“Mercedes”in pilotu Rusiyada qalib olub
Tarix: 12.10.2015 | Saat: 22:34:00 | E-mail | Çapa göndər


Soçidə “Formula-1” Qran-pri yarışlarının 15-ci - Rusiya mərhələsinə yekun vurulub. Mötəbər turnirin Rusiya mərhələsində hər biri iki pilotla təmsil olunan 10 komanda mübarizə aparıb.
Uzunluğu 5848 metr olan Soçi Avtodrom Pistində 53 turda keçirilən turnirin final mərhələsində “Mercedes” komandasının britaniyalı pilotu Levis Hamilton qalib adını qazanıb. “Ferrari”nin almaniyalı pilotu Sebastiyan Fettel ikinci, “Fors İndia” komandasının meksikalı sürücüsü Serxio Peres isə üçüncü olub. Yarışı Rusiya Prezidenti Vladimir Putin, “Formula-1”in prezidenti Berni Eklstoun, Beynelxalq Xokkey Federasiyasının rəhbəri Rene Fazel və digərləri izləyiblər. Kuboku Levis Hamiltona Rusiya Prezidenti təqdim edib. Hazırda çempionata 302 xalla “Mercedes” komandasının pilotu Levis Hamilton liderlik edir. O, əvvəlki 14 mərhələnin 8-də qalib gəlib. L.Hamilton Avstraliya, Çin, Bəhreyn, Kanada, Böyük Britaniya, Belçika, İtaliya və Yaponiyada keçirilən yarışlarda qələbə qazanıb. Hər birinin hesabında üç qələbə olan “Ferrari”nin alman sürücüsü Sebastian Fettel Malayziya, Macarıstan və Sinqapur, “Mercedes”in digər pilotu almaniyalı Niko Rosberq isə İspaniya, Monako və Avstriyada zəfər əldə ediblər. “Formula-1” yarışları il ərzində müxtəlif ölkələrdə keçirilən mərhələlərdən ibarət olur. Hər mərhələyə Qran-pri adı verilir. İlin sonunda bütün Qran-prilərdən toplanan xalların əsasında pilotlar və komandalar arasında qalib müəyyən edilir. 1950-ci ildə keçirilən ilk yarışda “Alfa Romeo” komandası və onun italiyalı pilotu Cüzeppe Farina qələbə qazanıb. Sonuncu mövsümdə (2014-cü il) “Mercedes” komandası ilə britaniyalı pilot Luis Hamilton çempion olub. Ən çox çempion adını “Ferrari” komandasının əfsanəvi alman pilotu Mihael Şumaxer qazanıb. O, 7 dəfə bu titulun sahibi olub. Qeyd edək ki, Azərbaycan “Formula-1” yarışlarına gələn il ev sahibliyi edəcək. İyunun 19-da Bakıda idmanın bu növü üzrə Avropa Qran-pri yarışları təşkil olunacaq.




 
Bölməyə aid digər xəbərlər
17.06.2019
“Pulu yox, oynamağı seçdim“
17.06.2019
“Barselona” 2 milyona satdığını 40 milyona qaytarır
17.06.2019
“Yuventus“un yeni baş məşqçisi müəyyənləşdi
17.06.2019
PSJ Neymarı satmağa hazırdır
16.06.2019
“Xəzər-Lənkəran” komandası Topaz Futbol Festivalının mini-futbol üzrə regional turnirinin qalibi olub

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info