullayevin verdiyi məlumata görə, fevralın 6-da Blokupay Frankfurt Hərəkatının (Almaniya) rəhbərliyi “İnsan haqları uğrunda” İctimai Birliyə müraciət edib: “Onlar Almaniyada insan haqlarının kütləvi şəkildə pozulması məsələsinə müdaxilə etməyi və buna münasibət bildirməyi xahiş ediblər. Müraciətdə deyilir ki, Almaniya polis əməkdaşları ötən il Frankfurt şəhərində keçirilmiş etiraz aksiyalarını işıqlandıran alman jurnalistlərinin mənzil və ofislərində kütləvi axtarışlar aparıblar”.

E. Fətullayev deyib ki, fevralın 6-da səhər tezdən azı 10 polis məmuru fotojurnalistlərin mənzil və ofislərində axtarış aparıblar: “Axtarışlar eyni vaxtda Berlində, Brandenburqda, Şimali Reyn-Vestfaliya federal torpağında, Hessendə və Baden-Vürtemberqdə aparılıb. Polislər bir neçə kompyüteri, texniki avadanlıqları, fototexnikanı, Fraybuqrda isə hətta jurnalistlərə məxsus mobil telefonu və dəftərxana ləvazimatlarını da müsadirə edərək, özləri ilə aparıblar. Polisin bu əməlləri qanunazidd olub. Axtarış orderində yazılanlara əsasən, fotojurnalistlər hətta adicə xırda cinayət əməlində də şübhəli və ya ittiham olunan şəxslər olmayıblar. Frankfurtun prokuroru isə 31 mart 2012-ci ildə Frankfurtda keçirilmiş etiraz aksiyasının iştirakçılarına qarşı hər hansı cinayət əməlinin dəlil-sübutunu tapmağa ümid bəsləyir”.
E. Fətullayev bildirib ki, “İnsan haqları uğrunda” İctimai Birlik baş verənlərlə bağlı bəyanat yayıb: ”Bu axtarışlar mətbuat azadlığına və bütövlükdə fundamental demokratik hüquqlara olan hücumdur. Görünür, prokuror polisin bu addımına icazə verib. Polisin bu addımı isə qanunun pozulması və sosial etirazlar barədə məlumatlar yayan peşəkarların təqib edilməsidir. Blokupay Frankfurt hərəkatı fəalı Martin Sommerin sözlərinə görə, “Şübhəli şəxslərin bütün ölkə miqyasında axtarılması öz-özlüyündə böyük qalmaqaldır. Jurnalistlərin qorxudulması və onların fəaliyyətinə əngəl yaradılması demokratik cəmiyyətin sütunlarının sarsıdılmasıdır”.
Qeyd edək ki, Blokupay-alyans bu il mayın 31-i və iyunun 1-i Frankfurtda “Avropa hərəkatı günləri” elan edib. Fevralın 17-də isə Frankfurtda sosial etirazların təşkili ilə bağlı ümummilli müşavirə keçiriləcək.




 
Bölməyə aid digər xəbərlər
22.09.2018
İsveçrə və Azərbaycan arasında çox yaxşı əlaqələr mövcuddur
21.09.2018
Yıldırım: “Azərbaycanı vətənim kimi qəbul edirəm“
21.09.2018
Ombudsman: “Yalnız müharibənin acısını yaşamış xalqlar sülhün dəyərini bilir”
21.09.2018
Binəli Yıldırım: Azərbaycanın qazandığı uğurlarda parlamentin böyük rolu var
21.09.2018
Türkiyə Böyük Millət Məclisinin sədri Azərbaycanda səfərdədir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info