Naxçıvan Muxtar Respublikası Prokurorluğunun əməkdaşları tələbələrlə görüşüb
Tarix: 22.10.2015 | Saat: 19:51:00 | E-mail | Çapa göndər


Naxçıvan Muxtar Respublikası Ali Məclisi Sədrinin 2015-ci il 27 iyul tarixli “Ali və orta ixtisas təhsili müəssisələrində ixtisasların müvafiq təşkilatlara hamiliyə verilməsi haqqında” Sərəncamının icrası məqsədilə muxtar respublikada fəaliyyət göstərən müxtəlif nazirlik və təşkilatların nümayəndələri Naxçıvan Dövlət Universitetinin müvafiq ixtisaslarının tələbələri ilə görüşlər keçirir. Növbəti görüş Naxçıvan Muxtar Respublikası Prokurorluğu əməkdaşlarının universitetin hüquqşünaslıq ixtisasının IV kurs tələbələri ilə olub. Tədbiri universitetin Sosial idarəetmə və hüquq fakültəsinin dekanı, fəlsəfə üzrə fəlsəfə doktoru, dosent Qərib Allahverdiyev açaraq ümummilli lider Heyder Əliyevin təhsil strategiyasının ölkədə, o cümlədən muxtar respublikda uğurlu davamının real nəticələrindən danışıb. Dekan vurğulayıb ki, sözügedən sərəncam muxtar respublikada layiqli kadr potensialı yetişdirilməsində, onların təcrübi biliklərinin artırılmasında, yüksək intellektli mütəxəssislərin müəyyənləşdirilib gələcəkdə iş yerləri ilə təmin olunmasında mühüm rol oynayacaq. Naxçıvan Muxtar Respublikası Prokurorluğunun Kadrlar şöbəsinin rəisi, baş ədliyyə müşaviri Zəfər Mahmudov çıxış edərək ümummilli lider Heydər Əliyevin təhsilin çoxcəhətli inkişafı, dünya səviyyəsinə yüksəldilməsi, xüsusilə də milli ali hüquq təhsilinin formalaşması istiqamətində müstəsna xidmətlərindən danışıb. Baş ədliyyə müşaviri bu sahədə muxtar respublikada da mühüm tədbirlər həyata keçirildiyini, 2015-ci il 27 iyul tarixli Sərəncamın əhəmiyyətini diqqətə çatdırıb. Bildirilib ki, Naxçıvan Muxtar Respublikası Prokurorluğunun sərəncamın icrası ilə əlaqədar 2015-ci ildə görüləcək işlərə dair tədbirlər planı təsdiq olunub. Tədbirlər planında hüquqşünaslıq ixtisası üzrə təhsil alan tələbələr üçün seminar məşğələlərin keçirilməsi, onların prokurorluqda istintaq olunan cinayət işləri üzrə ayrı-ayrı istintaq hərəkətlərinin aparılmasında iştirakını və kriminalistik texnikanın mövcud imkanlarından səmərəli istifadəsini, dövlət ittihamçıları ilə birgə dövlət ittihamının müdafiəsi sahəsi üzrə məhkəmələrdə iştirakını, prokurorluğun imtahan-informasiya sistemində nəzəri bilik səviyyələrinin kompüter vasitəsilə yoxlanmasını, gələcəkdə prokurorluq orqanlarında işləmək arzusunda olan tələbələrdə prokurorluq orqanlarına müvafiq qaydada işə qəbulla bağlı hüquqi bazanın formalaşdırılmasını təmin etmək, habelə gələcək hüquqşünasların Naxçıvan Muxtar Respublikası Prokurorluğunun kitabxanasından və qanunvericilik bazası sistemindən istifadə etmələri, istehsalat təcrübələri keçmələri üçün lazımi şərait yaradılması nəzərdə tutulur.Naxçıvan Muxtar Respublikası Prokurorluğu Hüquqi təminat və informasiya şöbəsinin rəisi, kiçik ədliyyə müşaviri Faiq Səfərov tələbələrə prokurorluğun fəaliyyət istiqamətləri və fəaliyyətinin əsas prinsipləri barədə çıxış edərək qeyd edib ki, təmsil etdiyi qurum da fəaliyyətini qanunçuluq, fiziki şəxslərin hüquq və azadlıqlarına, hüquqi şəxslərin hüquqlarına əməl və hörmət edilməsi, obyektivlik, qərəzsizlik və faktlara əsaslanma və digər əsas prinsiplər üzərində qurub. Çıxışda prokurorluğun fəaliyyətinə müdaxilənin və prokurorluğa hörmətsizlik göstərilməsinin yolverilməzliyi, prokurorluğun sistemi və təşkili, prokurorluq orqanlarının fəaliyyəti, prokurorluqda ərizə, şikayət və müraciətlərə baxılması, prokuror aktlarının tərtibi barədə məlumat verilib. Görüş ali təhsil ocağı ilə mütəmadi əməkdaşlığın perspektiv istiqamətlərinin müzakirəsi ilə yekunlaşıb.

Mehriban Sultan
NDU-nun Mətbuat şöbəsinin müdiri




 
Bölməyə aid digər xəbərlər
23.01.2020
“Azərişıq” ASC-nin sədri Siyəzəndə vətəndaşları qəbul edəcək
23.01.2020
İçərişəhərdəki “Bakı xanları evi“nin yanında park salınır
23.01.2020
Gəncə Avtomobil Zavodu respublikamızı müasir avtobuslarla və elektrobuslarla təmin etmək gücündədir
23.01.2020
Paytaxtda bəzi yol kəsişmələrində işıqforların fəaliyyətində dəyişikliklər olunub
22.01.2020
Yanvarın 24-də Bakıya mövsümün ilk qarının yağacağı gözlənilir

Şərh əlavə olunmayıb

    ,    
Fuad HÜSEYNZADƏ
Tural Tağıyev
Ağasəf Babayev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11435

1 “Tufandağ“ yerli əhali ilə yanaşı, xarici turistlərin də sevimli istirahət məkanına çevrilib
2 Rusiya Ermənistanı sıxır: qazın qiyməti artırıla bilər
3 Azərbaycandakı bütün turizm bələdçiləri qeydiyyata alınacaq
4 Azərbaycanda yalnız sertifikat alanlar bələdçi kimi fəaliyyət göstərə biləcəklər
5 Türkiyə mətbəxindən “ Arnavut plovu“ -VIDEO


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info