“Azərbaycan davamlı inkişaf edən və nüfuzlu müsəlman ölkələrindən biridir”
Tarix: 05.11.2015 | Saat: 00:12:00 | E-mail | Çapa göndər


Dünya İslam İqtisadi Forumunda Azərbaycanın uğurları xüsusi qeyd edilib
Malayziyanın paytaxtı Kuala Lumpurda keçirilən 11-ci Dünya İslam İqtisadi Forumunda (WIEF) Azərbaycanın uğurları xüsusi qeyd edilib. Forumda Azərbaycan Baş nazirinin birinci müavini Yaqub Eyyubovun başçılıq etdiyi nümayəndə heyəti ilə təmsil olunub.
Açılış nitqi ilə çıxış edən Malayziyanın Baş naziri Mohammad Najib Tun Abdul Razak Forumun müsəlman və qeyri-müsəlman ölkələri arasında iqtisadi inkişafa dəstək verilməsi, Cənubi Şərqi Asiya ölkələrinin digər dünya dövlətləri, xüsusilə də müsəlman ölkələri ilə inteqrasiyasının gücləndirilməsi, həmçinin dünya müsəlmanları arasında elmi bilik mübadiləsi və əməkdaşlığın artırılması istiqamətində fürsət olduğunu bildirib. Azərbaycan haqqında danışan Baş nazir ölkəmizdə olduğunu bildirərək, tədbir iştirakçılarına bu gözəl ölkəyə səfər etməyi məsləhət görüb. O, Azərbaycanın müsəlman dünyası ilə Avropa arasında bir körpü olduğunu qeyd edərək digər ölkələri bundan faydalanmağa çağırıb. Baş nazir mövcud qlobal iqtisadi böhrana baxmayaraq, Azərbaycanın davamlı inkişaf edən və nüfuzlu müsəlman ölkələrindən biri olduğunu xüsusi vurğulayıb. Tədbirdə çıxış edən Azərbaycan Baş nazirinin birinci müavini Yaqub Eyyubov müsəlman dünyasında yeni əməkdaşlıq imkanları açan belə mötəbər tədbirdə Azərbaycanın ilk dəfə iştirak etdiyini diqqətə çatdırıb, əməkdaşlığın yeni imkanlarının araşdırılması baxımından forumun qlobal əhəmiyyətini yüksək qiymətləndirib. Ermənistan-Azərbaycan, Dağlıq Qarabağ münaqişəsi barədə toplantı iştirakçılarına məlumat verən Y.Eyyubov Ermənistan tərəfindən torpaqlarımızın 20 faizinin işğal olunduğunu, etnik təmizləmə nəticəsində bir milyondan çox azərbaycanlının qaçqın və məcburi köçkünə çevrildiyini bildirib. BMT Təhlükəsizlik Şurası tərəfindən Ermənistan ordusunun işğal olunmuş əraziləri qeyri-şərtsiz azad etməsini tələb edən dörd qətnamə qəbul olunmasına baxmayaraq, hələ də bu sənədlərin icra olunmadığını vurğulayıb. Baş nazirin birinci müavini İƏT-ə üzv ölkələrə Azərbaycanın ədalətli mövqeyinə göstərdikləri dəstəyə, Azərbaycan ərazilərinin işğalını pisləyən və Ermənistan hərbi qüvvələrinin həmin ərazilərdən dərhal və qeyd-şərtsiz çıxarılmasını tələb edən müvafiq qətnamələrin qəbuluna görə təşəkkürünü bildirib. İslam dünyası ilə mədəni və tarixi bağlılığa malik Azərbaycanın xarici siyasətində müsəlman ölkələri ilə siyasi, iqtisadi və digər sahələrdə əməkdaşlığın genişləndirilməsinin prioritet təşkil etdiyini vurğulayıb. Forum çərçivəsində Yaqub Eyyubov Malayziyanın Baş naziri Mohammad Najib Tun Abdul Razak ilə görüşüb. Görüşdə iki ölkə arasında əlaqələrin inkişaf istiqamətləri ətrafında fikir mübadiləsi aparılıb.
Cavidan




 
Bölməyə aid digər xəbərlər
21.11.2018
“Bakcell” “ASAN Məktub”dan təşəkkürnamə alıb
21.11.2018
Türkcə “Vikipediya”da Azərbaycanla bağlı məqalələrin yaradılması prosesi sürətlənir
21.11.2018
Sərhəd idarəçiliyi üzrə potensialın gücləndirilməsi istiqamətində görülən tədbirlər müzakirə edilib
21.11.2018
Bakıda Azərbaycan-Qazaxıstan Gənclərinin Forumu işə başlayıb
21.11.2018
YAP-ın yaranmasının 26 illiyi ilə əlaqədar Pirallahıda tədbir keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10509

1 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 Eldar Əzizov Bakı Şəhər İcra Hakimiyyətinin başçısı təyin edildi
5 Abel Məhərrəmov BDU-nun rektoru vəzifəsindən azad edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info