“Azərbaycan yığması ilə görüş asan olmayacaq”
Tarix: 06.10.2015 | Saat: 23:11:00 | E-mail | Çapa göndər


“60 min nəfərlik yeni stadionda ilk oyuna çıxacaqlar. Yəni tələyə düşməyimiz üçün hər cür təhlükə var”
İtaliya milli komandasının baş məşqçisi Antonio Konte Azərbaycan və Norveç yığmaları ilə futbol üzrə “Avro 2016”-nın seçmə mərhələsi çərçivəsində keçiriləcək oyunlardan əvvəl mətbuat konfransı keçirib. 46 yaşlı mütəxəssis final mərhələsinə vəsiqəni qarşıdakı oyunlarda təmin etmək fikrində olduqlarını bildirib. Ancaq baş məşqçi, Azərbaycan millisi ilə görüşün heç də asan keçməyəcəyini söyləyib: “Bu rəqib yaxşı komandadır, Robert Prosineçkinin rəhbərliyi ilə dörd görüşdən, o cümlədən Xorvatiya və Norveçdən xal almağı bacarıb. Ona görə də biz anlamalıyıq ki, Azərbaycanla görüş asan olmayacaq. Eyni zamanda, 60 min nəfərlik yeni stadionda ilk oyuna çıxacaqlar. Yəni tələyə düşməyimiz üçün hər cür təhlükə var. Bu görüşə köklənməyə çalışacağıq. Rəqib bizə hər an sürpriz etməyə qadir komanda təsiri bağışlayır. Bu, Fransada keçiriləcək final mərhələsinə gedən yolda bizim üçün çox vacib qarşılaşmadır. Ehtiyatlı olmalı, işləməli və Bakıda maksimum nəticə əldə etməyə çalışmalıyıq”. Konte yığmaya çağırdığı 27 futbolçudan birini geri göndərməli olduğunu da açıqlayıb. İtaliyalı mütəxəssis bildirib ki, bu, yığmaya zədəli halda gələn “Sassuolo” klubunun hücumçusu Domeniko Berardidir. Jurnalistlərin “Niyə Mario Balotellini çağırmadınız” sualına isə baş məşqçi deyib: “M.Balotelli öz üzərində yaxşı çalışmalıdır. Xahiş etdim ki, belə də davam etsin və yığmaya layiq olduğunu sübuta yetirsin”. Qeyd edək ki, İtaliya millisi Azərbaycan yığması ilə oktyabrın 10-da paytaxtımızda Bakı Olimpiya Stadionunda qarşılaşacaq. Bundan üç gün sonra “Skuadra Adzurra” Romada Norveçi qəbul edəcək.




 
Bölməyə aid digər xəbərlər
23.01.2019
“Neftçi” Antalyada növbəti yoxlama oyununu keçirib
23.01.2019
Qabil Mehdiyev: Azərbaycan KİV-ləri II Avropa Oyunlarına hazırlığı diqqətlə izləyirlər
23.01.2019
“Rizespor” “Porto”dan futbolçu icarəyə götürüb
22.01.2019
Rusiyada ilk Qış Universiadası keçiriləcək
22.01.2019
Marselo əsas heyətdən kənarlaşdırıldı

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10566

1 “Mənim güc mənbəyim Bakıdadır”
2 Mehman Hüseynov Prezident İlham Əliyevə müraciət ünvanlayıb
3 “Yenisafak.com”: “Star” NEZ “Ən yaxşı maliyyə layihəsi idarəçiliyi” mükafatına layiq görülüb”
4 Əli Abdalov Mehman Hüseynovla barışıb
5 Sədərək uğrunda gedən qeyri-bərabər döyüşdə yurd sevgisi qalib gəldi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info