“Azərbaycan regionda sabitlik mənbəyidir”
Tarix: 26.10.2015 | Saat: 23:46:00 | E-mail | Çapa göndər


Almaniyanın “Frankfurter Rundschau” qəzetinin saytında Azərbaycan haqqında məqalə yayılıb. Bundestaqın deputatları - iqtisadiyyat və enerji komitəsinin üzvü Mark Hauptmanın, idman komitəsinin üzvləri Eberhard Qinqer və Andre Hanın həmmüəllifləri olduqları məqalədə Avropa Oyunları ərəfəsində Almaniya Parlamentinin qəbul etdiyi antiazərbaycan qətnamə tənqid olunur.
İlk dəfə keçirilən Avropa Oyunları kimi mötəbər idman yarışının açılışına bir neçə saat qalmış Bundestaqın Azərbaycanda insan hüquqları ilə bağlı qətnamə qəbul etməsinin məyusluq doğurduğu bildirilir. Qeyd edilir ki, konstruktiv tənqid ən yaxşı halda bərabərtərəfli dialoqda səsləndirilir, birtərəfli ittihamlar isə yaxınlaşmağa xidmət etmir. Digər tərəfdən, idman tədbirləri siyasi debatlar üçün müvafiq çərçivə deyil, çünki bu tədbirlər diplomatik danışıqları əvəz edə bilməz. Müəlliflər bildirirlər ki, indiyədək Azərbaycanın Avropaya inteqrasiya istiqamətində göstərdiyi səyləri dəyərləndirmək əvəzinə, Bundestaqın belə qətnamə qəbul etməsi heç bir ehtiyac olmadan ikitərəfli münasibətlərə zərbə vurdu. Məqalədə Azərbaycanda xristian və yəhudi əhalinin müsəlman çoxluqla bərabər öz dinlərinə sərbəst ibadət etdikləri, ölkədə dini obyektlər inşa edə bildikləri diqqətə çatdırılır. Bundestaqın üzvləri Azərbaycan ilə Almaniya arasında siyasi və iqtisadi əməkdaşlıq üçün kifayət qədər zəminin, yüksək səviyyədə davamlı dialoqun olduğunu bildirir, yüksək səviyyəli qarşılıqlı səfərlərin həyata keçirildiyini dıqqətə çatdırırlar. Eyni zamanda, Azərbaycanın Almaniyanın Cənubi Qafqazda əsas iqtisadi tərəfdaşı olduğunu vurğulayırlar. Qeyd olunur ki, Azərbaycan qaz nəqli yollarının genişləndirilməsi məsələsində Avropanı dəstəkləyir, investisiya imkanlarını gücləndirir, iqtisadiyyatını şaxələndirir. Təhlükəsizlik sahəsində də Azərbaycan regionda sabitlik mənbəyidir. Vurğulanır ki, Azərbaycan son illərdə iqtisadi yüksəlişə nail olub, ölkədə yoxsulluğun səviyyəsi xeyli aşağı düşüb. Müəlliflər hesab edirlər ki, Almaniya xarici siyasətinin məqsədi regionda sabitlik mənbəyi olan Azərbaycanın Avropaya yönəlmiş yolunu bərabərtərəfli dialoq vasitəsilə dəstəkləməkdən ibarət olmalıdır.




 
Bölməyə aid digər xəbərlər
19.03.2019
Ermənistan Azərbaycanla azaraq sərhədi keçmiş vətəndaşların mübadiləsinə hazırdır
18.03.2019
Naxçıvanda Çanaqqala zəfərinin ildönümü qeyd olunub
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info