SOCAR Fransanın “Axens” şirkəti ilə müqavilə imzalayıb
Tarix: 28.10.2015 | Saat: 23:36:00 | E-mail | Çapa göndər


Dünən Azərbaycan Respublikası Dövlət Neft Şirkəti (SOCAR) və Fransanın “Axens” şirkəti arasında dizelin və benzinin hidrotəmizlənməsi qurğusu üzrə müqavilə imzalanıb.
Sənədi SOCAR tərəfdən Heydər Əliyev adına neft emalı zavodunun (NEZ) direktoru Elman İsmayılov, qarşı tərəfdən isə “Axens” şirkətinin baş icraçı direktoru Jan Sentenak imzalayıblar. SOCAR-ın mətbuat xidmətindən bildirilib ki, imzalanma mərasimdə Dövlət Neft Şirkətinin prezidenti Rövnəq Abdullayev bildirib ki, Heydər Əliyev adına NEZ-in rekonstruksiya və modernizasiyası ilə bağlı işlər çərçivəsində qısa müddət ərzində zavodun illik emal gücünün artırılması və zavodda “Avro 5” standartlarına cavab verən daha yüksək keyfiyyətli neft emalı məhsullarının istehsalı nəzərdə tutulur. Bu məqsədlə zavodun ilkin emal, katalitik krekinq və katalitik reforminq qurğularının və zavod təsərrüfatının rekonstruksiya edilməsi planlaşdırılır. Həmçinin, bir neçə yeni qurğunun - bitum istehsalı, dizel hidrotımizləmə, hidrogen istehsalı qurğusu, aminlə təmizləmə, LPG MEROKS, isomerizasiya, naftanın və katalitik krekinqdən alınan benzin fraksiyasının hidrotəmizlənməsi, kükürd istehsalı və sair qurğuların inşası da nəzərdə tutulur. Bildirilib ki, yeni tikiləcək bitum qurğusunun lisenziyasının alınması ilə əlaqədar keçən həftə Avstriyanın “Poerner” şirkəti ilə müvafiq müqavilələr imzalanıb. Digər əsas qurğular üzrə lisenziyanın alınması və Texnoloji Layihələndirmə Paketinin hazırlanması istiqamətində aparılmış araşdırma nəticəsində dizelin və benzinin hidrotəmizlənməsi qurğuları üzrə dünyada qabaqcıl təcrübəyə malik Fransanın “Axens” şirkəti lisenziar kimi seçilib. Qeyd olunub ki, Türkiyədə tikilən “Star” neft emalı zavodunun nafta hidrotəmizləmə, dizel hidrotəmizləmə və kerosin hidrotəmizləmə qurğuları “Axens” şirkətinin lisenziyası əsasında inşa olunur. “Axens” şirkətinin baş icraçı direktoru Jan Sentenak SOCAR ilə əməkdaşlıqdan məmnun olduqlarını bildirib.




 
Bölməyə aid digər xəbərlər
14.11.2018
Azərbaycan nefti bahalaşıb
13.11.2018
İpək məhsullarının ixrac potensialı
13.11.2018
Mətbuat milli maraqları müdafiə edir
13.11.2018
Ölkə üzrə pambıq tədarükü 210 min tona yaxınlaşıb
13.11.2018
AYİB-in maliyyə dəstəyi ilə Azərbaycanın özəl sektorunda 157 layihə reallaşdırılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10463

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info