Azərbaycan və Tacikistan arasında əməkdaşlıq məsələləri müzakirə olunub
Tarix: 21.10.2015 | Saat: 20:04:00 | E-mail | Çapa göndər


Oktyabrın 20-də Tacikistanın İqtisadi İnkişaf və Ticarət Naziri, Tacikistan-Azərbaycan İqtisadi-Ticarət, Mədəni Əməkdaşlıq Məsələləri üzrə Hökumətlərarası Komissiyanın həmsədri Nematullo Hikmatullozode ilə Azərbaycanın Tacikistandakı Fövqəladə və Səlahiyyətli Səfiri Abbasəli Həsənov arasında görüş keçirilib.
Azərbaycanın Tacikistandakı səfirliyinin yaydığı məlumata görə, görüşdə iki ölkə başçısı arasında səmimi dostluq, xalqlarımız arasında tarixən sıx mədəni-ticari əlaqələrin mövcudluğu məmnunluq hissi ilə qeyd olunub.
Nazir sonuncu dəfə cari ilin may ayında Bakıya səfər etdiyini və Azərbaycanın uğurlarının şahidi olduğunu bildirib.
Tərəflər iki ölkə arasında qarşılıqlı maraq doğuran bir sıra sahələri nəzərdən keçiriblər və iqtisadi-ticari əlaqələrin inkişafına, regional layihələrə dair məsələləri müzakirə ediblər. Qeyd olunub ki, Düşənbə-Bakı birbaşa hava reysinin bərpa edilməsi məsələsinin hələ də həll olunmaması Azərbaycanla Tacikistan arasında iqtisadi-ticari, elmi-mədəni sahələrdə geniş imkanların mövcudluğuna baxmayaraq bu istiqamətdə işlərin həyata keçirilməsinə böyük maneəçilik törədir.
Tərəflər həmçinin, İqtisadi-Ticari, Elmi-Mədəni Əməkdaşlıq Məsələləri üzrə Hökumətlərarası Komissiyanın 15 oktyabr 2014-cü ildə Düşənbədə keçirilən III iclasının yekun protokolunun icrası və növbəti IV iclasının keçirilməsi məsələləri ilə bağlı bir çox məsələlərə dair fikir mübadiləsi aparıblar.
Səfir A.Həsənov Azərbaycanın iqtisadi inkişaf göstəricilərinə dair həmsöhbətinə məlumat verərək, ölkəmizin investisiya qəbul edən ölkədən investisiya qoyan ölkəyə çevrildiyini və son illər ərzində başqa ölkələrə böyük həcmdə sərmayə yatırıldığını onun diqqətinə çatdırdı. Səfir əlavə etdi ki, Azərbaycan əldə etdiyi iqtisadi inkişaf təcrübəsini Tacikistanla bölüşməyə hazırdır.
Səfir A.Həsənov İslam Əməkdaşlıq Təşkilatı çərçivəsində Tacikistanın Dağlıq Qarabağ münaqişəsi ilə bağlı Azərbaycanın haqq mövqeyini ifadə edən qətnamənin qəbul edilməsində Azərbaycana yaxından dəstək verdiyinə görə təşəkkürünü bildirib.
Görüşdə yaxın zamanlarda istismara verilməsi nəzərdə tutulan Bakı-Tbilisi-Qars dəmiryolu layihəsinin tikilməkdə olan digər bir regional layihə - Tacikistan-Əfqanıstan-Türkmənistan dəmiryolu layihəsi ilə gələcəkdə birləşdirilməsinin perspektivlərinə toxunulub. Bu layihələrin gerçəkləşməsi nəticəsində yaranacaq Asiya-Qafqaz-Avropa nəqliyyat dəhlizinin əhəmiyyəti vurğulanıb.
Tural




 
Bölməyə aid digər xəbərlər
20.09.2018
ABŞ: Azərbaycan 2017-ci ildə terrorçuluqla mübarizədə Birləşmiş Ştatların güclü tərəfdaşı olub
20.09.2018
Bolqarıstan Azərbaycanın həyata keçirdiyi qlobal layihələrə böyük maraq göstərir
20.09.2018
DTX erməni daşnak qüvvələrinin terror əməllərini sübut edən arxiv materiallarını yaydı
20.09.2018
NATO Dağlıq Qarabağ münaqişəsinin sülh yolu ilə həllinin vacibliyini yenidən vurğulayıb
20.09.2018
ATƏT-in Parlament Assambleyasının sədri Azərbaycanda səfərdədir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info