İtaliyanın xəbər portalı Hikmət Hacıyevin müsahibəsini yayıb
Tarix: 01.11.2015 | Saat: 16:29:00 | E-mail | Çapa göndər


İtaliyanın “Notizie Geopolitiche” xəbər portalı Azərbaycan Xarici İşlər Nazirliyi (XİN) mətbuat xidmətinin rəhbəri Hikmət Hacıyevin müsahibəsini yayıb. Müsahibəsində XİN-in sözçüsü Azərbaycan-İtaliya münasibətlərindən, ölkəmizin beynəlxalq arenadakı mövqeyindən və Ermənistan-Azərbaycan, Dağlıq Qarabağ münaqişəsindən danışıb.
H.Hacıyev İtaliya ilə əlaqələrimizin qədim tarixə malik olduğunu, xüsusilə bu əlaqələrin siyasi, iqtisadi və mədəni sahələrdə sürətlə inkişaf etdiyini bildirib. Qeyd edib ki, Azərbaycan Avropa İttifaqı ilə əlaqələr çərçivəsində İtaliyanı mühüm tərəfdaşı hesab edir. Ölkəmizin birinci ticarət tərəfdaşı olan İtaliya ilə əməkdaşlıq əlaqələri genişlənməkdədir. Hazırda müxtəlif istiqamətlərdə, xüsusilə enerji sektorunda münasibətlərimiz yüksələn xətlə inkişaf edir. TAP layihəsinin reallaşması ilə bir sıra Avropa ölkələri, o cümlədən İtaliya ilə əməkdaşlığımız yeni mərhələyə qədəm qoyacaq.
Ölkəmizin əsas problemi olan Ermənistan-Azərbaycan, Dağlıq Qarabağ münaqişəsinin uzun illərdən bəri həllini tapmadığını diqqətə çatdıran H.Hacıyev vurğulayıb ki, İtaliya hər zaman münaqişənin tənzimlənməsi istiqamətində aparılan danışıqlar prosesinə fəal dəstək verib. “İtaliyanın Azərbaycanın ərazi bütövlüyünü dəstəkləməsi və qondarma “Dağlıq Qarabağ Respublikası”nı suveren dövlət kimi tanımaması faktlarını yüksək qiymətləndiririk. Bununla belə, Azərbaycan müvafiq məsələnin həllində Avropa İttifaqından, habelə İtaliyadan daha böyük səylər gözləyir. Ümid edirik ki, İtaliya BMT TŞ-nin problemin nizamlanmasına dair dörd qətnaməsinin icra olunmasında öz yardımını əsirgəməyəcək”, – deyə o əlavə edib.
Dağlıq Qarabağ münaqişəsinin Cənubi Qafqazın, o cümlədən bütünlüklə Avropanın stabilliyi üçün böyük təhlükə mənbəyi olduğunu deyən H.Hacıyev BMT Təhlükəsizlik Şurasının Ermənistan işğalçı qüvvələrinin Azərbaycan torpaqlarından qeyd-şərtsiz çıxarılmasına dair dörd qətnaməsini bir daha xatırladıb. Bildirib ki, bu münaqişə nəticəsində ölkəmizin 20 faiz torpaqları işğal olunub, bir milyondan çox azərbaycanlı qaçqına və məcburi köçkünə çevrilib. Regional səviyyədə təhlil etsək, bu münaqişənin təkcə Azərbaycan üçün deyil, Ermənistan, eyni zamanda, bütün Dağlıq Qarabağ regionu üçün həm də ciddi sosial-iqtisadi problem olduğunu görərik.
XİN-in sözçüsü Azərbaycan-Gürcüstan əlaqələrini misal gətirərək deyib ki, ölkələrimiz sıx iqtisadi əməkdaşlıqdan faydalanır. Bu, bölgənin ümumi inkişafına müsbət təsir göstərir. Lakin təəssüflər olsun ki, Ermənistanın Azərbaycan torpaqlarını işğal etməsi regionun hərtərəfli tərəqqisinə əngəl törədir. O deyib: “Heç kim Avropa üçün strateji önəm kəsb edən Cənubi Qafqaz regionunda münaqişənin alovlanmasını istəməz. Bu hal Azərbaycanın tərəfdaşı olan Avropa ölkələri, habelə İtaliya üçün mənfi nəticələr yarada bilər. Bizim istədiyimiz ədalətin bərpa olunmasıdır. Azərbaycan Avropa İttifaqının dəstəyini yüksək qiymətləndirir, lakin bu dəstəyin təkcə sözdə deyil, əməldə də sübut olmasını istərdik. Avropa İttifaqının, o cümlədən İtaliyanın Ermənistanın Azərbaycan ərazilərini işğalı faktı ilə bağlı qəti mövqe nümayiş etdirmələrini ümid edirik. Azərbaycan problemin sülh yolu ilə həllində maraqlıdır”.
Azərbaycan-Rusiya əlaqələri ilə bağlı sualı cavablandıran XİN-in mətbuat xidmətinin rəhbəri ölkələrimiz arasında müxtəlif sahələrdə yüksək səviyyəli əlaqələrin olduğunu, xüsusilə iqtisadi tərəfdaşlığımızın genişləndiyini vurğulayıb. Rusiyanın ATƏT-in Minsk qrupunun həmsədr ölkələrindən biri olduğunu xatırladan H.Hacıyev bu ölkənin Dağlıq Qarabağ münaqişəsinin nizamlanması istiqamətində səylərini yüksək qiymətləndirib. Diqqətə çatdırıb ki, hərbi sahədə əlaqələrimiz bölgənin təhlükəsizliyinin təmin olunmasına yönəlib və bu istiqamətdə birgə layihələr həyata keçirilir.
H.Hacıyev İran ilə əlaqələrimizə də toxunub və bu ölkənin Azərbaycan ilə tarixi, dini və mədəni bağlarının olduğunu xatırladıb. Qeyd edib ki, ölkəmiz bütün dövlətlərlə, o cümlədən İran ilə əlaqələrini bərabərlik, qarşılıqlı hörmət əsasında qurur. Yüksək səviyyəli qarşılıqlı səfərlər bu münasibətlərin genişlənməsinə töhfə verir.
Xəzəryanı ölkələr arasında münasibətlərə aydınlıq gətirən XİN-in sözçüsü son illər əməkdaşlığın inkişafı istiqamətində keçirilmiş görüşləri təhlil edib. Bildirib ki, zəngin hidrokarbon ehtiyatlarına malik Xəzər dənizinin hüquqi statusunun müəyyənləşdirilməsi, eyni zamanda, bölgədə sülhün hökm sürməsi qonşu dövlətlərin diqqət mərkəzindədir. Bu baxımdan ötən ilin sentyabrında Həştərxanda keçirilmiş Xəzəryanı ölkələrin dövlət başçılarının IV Sammitinin nəticələrini xüsusi qeyd etmək olar.
Tural




 
Bölməyə aid digər xəbərlər
13.11.2018
Yaxın zamanlarda Slovakiyanın Azərbaycanda səfirliyinin açılması nəzərdə tutulur
13.11.2018
Monteneqroda Azərbaycanla bağlı sayt fəaliyyətə başlayıb
12.11.2018
Aİ nümayəndəsi: Azərbaycan yaxın zamanlarda insan kapitalının artırılmasına və inkişafına nail olacaq
12.11.2018
KİV-ləri Qərbdəki ayrı-ayrı qüvvələrin maraqlarına tabe etdirməyə çalışanlar...
12.11.2018
Lukaşenko: “Bizim qapılar Azərbaycan üçün açıqdır”

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info