“Seçkilər beynəlxalq normalara müvafiq keçirilib”
Tarix: 02.11.2015 | Saat: 19:19:00 | E-mail | Çapa göndər


Avropa milli parlamentlərinin üzvlərindən ibarət Seçki Monitorinq Qrupunun Azərbaycanda 1 noyabr qanunverici seçkilərinə dair bəyanat yayıb. Dünən bununla bağlı Seçki Monitorinq Qrupunun keçirdiyi mətbuat konfransında Azərbaycan Respublikasında 1 noyabr parlament seçkiləri bütövlükdə beynəlxalq seçki və demokratik standartlara müvafiq keçirildiyi qeyd olundu.
Seçki Monitorinq Qrupunun rəhbəri, Fransa Milli Assambleyasının üzvü Mariani Tyerri bildirdi ki, 12 Avropa ölkəsindən olan 31 deputatdan ibarət Seçki Monitorinq Qrupu 6 İspaniya, 4 Malta, 3 Albaniya, 3 Bosniya və Herseqovina, 3 Serbiya, 3 Yunanınstan, 2 Belçika, 2 Polşa, 2 Fransa, 1 Xorvatiya, 1 Monteneqro parlanemtarilərindən və 1 Kanada senatorundan ibarətdir: “Monitorinq missiyası 29 oktyabrda Azərbaycana gəldi və səylərini səsvermə və səslərin sayılması proseslərinin qiymətləndirilməsinə yönəltdi. Beləliklə, missiyanın hesabatında seçkiqabağı təşviqat kampaniyası müddəti işıqlandırılmamışdır. Seçki Monitorinq Qrupu Avropa Parlamenti və ya ATƏT Parlament Assambleyası kimi beynəlxalq parlament təşkilatlarının Azərbaycanda seçkilərin müşahidəsi üçün rəsmi nümayəndə heyəti göndərməməsinə və ölkənin gələcək demokratik inkişafına və regionun sabitliyinə töhfə vermək kimi mükəmməl imkanı əldən verməsinə olduqca təəssüflənir.
Azərbaycan Respublikasının Avropa Şurası, ATƏT, eləcə də Avropa Parlamenti ilə Şərqi Avropa tərəfdaşları arasında əməkdaşlığı əks etdirən struktur olan Avronest Parlament Assambleyasının üzvü olduğunu nəzərə alaraq, Seçki Monitorinq Qrupu qətiyyətlə hesab edir ki, respublikanın demokratik öhdəlik və vəzifələrin icrası istiqamətində əldə etdiyi irəliləyişlərin Azərbaycanın Avropalı tərəfdaşları tərəfindən xüsusilə institusion səviyyədə müşahidə edilməsi, izlənilməsi və dəstəklənməsi bütün tərəflərin uzunmüddətli marağıdır”.

Mariani Tyerri dedi ki, Missiya müşahidəçiləri seçki günü ölkə boyu cəmi 125 dairədən 20-də müşahidə aparıb: “Bu, onların müşahidə aparılmış dairələrin əksər məntəqələrində seçki prosesini izləməsinə imkan verdi.
Seçki günü səsvermə prosesi ərzində ölkədə ictimai mühit sakit idi, heç bir mühüm insident baş vermədi. Yerli orqanların və ya polisin seçki prosesinə müdaxiləsi qeydə alınmadı. Müşahidə aparılmış seçki məntəqələri yaxınlığında seçki kampaniyası və ya siyasi təşviqat aparılmırdı.
Səsvermə prosesi ümumilikdə təyinatlı heyət tərəfindən cari beynəlxalq standartlara müvafiq olaraq, peşəkarcasına və mütəşəkkil aparıldı və yalnız bir neçə seçki məntəqəsində cüzi texniki problemlər müşahidə edildi.
Hər seçki məntəqəsinin nəticələri müəyyənləşdirilərək, bütün hallarda xüsusi təhlükəsiz daşınma qutularında möhürləndi və hər dairə səviyyəsində mərkəzi qərargaha göndərildi. Monitorinq Missiyası seçki günü prosesləri izləmək mandatı çərçivəsində belə nəticəyə gəlir ki, Azərbaycan Respublikasında parlament seçkiləri ümumilikdə beynəlxalq tanınmış normalara müvafiq keçirilib”.

Fuad Hüseynzadə




 
Bölməyə aid digər xəbərlər
19.08.2019
Azərbaycanda əhaliyə bu xidmət pulsuz göstəriləcək – Qaydalar təsdiqləndi
18.08.2019
Xaçmaz və Xızıya yeni polis rəisləri təyin olunub
17.08.2019
Polisdən dilənçilərlə bağlı xəbərdarlıq
17.08.2019
Bakı Tikiş Evi: Bu il də məktəbli formalarının qiymətlərində heç bir dəyişiklik edilməyib
16.08.2019
DOST mərkəzinə 25 000-ci vətəndaş müraciəti qeydə alınıb

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10861

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 Azərbaycana qarşı casusluq edən 128 nəfər aşkar edilib
4 “Məqsədimiz elm xadimləri və tələbələri bir araya toplayaraq “düşünən beyin” komandası qurmaqdır”
5 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info