“Seçki prosesi mütləq mənada demokratik və şəffaf idi”
Tarix: 04.11.2015 | Saat: 21:01:00 | E-mail | Çapa göndər


İsrailin “89.1FM Birinci radio”sunun baş redaktoru Vlad Zernitski Bakıdan Təl-Əvivə qayıdandan sonra demək olar ki, dərhal, Bakıda keçirilmiş seçkilərin təəssüratı altında birbaşa efirə çıxıb və Azərbaycan Respublikasında keçirilmiş parlament seçkilərində israilli müstəqil müşahidəçi kimi gördükləri barədə söhbət açıb.
Vlad Zernitski səmimilik və xeyirxahlıq şəraitində keçmiş Bakı səfəri barədə o qədər emosional söhbət açıb ki, radio dinləyiciləri birbaşa efirdə ona çoxsaylı suallarla müraciət ediblər.
İsrailin “Birinci radio”sunun baş redaktoru Vlad Zernitski qeyd edib ki, Azərbaycanda seçki prosesi mütləq mənada demokratik və şəffaf idi. İsrailin “89.1FM Birinci radio”sunun baş redaktoru birbaşa efirdə deyib: “Bu, mənim Bakıya ilk səfərim idi. Oraya Azərbaycan Mərkəzi Seçki Komissiyasının dəvəti ilə parlament seçkilərində müşahidəçi kimi iştirak etmək üçün getmişdim. Müşahidəçi kimi altı seçki məntəqəsində oldum. Deyə bilərəm ki, seçkilərin təşkili çox xoşuma gəldi. Hər şey o dərəcədə dürüst və rahat təşkil olunmuşdu ki, məndə heç bir sual yaranmadı. Burada hətta Azərbaycan dilini bilməyən insana da hər şey tam aydın idi. Lakin bu şəraitdə də mənim yanımda tərcüməçi vardı. Mən görürdüm ki, səsverməyə gələn insanların üzündə təbəssüm var, bu insanlar özlərini sərbəst hiss edir, onlara kənardan heç bir təzyiq göstərilmir”.
İsrailli müşahidəçi Azərbaycanın seçki qanunvericiliyini də yüksək qiymətləndirib. Zernitski deyib: “Elektoral qanunvericiliyə uyğun olaraq Azərbaycanda polis işçiləri seçki məntəqəsindən 100 metr məsafədə olmalıdırlar. İsrail Dövlətində belə qayda yoxdur. Bu fakt həqiqətən seçicilərdə gərginlik hissi yaranmasına imkan vermir. Vətəndaşlar seçkilərə təbəssümlə gəlirdilər. Psixoloji baxımdan bu o deməkdir ki, onlar seçkilərə könüllü gəlir və şüurlu şəkildə seçim edirlər. Bu, çox vacib məqamdır və ona dəlalət edir ki, ölkənin gələcək parlamenti keyfiyyətli və peşəkar olacaq, Azərbaycanın vəziyyətini daha da yaxşılaşdırmağa xidmət edən qanunlar qəbul edəcək”.
İsrailli jurnalistin sözlərinə görə, Bakıda o, İsraildən gəlmiş müşahidəçi kimi özünə qarşı qonaqpərvər və səmimi münasibət hiss edib. Zernitski vurğulayıb: “Azərbaycanda bütün yerli əhaliyə xas olan bu cəhət çox sevindiricidir. Lakin elə həmin fakt həm də onu göstərir ki, insanlar seçki məntəqələrinə könüllü surətdə gəlir, öz vətəndaşlıq borcunu könüllü şəkildə yetirirlər. Bu isə seçkilərin demokratik şəkildə keçməsinə sübutdur”.
İsrailin “Birinci radio”sunun baş redaktorunun fikrincə, İslam aləmində ən dünyəvi, ən azad ölkə olan Azərbaycana münasibətdə ABŞ və Qərb tərəfindən ikili standartlar siyasəti yürüdülməsi təəssüf doğurur. O vurğulayıb: “Mən bu gözəl ölkəni gördüm və duydum, səsvermə məntəqələrinə gələn insanlarla sıx ünsiyyətdə oldum. Bu sahədə məlumatı olan hər bir siyasətçiyə və analitikə tamamilə aydındır ki, Azərbaycanda yaranmış hakimiyyət balansı pozulsa, vəziyyətin sabitliyi pozulsa bu ölkədə Avropaya xas olan demokratiya deyil, bizim ölkənin sərhədləri yanında müşahidə etdiyimiz Yaxın Şərqə xas olan qanlı xaos vəziyyəti yaranar”.
Zernitskinin fikrincə, bu halda zəngin neft və qaz ehtiyatlarına malik olan bu ölkə asan bir “yem”ə çevrilər, onu dərhal parçalamağa başlayarlar. İsrailin “Birinci radio”sunun baş redaktoru sonda deyib: “Əgər kimlərsə bunu başa düşmürsə və ya anlamaq istəmirsə, bu, Azərbaycan üçün problem olmamalıdır. Əlbəttə, avropalı və amerikalı tənqidçilərlə, xüsusən yüksək vəzifə sahibləri ilə ünsiyyət saxlamaq, müzakirələr aparmaq lazımdır, lakin bir dəqiqə belə unutmaq olmaz ki, çətin məqamda ölkə yalnız özünə güvənə bilər. Mən və dostum, Cənubi Qafqaz üzrə israilli ekspert Arye Qut İtaliya parlamentinin nümayəndələrinə avropalıların Azərbaycana münasibətdə ikili standartları və anti-Azərbaycan ritorikası barədə suallar verdik, lakin onlardan anlaşıqlı cavab almadıq. Bu fakt bir daha onu göstərir ki, bu insanların Azərbaycan kimi gözəl ölkə barədə dəqiq təsəvvürləri və Azərbaycana münasibətdə ölçülüb-biçilmiş xarici siyasət strategiyasından əsər-əlamət yoxdur”.

İlkin




 
Bölməyə aid digər xəbərlər
14.11.2018
“Dini maarifləndirmə işinin təşkili: gerçəkliklər və perspektivlər”
14.11.2018
Slovakiyalı qonaqlar Qobustan qoruğundan xoş təəssüratla ayrılıblar
14.11.2018
Monitorinq Mərkəzi ədəbi dildə norma pozuntularının aradan qaldırılması yollarını müəyyənləşdirəcək
14.11.2018
2018-ci ilin oktyabr ayı ərzində Dövlət Miqrasiya Xidmətinə 47 min 985 müraciət qeydə alınıb
14.11.2018
Xəzərdə qəfəs tipli balıq təsərrüfatlarının yaradılması üçün qanunvericilikdə dəyişikliklər edilməlidir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10468

1 “Universitetlərdə rəhbər şəxslərin qapıları tələbələr üçün daim açıq olur”
2 Polşalı şagirdlər Azərbaycan nağıllarına illüsturasiyalar çəkiblər
3 “Xaricdə təhsilimi davam etdirsəm, psixologiya sahəsini seçəcəyəm”
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info