Naxçıvan mətbəxi zəngindir
Tarix: 21.10.2015 | Saat: 21:52:00 | E-mail | Çapa göndər


Ölkəmizin hər bir regionunun öz adət-ənənələri olduğu kimi, Naxçıvanın da özünəməxsus ləziz yemək növlərindən ibarət mətbəx mədəniyyəti vardır. Naxçıvan mətbəxinin zənginliyi muxtar respublikada kulinariya turizminin inkişafı üçün də gözəl zəmin yaradır.
Bu fikirlər Naxçıvan Muxtar Respublikası Mədəniyyət və Turizm Nazirliyinin Beynəlxalq Kulinariya Gününə həsr edilmiş tədbirində səsləndirilib.
Tədbiri Naxçıvan Muxtar Respublikası Mədəniyyət və Turizm Nazirliyi Aparatının rəhbəri Gülbuta Babayeva açaraq bildirib ki, Azərbaycan dövləti müstəqilliyini bərpa etdiyi gündən milli kimliyinin qorunması istiqamətində bir sıra mühüm addımlar atmaqdadır. Atılan ilk addımlardan biri də milli mətbəxin qorunmasıdır.
Qeyd olunub ki, Azərbaycan mətbəxinin öyrənilməsi və inkişafı ulu öndər Heydər Əliyev hakimiyyətə gələndən sonra daha geniş vüsət alıb. 1994-cü ilin aprel ayında ümummilli liderimiz Heydər Əliyev Norveçdə keçirilən Dünya Kulinariya Konqresinə məktub-müraciət göndərərək Ümumdünya Kulinariya Təşkilatı Birliyini Azərbaycanla sıx əməkdaşlığa dəvət edib. Ümummilli liderimiz Heydər Əliyevin yolunu uğurla davam etdirən Prezident İlham Əliyev 2011-ci ildə Azərbaycan Milli Elmlər Akademiyasındakı çıxışında ermənilərin Azərbaycanın mətbəx nümunələrini öz adlarına çıxmaq üçün müxtəlif addımlar atdıqlarını bildirib və belə hərəkətlərin yolverilməz olduğunu bəyan edib. Respublika səviyyəsində keçirilən Novruz bayramı tədbirlərində Prezident İlham Əliyev ən çox diqqəti milli mətbəximizin təbliğinə yönəldir.
Gülbuta Babayeva deyib ki, Naxçıvan Muxtar Respublikasında da milli mətbəxin təbliğinə ciddi fikir verilir. Ali Məclisin Sədri 2009-cu ildə Azərbaycanın regionları arasında ilk dəfə Naxçıvanda “Naxçıvan Mətbəxi” Kulinariya Mərkəzinin yaradılması haqqında Sərəncam imzalayıb.
Tədbirdə “Naxçıvan Mətbəxi” Kulinariya Mərkəzinin direktoru Səyyarə Sadıxova “Azərbaycan kulinariyası” adlı məruzə ilə çıxış edib. O bildirib ki, Azərbaycan mətbəxi milli mədəniyyətimizin mühüm tərkib hissəsidir. Milli mətbəx mədəniyyətimiz coğrafi baxımdan tarixən geniş bir arealda yayılıb, azərbaycanlıların qədimdən yaşadıqları əraziləri əhatə edib.
Qeyd olunub ki, ölkəmizin digər regionlarında olduğu kimi, Naxçıvanda da süfrə mədəniyyəti hər zaman ən yüksək səviyyədə qorunub saxlanılıb, bərəkətin rəmzi kimi süfrəyə böyük ehtiram göstərilib, süfrə estetikası və etikasına son dərəcə dəqiqliklə əməl olunub. Xalq yaradıcılığının ən qədim sahələrindən olan kulinariya mədəniyyətinin sistemli şəkildə öyrənilməsi və inkişaf etdirilməsi, təbliğ olunması və tanıdılması məqsədilə Naxçıvanda yaradılan “Naxçıvan Mətbəxi” Kulinariya Mərkəzi ötən dövr ərzində qarşıya qoyulan vəzifələrin öhdəsindən gəlməyə səy göstərib və bu gün də öz fəaliyyətini bu istiqamətdə davam etdirir. Bunun üçün mərkəzə hərtərəfli şərait yaradılıb.
Məruzədə milli mətbəx mədəniyyətimizin qorunması üçün İctimai Qida Muzeyinin yaradılması zərurəti diqqət mərkəzinə çəkilərək qeyd olunub ki, Beynəlxalq Kulinariya Günü bu il dünyada 13-cü, Azərbaycanda 9-cu, Naxçıvanda isə ilk dəfədir keçirilir.
Tədbirin sonunda “Azərbaycan mətbəxi” adlı tanıtım filmi nümayiş etdirilib.
Təhminə




 
Bölməyə aid digər xəbərlər
17.08.2019
Sabah ölkə ərazisində havanın temperaturu 40 dərəcəyə yüksələcək
17.08.2019
Ağdamda şəhid Nadir Şükürovun xatirəsi anılıb
16.08.2019
Azərbaycan sərhədçiləri təmas xəttində bir sıra istiqamətlərdə strateji əhəmiyyətli mövqeləri tutub
16.08.2019
Hava proqnozunun verilməsi çətinləşib
16.08.2019
“Xan bağı”nda bir neçə irigövdəli ağac kəsiləcək

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10858

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
4 Həyata keçirilən sosial paketlər birbaşa əhalinin rifahının yaxşılaşdırılmasına istiqamətlənib
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info