Misir ictimaiyyəti Azərbaycan həqiqətləri haqqında məlumatlandırılıb
Tarix: 13.10.2015 | Saat: 18:41:00 | E-mail | Çapa göndər


Azərbaycanın Misirdəki səfiri Şahin Abdullayev bu ölkənin geniş tamaşaçı auditoriyasına malik “Nil Əl-Əxbar” televiziya kanalına müsahibə verib.
Səfir müsahibəsində Azərbaycanın müstəqillik tarixi haqqında ətraflı danışıb. O, müsəlman Şərqinin ilk demokratik respublikası olan Azərbaycan Xalq Cümhuriyyətinin varisi kimi Azərbaycan Respublikasının 1991-ci ildə müstəqilliyini bərpa etdiyini və beynəlxalq aləmə inteqrasiya etdiyini diqqətə çatdırıb.
Ş.Abdullayev Azərbaycanın sürətlə inkişaf etməsinə baxmayaraq, ölkənin qarşısında duran əsas problemin Ermənistan-Azərbaycan, Dağlıq Qarabağ münaqişəsi olduğunu vurğulayıb. O, Azərbaycan ərazisinin 20 faizinin Ermənistan silahlı qüvvələri tərəfindən işğal olunduğunu, bir milyondan çox azərbaycanlının öz doğma torpaqlarından məcburi şəkildə çıxarıldığını qeyd edib, BMT Təhlükəsizlik Şurası tərəfindən 1993-cü ildə qəbul olunmuş dörd qətnamənin Ermənistan tərəfindən indiyədək yerinə yetirilmədiyini bildirib.
Daha sonra səfir ikitərəfli münasibətlərdən danışaraq Cənubi Sinay əyalətinin qubernatoru Xalid Fudanın cari ilin may ayında Azərbaycana səfər etməsinə toxunub, Misirin Şarm Əl-Şeyx şəhəri ilə Azərbaycanın Qəbələ şəhəri arasında qardaşlıq əlaqələrinin qurulmasından sonra Şarm Əl-Şeyx-Bakı birbaşa hava xəttinin bu yaxınlarda açılmasının gözlənildiyini deyib. Diplomat hər iki ölkənin turizm imkanlarından da bəhs edib, ilkin mərhələdə azərbaycanlı turistlərin Misirin Şarm Əl-Şeyx, daha sonra digər şəhərlərinə səfərinin, eyni zamanda, misirli turistlərin Azərbaycana səfər etməsinin nəzərdə tutulduğunu bildirib.
Misirin Afrikada və Yaxın Şərqdə mühüm rol oynadığını vurğulayan səfir ölkənin təhlükəsizliyinin və inkişafının region üçün vacib olduğunu bildirib və Misir-Azərbaycan əlaqələrinin yaxşı səviyyədə olduğunu qeyd edib.
Misir və Azərbaycan arasında son illərdə iqtisadi sahədə, xüsusilə də neft sahəsində əməkdaşlığın inkişaf etdiyini söyləyən Ş.Abdullayev Misirin Azərbaycandan idxal etdiyi neft və neft məhsullarının dövriyyəsinin son dörd il ərzində daha da artdığını qeyd edib.
Azərbaycan və Misir arasında müştərək iqtisadi komissiyanın fəaliyyətinə toxunan Ş.Abdullayev həmin komissiyanın iclasının sonuncu dəfə 2009-cu ildə keçirildiyini, daha sonra isə Misirdəki vəziyyətlə əlaqədar fəaliyyətini dayandırdığını, lakin cari ilin sonunda və ya növbəti ildə komissiyanın fəaliyyətinin bərpa edilməsi üçün hər iki tərəfdən səylərin göstərildiyini bildirib. Misirin beynəlxalq iqtisadi layihələrində, xüsusilə də Süveyş kanalı hövzəsində həyata keçirilməsi nəzərdə tutulan layihələrdə Azərbaycanın iştirak etməkdə maraqlı olduğunu bildirən səfir müştərək iqtisadi komissiyanın keçiriləcəyi zaman Azərbaycan şirkətlərinin və iş adamlarının Misirə səfərinin həyata keçiriləcəyini vurğulayıb.

Fuad




 
Bölməyə aid digər xəbərlər
24.05.2019
“Çimərlikdə qadağanedici şarları keçmək olmaz”
24.05.2019
İran bombardmana məruz qalsa belə təslim olmayacaq
23.05.2019
“İnsan hüquqlarının müdafiəsi adı altında gizlənənlərin əsl məqsədi hədəf ölkəyə təzyiq etməkdir”
23.05.2019
“Məhkəmə-hüquq sistemində islahatların dərinləşdirilməsi haqqında” Fərman vətəndaşların hüquqlarının etibarlı müdafiəsinə xidmət edir
23.05.2019
İdman sülhün möhkəmlənməsi üçün məkan olmalıdır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10787

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 …Hər sözdə vətən axtaran soydaşımız
5 Özbəkistan Respublikasının Prezidenti Şavkat Mirziyoyevdən


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info