“Ermənistan reallığı nə qədər tez dərk etsə, münaqişə o qədər tez həll edilər”
Tarix: 08.10.2015 | Saat: 21:31:00 | E-mail | Çapa göndər


"Ermənistan beynəlxalq ictimaiyyətin mövqeyinə tam hörmətsizlik edərək və beynəlxalq hüququn ümumi qəbul olunmuş norma və prinsiplərini, BMT Təhlükəsizlik Şurasının münaqişə ilə bağlı dörd qətnaməsinin tələblərini kobud şəkildə pozmağa davam edərək işğal və təcavüzə əsaslanan mövcud status-kvonun saxlanması siyasətini yürüdür".
Bunu Ermənistanın xarici işlər naziri Edvard Nalbandyanın açıqlamasını şərh edən Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev deyib.
H.Hacıyev bildirib ki, BMT Baş Assambleyasının 70-ci sessiyasının ümumi müzakirələr hissəsində çıxış edən Azərbaycan xarici işlər naziri Elmar Məmmədyarov tərəfindən münaqişənin həlli prosesi ilə bağlı Azərbaycanın qəti mövqeyi bir daha beynəlxalq ictimaiyyətin diqqətinə çatdırıldı: "BMT kürsüsündən nazir Elmar Məmmədyarov tərəfindən bir daha vurğulandı ki, Dağlıq Qarabağ regionu hər zaman Azərbaycanın ayrılmaz tərkib hissəsi olub və olmaqda da davam edəcək, Azərbaycan heç bir zaman öz ərazilərinin işğalı ilə barışmayacaq və münaqişə yalnız Azərbaycanın beynəlxalq səviyyədə tanınmış sərhədləri çərçivəsində onun suverenliyi və ərazi bütövlüyü əsasında həll edilə bilər".
XİN rəsmisi deyib ki, bu, beynəlxalq ictimaiyyətin də qəti şəkildə dəstəklədiyi mövqedir: "Dövlətlərin beynəlxalq səviyyədə tanınmış sərhədləri güc yolu ilə dəyişdirilə bilməz. BMT Baş Assambleyasının 70-ci sessiyasında o da xüsusilə qeyd olundu ki, danışıqlar yolu Ermənistan silahlı qüvvələrinin işğal olunmuş ərazilərimizdən tamamilə və qeyd-şərtsiz çıxarılması ilə nəticələnməsə, Azərbaycan BMT Nizamnaməsinin 51-ci maddəsi ilə təsbit olunmuş hüququndan istifadə edərək, beynəlxalq səviyyədə tanınmış sərhədləri çərçivəsində suverenliyi və ərazi bütövlüyünün bərpasını təmin etmək məcburiyyətində qalacaq. Bu halda isə bütün məsuliyyət işğalçı dövlət kimi tam şəkildə Ermənistanın üzərinə düşür".
H.Hacıyev qeyd edib ki, Ermənistan bu reallığı nə qədər tez dərk etsə, münaqişə o qədər tez həll edilər və regiondakı ölkələr və xalqlar əməkdaşlıq və iqtisadi inkişaf perspektivlərindən faydalanar.
Qeyd edək ki, ötən gün Ermənistanın xarici işlər naziri E.Nalbandyan parlamentdə bəyan edib ki, hərbi əməliyyatlar başladığı təqdirdə, Ermənistan Dağlıq Qarabağın təhlükəsizliyinin təminatı kimi bütün zəruri addımları atacaq, o cümlədən, onun müstəqilliyini tanıyacaq.
Tural




 
Bölməyə aid digər xəbərlər
21.09.2018
Yıldırım: “Azərbaycanı vətənim kimi qəbul edirəm“
21.09.2018
Ombudsman: “Yalnız müharibənin acısını yaşamış xalqlar sülhün dəyərini bilir”
21.09.2018
Binəli Yıldırım: Azərbaycanın qazandığı uğurlarda parlamentin böyük rolu var
21.09.2018
Türkiyə Böyük Millət Məclisinin sədri Azərbaycanda səfərdədir
20.09.2018
Müxalifət yenə ianə yalvarışlarına başladı

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10128

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 “Mübariz İbrahimov təkbaşına bir çox işğalçını məhv edərək şəhidlik zirvəsinə ucalıb”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info