Ölkəmiz 3 və daha çox islahatı həyata keçirmiş 26 ölkə arasında yer alır
Tarix: 28.10.2015 | Saat: 15:17:00 | E-mail | Çapa göndər


Dünya Bankı “Doing Business 2016: Tənzimləyici sahədə Keyfiyyət və Səmərəliliyin Qiymətləndirilməsi Hesabatı”nı açıqlayıb.
“Doing Business 2016” hesabatında Avropa və Mərkəzi Asiyada biznesin inkişafı sahəsində mühüm addımların atıldığı qeyd olunub.
Azərbaycan dünyada 3 və daha artıq islahatı həyata keçirmiş 26 ölkə arasında yer alır. Bu, dünya ölkələrinin yalnız 14%-i deməkdir.
Sənəddə bildirilib ki, Avropa və Mərkəzi Asiya regionunda yerləşən iqtisadiyyatların 90%-dən çoxu son il ərzində biznes mühitinin təkmilləşdirilməsi məqsədilə islahatlar həyata keçirib. Hesabatda regionun 25 ölkəsindən 23-də 58 islahatın həyata keçirildiyi əksini tapıb.
Dünya Bankının qiymətləndirmələrinə görə, Azərbaycan ötən il olduğu kimi, 189 ölkə arasında 63-cü yerdə qərarlaşıb. Həmçinin, Azərbaycanın bir il ərzində islahat standartı göstəricisi (DTF) ilə məsafəsi bir baldan da artıq azalıb.
Hesabatda islahat standartında Azərbaycanın mövqeyinin yaxşılaşması əsasən biznesə başlama, tikinti üçün icazələrin alınması və xırda investorların müdafiəsi kimi üç sahədə apardığı islahatlarla izah olunur. Başqa sözlə, Azərbaycan dünyada 3 və daha artıq islahatı həyata keçirmiş 26 ölkə arasında yer alır. Bu, dünya ölkələrinin yalnız 14%-i deməkdir.
Hesabatda vurğulanıb ki, biznesə başlama sahəsində islahatlarda Azərbaycan korporativ möhürlərin istifadəsi ilə bağlı tələbi ləğv etməklə biznesə başlamanı asanlaşdırıb. Nəticədə biznesə başlama müddəti ötən il Norveçlə müqayisədə daha az - 5 gündən 3 günə qədər azalıb.
Azərbaycanda biznesə başlama müddəti ötən il Norveçlə müqayisədə daha az - 5 gündən 3 günə qədər azalıb.
Tikinti üçün icazələrin alınması sahəsində islahatlara gəlincə, sənəddə qeyd olunub ki, Azərbaycan layihə sənədlərinin ilkin təsdiqlənməsini həyata keçirmək üçün vahid pəncərə sistemini formalaşdırmaqla tikintiyə icazələrin verilməsini daha da asanlaşdırıb. Nəticədə, anbarların tikintisi üzrə prosedurların sayı 24-dən 18-ə qədər azaldılıb.
Kiçik investorların qorunması sahəsində islahatlar bölməsində Azərbaycanın əlaqəli tərəflərlə əməliyyatların xarici qiymətləndirilməsinin keçirilməsi və bitərəf səhmdarlar tərəfindən təsdiqlənməsi ilə bağlı tələblərin tətbiqi ilə kiçik investorların müdafiəsini gücləndirdiyi əksini tapıb.
Sənəddə o cümlədən, əmlakın qeydiyyatı sahəsində Azərbaycanın 189 ölkə arasında 7-ci yerdə qərarlaşaq qabaqcıl təcrübəni tətbiq etdiyi qeyd olunub. Belə ki, əmlakın ötürülməsinin qeydiyyatı qlobal səviyyədə orta göstərici olan 48 günlə müqayisədə yalnız 8,5 gün çəkir.

Dünya Bankının mütəxəssislərinin hesablamalarına görə, Azərbaycanda inkişafa ehtiyac olan sahələr də mövcuddur, bu, xüsusilə tikinti üçün icazələrin alınması (114-cü yer) və elektrik enerjisinə çıxış (110-cu yer) sahələrində nəzərəçarpandır. Tikinti üçün icazələrin alınmasına gəldikdə, qlobal göstərici olan 160 günlə müqayisədə ölkədə anbar tikintisi üçün 203 gün tələb olunur.
Hesabatında tənzimləmələrin keyfiyyəti, o cümlədən biznes üzrə tənzimləmələr bazasının səmərəliliyinin qiymətləndirilməsi üzrə islahat standartı göstəricisinin (DTF) inkişafı istiqamətində qeyd olunan sahələrdə reallıqların daha yaxşı əhatə olunması məqsədilə iki illik səylər tamamlanıb. Müqavilələrin icrasına gəldikdə, məsələn, Azərbaycan ədliyyə infrastrukturun qiymətləndirilməsi, məhkəmə sistemində avtomatlaşdırmanın səviyyəsi, mübahisələrin alternativ həlli mexanizmləri və hüquqi işlərin idarə olunmasının mövcudluğu ilə bağlı yeni indeks üzrə geridə qalır.

Tural TAĞIYEV




 
Bölməyə aid digər xəbərlər
26.03.2019
Azərbaycan nefti bahalaşıb
26.03.2019
Bakı-Tbilisi-Qars dəmir yolu ilə hərəkət edən ilk sərnişin qatarı Gürcüstana gəlib
26.03.2019
AYİB Azərbaycanda bərpa olunan enerji sahəsinə dəstək verəcək
24.03.2019
Azərbaycan və BP Aral dənizində geoloji kəşfiyyat işlərinə başlaya bilərlər
24.03.2019
Türkiyədə ev alan azərbaycanlıların sayı artıb

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10705

1 Azərbaycan xalqı zəngin mədəniyyətə sahibdir
2 İraqda bərə qəzaya uğrayıb: 71 ölü
3 Paşinyan reytinqini küçə süpürməklə qaldırmaq istəyir?
4 Lado Mehdiyevin xatirəsinə həsr olunmuş badminton turnirinə yekun vurulub
5 Nursultan Nazarbayevin qərarı qazax xalqının firavan gələcəyini təmin edəcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info