Gənc jurnalistlərin təkmilləşdirilməsi yolları
Tarix: 16.10.2015 | Saat: 00:55:00 | E-mail | Çapa göndər


Dünən Gənc Politoloqlar Mərkəzi növbəti seminar-treninqini keçirib. Prezident yanında Gənclər Fondunun maliyyə dəstəyi ilə "Gənc jurnalistlərin ictimai-siyasi mövzular üzrə ixtisaslaşması" layihəsi çərçivəsində keçirilən treninq-seminarda ekspertlər və KİV nümayəndələri iştirak edirdilər. Tədbirin mövzusu "Postmodernist cəmiyyətdə informasiya vasitələrinin əhəmiyyəti" adlanırdı.
Prezident Administrasiyası İctimai-siyasi məsələlər şöbəsinin sektor müdiri Qafar Əliyev tədbir iştirakçılarına "Gənc jurnalistlərin ictimai-siyasi mövzular üzrə ixtisaslaşması" layihəsi barədə ətraflı məlumat verdi: “Gənc jurnalistlərin ictimai-siyasi mövzular üzrə ixtisaslaşması" layihəsi çərçivəsində keçirilən treninqin əsas məqsədi hüquqi-demokratik cəmiyyətin fəal iştirakçısı olan gənclərin siyasi, hüquqi təhsil və biliklərinin artırılmasına və təkmilləşdirilməsinə dəstək olmaqdan ibarətdir. Həmçinin layihənin əsas vəzifəsi məhz gənclərin ideya-siyasi və mənəvi tərbiyəsində mühüm rol oynayan peşəkar jurnalistlərin yetişməsinə kömək etməkdir. İctimai-siyasi mövzular üzrə aktuallıq kəsb edən bu cür seminar-treninqlərin keçirilməsi gənc jurnalistlərin təkmilləşməsinə töhfə verəcək”. Qafar Əliyev dedi ki, ölkəmiz müstəqillik əldə etdikdən sonra qısa müddət ərzində iqtisadi, siyasi və mənəvi sahələrdə çox böyük uğurlar əldə edib. Sektor müdiri ölkəmizin qarşısında duran daxili və xarici məsələlərin həlli və vətəndaşların dövlət quruculuğu prosesində aktiv iştirakını təmin etmək üçün ideya-siyasi təbliğat işlərinin daha da artırılmasına böyük ehtiyac olduğunu da bildirdi. Bu baxımdan layihənin olduqca əhəmiyyətli olduğunu deyən Qafar Əliyev gənc jurnalistlərin bu layihə çərçivəsində daha da təkmilləşəcəyini, eyni zamanda, onlar üçün faydalı ola biləcəyini də bildirdi.
Seminar-treninqdə çıxış edən "Yeni Azərbaycan" qəzetinin baş redaktoru, siyasi elmlər üzrə elmlər doktoru Hikmət Babaoğlu belə treninq-seminarların keçirilməsinin olduqca əhəmiyyətli olduğunu və burada müzakirəyə çıxarılan mövzuların aktuallıq baxımından mühüm əhəmiyyət kəsb etdiyini vurğuladı. Baş redaktor, həmçinin belə görüşlərin keçirilməsinin KİV nümayəndələri üçün olduqca əhəmiyyətli olduğunu dedi: “Gənc jurnalistlər bu sahədə mövcud olan reallıqları dərindən mənimsəməyə çalışmalıdırlar. Yaşadığımız əsr dünyada informasiya əsri kimi səciyyələndirilir. Müasir dövrdə modern və postmodern cəmiyyətlərdə informasiya başlıca idarəetmə vasitəsi kimi təsbit edildiyindən informasiya subyektləri kommunikasiya texnologiyalarının inkişafına xüsusi diqqət yetirir ki, bu da mütəmadi surətdə informasiya resurslarının artırılmasını və təkmilləşdirilməsini şərtləndirən faktor qismində çıxış edir".
Treninqdə yeni sosium növü olan informasiya cəmiyyəti, transmilli media institutlarının fəaliyyəti, beynəlxalq informasiya savaşında yeni kibertexnologiyalar və texnoloji innovasiyalardan spesifik strateji vasitə kimi istifadə olunması məsələlərindən danışıldı. Qeyd olundu ki, infoimperialistlər transmilli media vasitəsilə ayrı-ayrı xalqlara və dövlətlərə qarşı təsir göstərməkdədirlər.
Daha sonra jurnalistlərin sualları cavablandırıldı. Mövzu ətrafında müzakirələrdən sonra KİV nümayəndələrinə, eləcə də tədbir iştirakçılarına layihə çərçivəsində görüləcək növbəti işlər barədə ətraflı məlumat verildi. Qeyd edək ki, layihənin 3 ay müddətində başa çatdırılması nəzərdə tutulub. Layihə çərçivəsində növbəti tədbirin isə İsmayıllıda keçirilməsi nəzərdə tutulub.
Fuad Hüseynzadə




 
Bölməyə aid digər xəbərlər
21.11.2018
Neftçalada tikilən modul tipli 7 məktəb binasında işlər ilin sonunadək başa çatacaq
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
5 Eldar Əzizov Bakı Şəhər İcra Hakimiyyətinin başçısı təyin edildi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info