“Azərbaycanda parlament seçkiləri yüksək seçici fəallığı ilə keçirilir”
Tarix: 01.11.2015 | Saat: 18:10:00 | E-mail | Çapa göndər


“Azərbaycanda parlament seçkiləri seçicilərin yüksək fəallığı ilə keçirilir”. Bunu MDB müşahidə missiyasının rəhbəri, strukturun icraçı katibi Sergey Lebedev deyib.
Missiya rəhbəri bildirib ki, baş çəkdikləri seçki məntəqələri barədə təəssüratları yüksəkdir: "Seçkilər sakit və yüksək seçki fəallığı ilə keçir. Partiyaların, namizədlərin xeyli yerli müşahidəçiləri var və bu o deməkdir ki, seçkilər açıq şəraitdə keçirilir".
S.Lebedev qeyd edib ki, hamının səsvermə prosesini müşahidə etmək imkanı var: "İnsanlar parlamentə seçəcəkləri namizədlərə görə öz ölkələrinin gələcəkləri barədə məsuliyyət hiss edirlər. Gördüklərimiz deməyə əsas verir ki, seçkilər sakit keçir".
Onun sözlərinə əsasən, MDB missiyası yerli müşahidəçilərlə, Qərb, həmçinin Şərq ölkələrindən olan digər müşahidəçi qrupların nümayəndələrilə fikir mübadiləsi aparıblar: "Digər missiyalardan olan həmkarlarımız da bizimlə eyni təəssüratlardadırlar. MDB müşahidəçiləri Azərbaycanın bir çox şəhər və rayonlarında işləyirlər. Bizim 147 müşahidəçimiz var. Onların əksəriyyəti seçki məntəqələrinin açılışında iştirak edib".
Qeyd edək ki, Milli Məclisə seçkilərdə 767 namizəd iştirak edir. Seçkiləri 40 təşkilatdan 503 beynəlxalq və 66 mindən çox yerli müşahidəçi izləyir.
Seçkilərdə “ELS” Müstəqil Araşdırmalar Mərkəzi, “RƏY” Monitorinq Mərkəzi, o cümlədən Azərbaycan Gənclərinin Hüquqlarının Müdafiə Mərkəzi Fransanın “Opinion Way” Sosioloji Tədqiqatlar İnstitutu ilə birgə, Vətəndaşların Əmək Hüquqlarını Müdafiə Liqası ABŞ-ın “AJF&Associates İnc.” təşkilatı ilə birgə “exit poll” keçirir.
Seçkilərdə müşahidə üçün 119 seçki dairəsi üzrə 1000 seçki məntəqəsində veb-kameralar quraşdırılıb.
Tural




 
Bölməyə aid digər xəbərlər
18.01.2019
Azərbaycanın müstəqil siyasətinə heç bir kənar qüvvə təsir edə bilməyəcək
18.01.2019
TÜRKSAM: “Azərbaycanın regionda dəyəri artır”
18.01.2019
Rusiya XİN-dəki ermənipərəstlər Rusiya-Azərbaycan əlaqələrindən narahatdır
18.01.2019
“İaşə müxalifəti”nin yalanlar üzərində qurulan təbliğatı...
18.01.2019
İqtisadiyyat Nazirliyində 20 Yanvar qurbanlarının xatirəsi yad edilib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info