“Naxçıvan bayraqları” kitabının təqdimatı olub
Tarix: 06.11.2015 | Saat: 20:55:00 | E-mail | Çapa göndər


Noyabrın 6-da Azərbaycan Milli Elmlər Akademiyasının (AMEA) Milli Azərbaycan Tarixi Muzeyində bu müəssisənin əməkdaşı, tarix üzrə fəlsəfə doktoru Pərvin Gözəlovun “Naxçıvan bayraqları” (Bakı, 2015-ci il) kitabının təqdimatı olub.
AZƏRTAC xəbər verir ki, tədbirdə muzeyin direktoru, akademik Nailə Vəlixanlı nəşrin əhəmiyyətindən danışıb, onun tariximiz üçün dəyərli töhfə olduğunu bildirib.
N.Vəlixanlı muzeydə Azərbaycanın dövlətçilik rəmzlərinin tarixinin araşdırılması istiqamətində görülən tədbirlər barədə məlumat verib. Qeyd olunub ki, “Azərbaycanın dövlətçilik rəmzləri” kitabında, “Azərbaycan bayraqları” kataloqunda muzeydə qorunan, dövlətçilik ənənələrinin qədimiliyini və zənginliyini nümayiş etdirən tarixi materiallar ilk dəfə əksini tapıb.
Kitabın müəllifi P.Gözəlov apardığı tədqiqatlardan, əldə olunan elmi nəticələrdən bəhs edib.
Sonra “Naxçıvan bayraqları” kitabı barədə məlumat verilib. Nəşrdə XVIII–XIX əsrin əvvəllərində mövcud olmuş Naxçıvan xanlığına məxsus, yeni aşkara çıxarılmış dövlət və döyüş bayraqları haqqında məlumat verilir. Müəllifin Rusiya Federasiyasının müxtəlif muzeylərində apardığı araşdırmalar nəticəsində müəyyənləşdirilmiş bayraqlar Azərbaycan dövlətçilik tarixini yeni faktlarla zənginləşdirib. Kitabda Sankt-Peterburq şəhərindəki Dövlət Ermitajında aşkarlanmış bayraqların tarixindən söz açılır, ilk dəfə onların təsvirləri, fotoları verilir.
Nəşrdə, həmçinin Milli Azərbaycan Tarixi Muzeyində dövlətçilik rəmzlərinin araşdırılması tarixi, muzeyin kolleksiyasında yer alan 12 xanlıq bayrağı, eləcə də Naxçıvanda formalaşdırılmış və Rusiya imperiyasının ordusunun tərkibində olmuş hərbi hissələrin döyüş bayraqlarının təsviri verilir.
AMEA-nın vitse-prezidenti, akademik İsa Həbibbəyli Azərbaycanın dövlətçilik tarixinin, o cümlədən dövlətçilik rəmzlərinin tarixinin araşdırılmasının əhəmiyyətindən danışıb. Qeyd edilib ki, Azərbaycan tarixinin şanlı səhifələrindən olan Naxçıvan xanlığının dövlətçilik rəmzlərinin öyrənilməsi və təbliği istiqamətində son illər çox önəmli tədbirlər reallaşdırılıb.
Akademik İ.Həbibbəyli “Naxçıvan bayraqları” kitabının bayraqların təbliğində mühüm rol oynayacağına əminliyini bildirib.
Digər çıxış edənlər də kitab barədə fikirlərini bölüşüb, nəşri yüksək dəyərləndiriblər.




 
Bölməyə aid digər xəbərlər
21.01.2019
Dumanlı hava şəraiti ilə bağlı sürücü və piyadalara xəbərdarlıq
21.01.2019
“Milliön”dən gizli yolla 122 min manatdan çox vəsaiti talamış şəxs saxlanılıb
21.01.2019
Biləsuvarda 1176 yerlik yeni məktəb binası tikilir
21.01.2019
“AtaSığorta”: “Sığorta yığımları 8,7 milyon manat artıb”
21.01.2019
Ölkəyə narkotik vasitə keçirilməsinin qarşısı alınıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Dərslər təxirə salındı
3 Nikola Sarkozi: “Bakıda böyük quruculuq işlərinin şahidi oldum”
4 Yalçın Topçu: “Türkiyə və Azərbaycan arasında ticarət daha da artacaq”
5 Mədəniyyət Nazirliyinin tabeliyindəki kitabxanalar ləğv edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info