Rusiyanın KİV nümayəndələri Bakı Slavyan Universitetində
Tarix: 30.10.2015 | Saat: 19:34:00 | E-mail | Çapa göndər


Parlament seçkiləri ərəfəsində Azərbaycana gəlmiş Rusiyanın aparıcı KİV nümayəndələri ilə oktyabrın 30-da Bakı Slavyan Universitetində görüş keçirilib. Nümayəndələr əvvəlcə BSU-da fəaliyyət göstərən universitet muzeyində, Rus dili və mədəniyyəti mərkəzində olub və burada keçirilən dərslərdə iştirak ediblər.
Jurnalistlərlə görüşdə BSU-nun rektoru, professor Asif Hacıyev qonaqlara universitetin yaranma tarixi barədə məlumat verib. Bildirilib ki, BSU-da digər slavyan dilləri ilə yanaşı, rus dili və ədəbiyyatı, rusiyaşünaslıq, tərcümə, jurnalistika və başqa sahələr üzrə mütəxəssis hazırlanır, habelə rusistikaya aid fundamental elmi tədqiqatlar aparılır. Rektor qeyd edib ki, universitet Rusiyanın bir çox nüfuzlu ali məktəbləri ilə əməkdaşlıq edir, birgə elmi konfranslar, ixtisasartırma kursları, tələbə mübadiləsi həyata keçirilir. Asif Hacıyev “Azərbaycanda rus dili və ədəbiyyatı” jurnalı, o cümlədən universitetdə fəaliyyət göstərən elmi laborotoriyalar və mərkəzlər barədə danışıb. BSU tərəfindən Moskva Dövlət Linqvistik Universiteti və Ural Federal Universitetində, eləcə də Belarus, Ukrayna. Bolqarıstan universitetlərində yaradılmış Azərbaycan dili və mədəniyyəti mərkəzləri haqqında da qonaqlara məlumat verilib. İsmayıllı rayonunun İvanovka kəndində kompakt şəkildə yaşayan molokan icması barədə danışan rektor qeyd edib ki, BSU-nun müəllim və tələbələri mütəmadi İvanovka kəndində folklor təcrübəsində olur, toplanmış folklor nümunələri kitab halında çapa hazırlanıb. A. Hacıyev Azərbaycanda rus dilinə böyük maraq olduğunu, bir çox məkətəblərdə və universitetlərdə rus dilli bölmələrinin, Rus Dram Teatrının fəaliyyət göstərdiyini və bunun dövlət tərəfindən dəstəkləndiyini vurğulayıb.
BSU-nun Sankt- Peterburq mərkəzinin rəhbəri, milliyətcə rus olan dosent İrina İvanovna Qədimova Azərbaycana olan böyük məhəbbətindən danışıb. Gənclik illərindən Azərbaycanda yaşayan İ.Qədimova Leninqrad blokadası iştirakçısı kimi ona bu ölkədə və Bakı Slavyan Universitetində rus dili və mədəniyyətinə göstərilən qayğıdan söz açıb.
Tədbirin davamında qonaqlar tələbələrin suallarını cavablandırıb. Rusiyalı jurnalistlər Bakı Slavyan Universiteti barədə xoş təəssüratlarını görüş iştirakçıları ilə bölüşüblər.
BSU-nun Mətbuat xidməti




 
Bölməyə aid digər xəbərlər
27.06.2019
Bu şəxslərə verilən pul təminatı artırılır - Parlament təsdiq etdi
27.06.2019
Yeni yaradılan kommersiya məhkəmələrinin səlahiyyətləri təsdiq olundu
27.06.2019
Köçkün qəsəbələrində yaşayanlar gender mövzusunda maarifləndiriliblər
27.06.2019
“Diplomatiya Akademiyası” layihəsi çərçivəsində ikinci görüş keçirilib
27.06.2019
Azərbaycanda Həcc ziyarəti üçün müraciətlərin sayı 1100-ü ötüb

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10817

1 Yeni naziri kollektivə Ramiz Mehdiyev təqdim etdi
2 Heydər Əliyev və bələdiyyələr
3 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
4 Əli Nağıyev DTX rəisi təyin edildi
5 Vilayət Eyvazov daxili işlər naziri təyin edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info