“Bəzi qurumların qarayaxma cəhdləri Azərbaycan cəmiyyətini aldada bilməz”
Tarix: 29.10.2015 | Saat: 23:42:00 | E-mail | Çapa göndər


Azərbaycanda seçki prosesinin hansı səviyyədə olması, dövlətimizə qarşı bəzi dövlətlərin təzyiq xarakterli addımları barədə “Seçki-2015.az” saytının suallarını filologiya elmləri doktoru, professor, Yeni Azərbaycan Partiyası Siyasi Şurasının üzvü Buludxan Xəlilovla cavablandırıb.

- Azərbaycanda builki seçki prosesinin əvvəlkilərdən fərqi nədir?
- Müstəqillik bərpa edildikdən sonra ölkəmizdə dəfələrlə seçkilər keçirilib. Buna görə də cəmiyyətimiz kifayət qədər seçki haqqında maarifli, məlumatlı cəmiyyətdir. Bir müqayisə aparsaq görərik ki, hər dəfə seçkilərdə xalqın, cəmiyyətin seçki barədə məlumatları təkmilləşir, namizədlər də bu sahədə daha maariflənmiş addımlar atır. Mən Azərbaycandakı saytları, qəzetləri diqqətlə izləyirəm. Görürəm ki, seçkiyə gedən namizədlərin bir qismi kifayət qədər təbliğat-təşviqat işləri aparır. Namizədliklərini irəli sürdükləri dairələrdə insanlarla ünsiyyətə girir və seçildikləri təqdirdə görəcəkləri işlərin mahiyyətini anlatmağa çalışırlar. Sonra həmin namizədlər müxtəlif informasiya vasitələri ilə işlərini cəmiyyətə yaymağa çalışırlar.
- Bəs görünən işlərin qarşılığında Azərbaycana nə üçün təzyiqlər edilir ?
- Müxtəlif beynəlxalq təşkilatların, institutların, qurumların hər dəfə Azərbaycandakı seçkilərə cürbəcür yanaşmaları olur, hələ seçki keçirilməmiş artıq zənnə qapılır, fikir yürüdürlər. Bununla onlar Azərbaycan cəmiyyətini çaşdırmağa çalışırlar. Bu hal bir ziyalı olaraq məni narahat edir və düşünürəm ki, bunun səbəbi nədir? Biz görürük ki, bunu məqsədyönlü şəkildə həyata keçirirlər. Çünki, onlar əlbəttə, Azərbaycanda gedən iqtisadi, siyasi, mədəni inkişaf proseslərini qəbul etmək istəmirlər və maraq dairələrinə uyğun mənfi rəylər yaratmağa çalışırlar. Gah müxtəlif təzyiqlər etməyə çalışır, gah da dinləmələr keçirirlər. Bura, məsələn, ABŞ-dakı dinləmələri də daxil etmək olar. Azərbaycanı sevməyən dairələr toplaşır bizim iştirakımız olmadan qərar verirlər. Ölkəmizin ünvanına xoşagəlməz fikirlər bildirməyə çalışırlar. Guya bunlar şəffaflığın tərəfdarıdırlar. Əslində isə belə deyil. Bu qurumlar öz maraqlarını, şəxsi ambisiyalarını həyata keçirmək üçün belə rəylər yaratmağa çalışırlar. Bu işdə onların köməyinə informasiya sistemlərinin geniş inkişafı çatır. Amma onlar bir şeyi nəzərə almırlar. Azərbaycan cəmiyyəti kifayət qədər maarifli, savadlı cəmiyyətdir, kifayət qədər çaşqınlığa meyilli cəmiyyət deyildir. Cəmiyyətimiz o sınaqlardan, imtahanlardan çıxıb. Heç kəsi çaşdırmaq mümkün deyil.
- Seçki mühiti və bütövlükdə proses cəmiyyətimizi qane edirmi?
- Namizədlər gözəl anlayırlar ki, seçki prosesində təbliğat, seçiciləri inandırmaq, seçki təbliğatı aparmaq vacib şərtdir. Bir şeyə diqqət edin. Yadınızdadırsa, 10 il bundan öncə namizədlər seçki təbliğatı zamanı qaz, yol, su çəkməkdən danışırdılar. Lakin, indi gəlin görək belə nüanslar nə qədər mövcuddur? Namizədlər anlayırlar ki, belə vəziyyətdə onlar özlərini seçicilərə güldürə bilərlər. Belə addımlarla seçiciləri aldatmaq mümkün deyil. İndi namizədlər öz gələcək platformalarında xeyli mütərəqqi fikirlərlə çıxış edirlər. Seçiciləri maraqlandıran konkret problemlər üzərində işləməyə üstünlük verəcəklərini bildirirlər. Seçicilər hər namizədin arxasınca getmirlər. Onun maddi imkanlarından daha çox, intellekt imkanları nəzərə alınır. Bu, həm də cəmiyyətimizdə seçicilərin mədəni səviyyəsinin, dünyagörüşünün yüksək olmasından xəbər verir. Bunun özü cəmiyyətimizin seçkiyə münasibətini ortaya qoyur. Hesab edirəm ki, ayrı-ayrı beynəlxalq qurumların təzyiqi də Azərbaycan cəmiyyətini aldada bilməyəcək. Cəmiyyətimiz ağı-qaradan seçə bilir. Cəmiyyət sevdiyi, seçdiyi namizədinə gedib səs verməlidir. Dövlətimiz buna hər cür şərait yaratmışdır. Xalq seçkiyə getsin və sadəcə namizədini seçsin.




 
Bölməyə aid digər xəbərlər
15.01.2019
Ukraynada oxucuların rəğbətini qazanan azərbaycanlı yazıçı
15.01.2019
Azərbaycan Sənaye Korporasiyasının fəaliyyətinin əsas məqsədi istehsal potensialının gücləndirilməsinə nail olmaqdır
15.01.2019
İran regionda təhlükəsizlik və sabitliyin daha da artması üçün Dağlıq Qarabağ münaqişəsinin həllinə töhfə verməyə hazırdır
14.01.2019
“Azərbaycan Ermənistanı regionda təcrid vəziyyətə salıb”
12.01.2019
Avropa parlamentləri Ermənistanın “konyak diplomatiyası“nda adı keçən siyasətçilərin fəaliyyətlərini ifşa edən araşdırmalar aparmalıdırlar

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info