Əmək müfəttişliyi üzrə bacarıqların artırılması müzakirə edildi
Tarix: 02.11.2015 | Saat: 19:14:00 | E-mail | Çapa göndər


Əmək və Əhalinin Sosial Müdafiəsi Nazirliyi və Beynəlxalq Əmək Təşkilatının (BƏT) birgə təşkilatçılığı ilə Bakıda uşaq əməyi, uşaq əməyinin monitorinqi və əmək müfəttişliyi üzrə bilik və bacarıqların artırılması məqsədilə seminara başlanılıb. Yerli və beynəlxalq ekspertlərin iştirakı ilə təşkil olunan tədbiri giriş sözü ilə açan Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin rəisi Fuad Əlizadə ölkəmizdə uşaq əməyi ilə bağlı qanunvericiliyin mütərəqqi beynəlxalq norma və prinsipləri əks etdirdiyini vurğulayıb: “Azərbaycan ötən dövrdə BMT-nin «Uşaq hüquqları haqqında», BƏT-in «İşə qəbul etmək üçün minimum yaş həddi haqqında», «Uşaq əməyinin ən pis formalarının qadağan edilməsinə və onların aradan qaldırılması üçün təcili tədbirlərə dair» Konvensiyalarını ratifikasiya edib. Milli qanunvericilikdə uşaq əməyinə münasibət də həmin sənədlərin, habelə “Uşaqların yaşaması, müdafiəsi və inkişafının təmin edilməsi haqqında” Ümumdünya Bəyannaməsinin prinsiplərini özündə əks etdirir. Ölkəmizin Konstitusiyasının 17-ci maddəsində uşaqların həyat və sağlamlığına, onların mənəviyyatına təhlükə törədə biləcək fəaliyyətə cəlb edilmələri qadağan olunur. Habelə Əmək Məcəlləsinə əsasən, uşaqların işə qəbul edilməsi üçün minimum yaş həddi 15 yaşdır. Yaşı 18-dən az olan işçilərin əməyindən istifadə zamanı onlar üçün əmək şəraiti, iş və əmək məzuniyyəti vaxtı, müddəti və s. baxımından qanunvericilikdə əlavə təminatlar, güzəştlər də müəyyən edilib”.
Xidmət rəisi 15 yaşına çatmamış şəxslərin işə, habelə onların həyatına, sağlamlığına və ya mənəviyyatına təhlükə törədə bilən fəaliyyətə cəlb edilməsi hallarına görə ölkəmizin İnzibati Xətalar Məcəlləsində cəza tədbirlərinin də nəzərdə tutulduğunu diqqətə çatdırıb: “Son illərdə Dövlət Əmək Müfəttişliyi Xidməti tərəfindən nəzarət tədbirlərinin, bu sahədə aidiyyəti qurumlarla fəal əməkdaşlığın, həmçinin təbliğat-maarifləndirmə işlərinin müsbət nəticəsi kimi, Azərbaycanda uşaq əməyindən qeyri-qanuni istifadə halları minimum səviyyəyə enib”. F.Əlizadə BƏT-lə birgə təşkil olunan bu seminarın uşaq əməyinin təftişi üzrə bilik və bacarıqların artırılmasına yönəlməklə yanaşı, əmək müfəttişlərinin peşəkarlıq səviyyəsinin yüksəlməsinə də xidmət etdiyini bildirib: “Respublikamızda iş yerlərində əməyin təhlükəsizliyinin təmin olunmasına təsirli dövlət nəzarəti tədbirlərinin həyata keçirilməsi, əməyin mühafizəsi ilə bağlı ardıcıl təbliğat-maarifləndirmə işlərinin aparılması istehsalatda bədbəxt hadisələrin sayının getdikcə azalması ilə müşahidə olunur. Təbii ki, qeyd olunan sahəyə daha səmərəli dövlət nəzarətinin təşkili üçün əmək müfəttişlərinin bacarıqlarının artırılması diqqətdə saxlanılır. Bu baxımdan hazırkı seminar mühüm əhəmiyyət kəsb edir”.
Azərbaycan Həmkarlar İttifaqları Konfederasiyasının sədr müavini Cavanşir Alxasov uşaq əməyindən qeyri-qanuni istifadə hallarının qarşısının alınması və iş yerlərində təhlükəsiz və sağlam əmək şəraitinin yaradılması istiqamətlərində Konfederasiya tərəfindən görülən işləri diqqətə çatdırıb. O, BƏT-lə təşkil olunan bu seminarın qeyd olunan sahədə fəaliyyətin təkmilləşdirilməsində faydalı olduğunu vurğulayıb. BƏT-in Moskva bürosunun eksperti Valentin Mokanu uşaq əməyindən qeyri-qanuni istifadənin azaldılması, əməyin mühafizəsi sahəsində ölkəmizin müsbət iş təcrübəsini yüksək dəyərləndirib. O, belə bir seminarın bu sahədə görülən işlərdə və əmək müfəttişliyi üzrə bilik və bacarıqların artırılmasında bir dəstək rolu oynadığını bildirib.
Seminar uşaq əməyinin uğurlu təftiş sistemləri, bu sahədə beynəlxalq təcrübə, əmək müfəttişliyinin gücləndirilməsi, əməyin təhlükəsizliyi, peşə risklərinin qiymətləndirilməsi və s. mövzuları əhatə edir.

Qorqud




 
Bölməyə aid digər xəbərlər
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb
16.11.2018
Birinci qrup ilkin əlillik təyin olunanların sayında azalma 75,8 faizə çatıb
16.11.2018
“Bakı Metropoliteni” işçi axtarır
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10492

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info