Astarada seçkilər demokratik və mütəşəkkil keçirilir.
Tarix: 01.11.2015 | Saat: 17:00:00 | E-mail | Çapa göndər


Rayon üzrə 76 saylı Lənkəran-Astara və 77 saylı Astara seçki dairələri fəaliyyət göstərir. Ümumilikdə 70 seçki məntəqəsində Milli Məclisə seçkilərə nümunəvi hazırlıq görülüb. Biz 1 noyabr 2015-ci il tarixdə keçirilən Milli Məclisə seçkilərlə əlaqədar yerlərdə seçkilərin gedişi ilə maraqlananda hər yerdə mütəşəkkilliyin və seçici fəallığının şahidi olduq.
77 saylı Astara seçki dairəsi üzrə şəhər 3 saylı seçki məntəqəsində olarkən burada sözün həqiqi mənasında qələbəlik vardı. Günlərdir fasilə vermədən yağan güclü yağışların törətdiyi çətinliklərə baxmayaraq seçkilərin fəallığı aşkar hiss olunurdu. Məntəqə sədri Rasim Cəfərov qeyd etdi ki, qeydə alınmış 1387 seçicinin hər biri ilə əvvəlcədən seçki məcəlləsinə uyğun olaraq geniş izahat və maarifləndirmə işi aparmışıq. İlk dəfə səs verənlər, səs verə bilmək imkanı olmayan əlil və xəstələrin sayı dəqiqləşdirilib. Artıq səsvermə yüksək mütəşəkkilliklkə davam etdirilir.
Qarabağ müharibəsi veteranı, keçmiş hərbiçi Alıməmməd Bayramov söhbət zamanı bildirdi ki, əvvəlki illərdə olduğu kimi bu gün də seçkilər tam obyektiv və ədalətli şəkildə keçirilir. Burada müxtəlif partiyaları təmsil edən müşahidəçilər iştirak edirlər. Hər biri şahiddir ki, seçkilər normal və mütəşəkkil, heç bir qanun pozuntusu olmadan aparılır.
Vətəndaş Həmrəyliyi Partiyasını təmsil edən müşahidəçi Ramiz Musayev burada yaradılan şəraitdən razılığını bildirdi. Qeyd etdi ki, hava əlverişsiz olsa da fəallıq hiss olunur. Mən səhər saat 8:00-dan seçkini izləyirəm. Bütün işlər qanunauyğun təşkil olunub.
Rayonun Suparibağ, Səncərədi, Artupa, Ərçivan, Kijəbə və digər yaşayış məntəqələrində də seçkilər tam mütəşəkkil surətdə davam etdirilir.
Bu gün keçirilən seçkilərin gedişini yerli müşahidəçilərlə yanaşı, beynəlxalq müşahidəçilər də yaxından izləyirlər. Beynəlxalq müşahidəçi Nurbul Nadjmadinov Astara rayonunda seçkilərin qanunauyğun və normal təşkil edildiyini vurğuladı.
Şəhər 1 saylı seçik məntəqəsində qutuların kilidlənməsindən tutmuş digər prosedur qaydalarını yaxından izləyən beynəlxalq müşahidəçi seçkilərin hazırlığından məmnun qaldığını diqqətə çatdırdı.
“ELS” Müstəqil Araşdırmalar Mərkəzi və Azərbaycan Gənclərinin Hüquqlarının Müdafiə Mərkəzinin (“Opinion Way” Sosioloji Tədqiqatlar İnstitutu (Fransa) ilə birgə) əməkdaşları da rayon ərazisində “exit-poll” keçirirlər.
Rayonumuzun tanınmış ağsaqqallarından Həsən İbrahimov, Heybət Hüseynov müharibə veteranları şurasının sədri Rafiq Əliyev və başqaları səsvermədə iştirak etdiklərini və ən layiqli namizədə səs verdiklərini bildirdilər.
Vətəndaş Həmrəyliyi Partiyasını təmsil edən müşahidəçi Arzu Əsgərova, Böyük Quruluş Partiyasını təmsil edən müşahidəçi Ruhiyyə Qulamova, Cahid Sadıxov və başqaları söhbət zamanı məntəqələrdə bütün partiyalara bərabər şərait yaradıldığını, səsvermənin qanunauyğun keçirildiyini diqqətə çatdırdılar.
Seçicilərdən Şarif Muradov, Tarifə Hüseynova, Rəşad Əliyev, Afət Əkbərov, İzzət Sultanov və onlarla başqaları səsvermənin gedişindən razılıq etdilər.
Şəhər 3 saylı seçki məntəqəsində ilk dəfə səs verən Fatimə Elşad qızı öz həyəcanını gizlədə bilməyərək ən layiqli namizədə etimad göstərdiyini bildirdi.
Bəli, Astarada günlərdir yağan yağışlar səsvermənin fəal və mütəşəkkil keçirilməsinə qətiyyən maneçilik yarada bilmir. Hazırda, rayonun bütün yaşayış məntəqələrində səsvermə mütəşəkkilliklə davam etdirilir.
AZƏR ABDULLAYEV
Astara qəzetinin baş redaktoru




 
Bölməyə aid digər xəbərlər
23.07.2019
Evimizi yanğından necə qoruyaq?
23.07.2019
“Bakcell“ sosial şəbəkələrdə cavablandırılmış müraciətlərə görə ən yüksək nəticə göstərməkdə davam edir
23.07.2019
Komitə sədri vətəndaşları qəbul edəcək
23.07.2019
Bakıda icazəsiz mitinq keçirmək istəyənlərə xəbərdarlıq edilib
23.07.2019
DOST xidmətləri sırasına övladlığagötürmə üzrə xidmətlər də əlavə edilib

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10836

1 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
2 Подготовка армянских «джавахкских» боевиков-сепаратистов против Грузии в оккупированным Карабахе уже идет полным ходом - FOTO
3 “Cənub bölgəsi Azərbaycanda ən çox turist qəbul edən bölgə olacaq”
4 “Rusiya Azərbaycanlıları İttifaqı gündəmə bəyanatla yox, əməli işlə gəlir”
5 Abituriyentlər, Azərbaycan Dövlət Pedaqoji Universitetini seçin!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info