“KTMT sülhməramlıları “qaynar nöqtə”lərdə əməliyyatlara hazır olmalıdır”
Tarix: 05.10.2015 | Saat: 16:48:00 | E-mail | Çapa göndər


Kollektiv Təhlükəsizlik Müqaviləsi Təşkilatının (KTMT) Kollektiv Sülhməramlı Qüvvələri dünyanın “qaynar nöqtə”lərində mümkün sülhməramlı əməliyyatlara hazır olmalıdırlar. “RİA Novosti”nin verdiyi xəbərə görə, bunu KTMT-in baş katibi Nikolay Bordyuja deyib.
“Hazırda vəziyyət bütün istiqamətlərdə gərginləşib. Və artıq bu gün aydın görünür ki, hazırda dünyada müşahidə edilən bir çox “qaynar nöqtələr”ə sülhməramlı qüvvələr cəlb edilməlidir. Və buna görə də, KTMT Kollektiv Sülhməramlı Qüvvələrinin praktiki döyüş tapşırıqlarının yerinə yetirilməsi mümkün əməliyyatlara hazırlıqdır. Düşünmürəm ki, onlar yaxın gələcəkdə baş tutacaq, lakin, istənilən halda, KTMT sülhməramlı qüvvələrin tətbiq edilməsinə hazır olmalıdır”, deyə təşkilatın məlumatında bildirilir.
Qeyd edək ki, Nikolay Bordyuja Ermənistanda “Marşal Bağramyan” poliqonunda sentyabrın 30-dan davam edən KTMT sülhməramlı qüvvələrinin “Sarsılmaz qardaşlıq-2015” təlimlərini izləyir.
KTMT Kollektiv Sülhməramlı Qüvvələri təlim zamanı Qafqaz regionunda sülhün təmin edilməsi üzrə şərti əməliyyatlar keçirirlər.
Məlumata görə, təlim zamanı münaqişə tərəflərinin aralanması, bufer zonasının yaradılması, humanitar yüklərin müşayiət etdirilməsi, qanunsuz silahlı birləşmələrin təlim düşərgəsinin mühasirəyə alınaraq məhv edilməsi, qanunsuz silahlı birləşmələr tərəfindən ələ keçirilmiş binanın nəzarətə alınması və girovların azad edilməsi üzrə praktiki tapşırıqlar həyata keçirilir.
Təlimlərin əvvəlki mərhələlərində sülhün təmin etdirilməsi üzrə əməliyyatın keçirildiyi rayonda KTMT Kollektiv Sülhməramlı Qüvvələrin formalaşdırılması və mövqe tutması məsələləri icra edilib.
Həmçinin KTMT təlimləri zamanı sülhməramlı kontingentlərin uzaq məsafələrə göndərilməsi tapşırıqları icra edilib. Belə ki, Rusiya kontingentinin 15-ci sülhməramlı motoatıcı alayın tərkibindəki 100 hərbçidən ibarət bölük taktiki qrupu təhkim edilmiş texnikası və silah-sursatı ilə birlikdə (8 ədəd BTR-82A, 82 mm kalibrli minaatanlar və atıcı silahlar) Samara vilayətindən Ermənistana göndərilib. Göndərilmə Rusiya Hava-Kosmik Qüvvələrinin hərbi-nəqliyyat aviasiyasının 5 “İL-76” təyyarəsi ilə 1500 km-dən çox məsafəni qət etməklə həyata keçirilib.
Qeyd edək ki, “Sarsılmaz qardaşlıq-2015” təlimlərində Ermənistan, Belarus, Qazaxıstan, Qırğızıstan, Rusiya və Tacikistanın Silahlı Qüvvələrinin və xüsusi təyinatlı polis dəstələrinin 600-dək üzvü, həmçinin, 50 ədəd döyüş və xüsusi texnika, 4 helikopter və ərazinin kəşfiyyatı üçün pilotsuz təyyarələr iştirak edir.

Tural




 
Bölməyə aid digər xəbərlər
20.08.2019
Putin Rusiyadakı etiraz aksiyalarına münasibət bildirib
19.08.2019
Ermənistan parlamenti aparatında çalışan işçilər ixtisar edilir
19.08.2019
Keşiş Vartanın uydurduğu “Erməni Naxçıvanı“ mifini tarmar edən əsər
17.08.2019
Soçi aeroportunda işdən çıxarılan ermənilər millətlərarası ədavəti qızışdırırlar
16.08.2019
“Erməni xalqı inqilab əvəzinə mənasız hakimiyyət dəyişikliyi əldə edib”

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10861

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info