Fikrət Yusifov: “Sosial məsələlər Prezidentin həmişə diqqətindədir”
Tarix: 11.11.2015 | Saat: 20:29:00 | E-mail | Çapa göndər


Ölkə Prezidentinin noyabr 10-da imzaladığı sərəncamla “Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə verilən təqaüdlərin artırılması haqqında” Azərbaycan Respublikası Prezidentinin 2013-cü ildə imzalanmış müvafiq Sərəncamında dəyişikliklər edildi. Bu dəyişikliklərin əsas məqsədi təhsilin keyfiyyətini yüksəltmək üçün təhsil alanlar arasında rəqabət mühiti yaratmaq, onların tədris prosesində fəallığını artırmaq və təhsilə marağını stimullaşdırmaqdan ibarətdir. Mütəxəssislərimiz də ölkə başçısının bu sərəncamını yüksək qiymətləndirir, təhsilin inkişafında önəmli addım olduğunu, tələbələrin sosial müdafiəsində mühüm əhəmiyyət kəsb etdiyini deyirlər.
Prezidentin sərəncamını şərh edən “Ekonomiks” Beynəlxalq İqtisadi Araşdırmalar Birliyinin sədri, iqtisad elmləri doktoru, professor Fikrət Yusifov qeyd etdi ki, ölkədə təhsilin keyfiyyətinin yüksəldilməsi və müvafiq olaraq keyfiyyətli kadr hazırlığı indiki dönəmdə xüsusi həmiyyət kəsb edən məsələdir: “Digər tərəfdən, yeni qaydalar mahiyyət etibari ilə həm də sosial yönümlü qaydalardır. Onların tətbiqi aztəminatlı ailələrdən olan, ödənişli əsaslarla təhsil alan və yüksək akademik göstəricilərlə fərqlənən tələbələrə təqaüd almaq imkanı verəcəkdir ki, bu da öz növbəsində aztəminatlı ailələrdən olan gənclərin təhsil alması üçün mövcud şəraitin yaxşılaşdırılmasına yönəlmiş dövlət qayğısı deməkdir. Bu addım eyni zamanda qaçqın və məcburi köçkün ailələrindən, həmçinin təhsil haqqı dövlət tərəfindən ödənilən digər imtiyazlı ailələrdən olan tələbələrin də sosial rifahının yaxşılaşdırılmasına istiqamətlənib”.
F.Yusifov hesab edir ki, Prezidentin bu və bu sıradan olan digər sərəncamları dünya bazarlarında neftin qiymətlərinin iki dəfədən çox aşağı düşməsinə baxmayaraq Azərbaycan hökumətinin ozünün sosial siyasətində hər hansı dəyişiklik etmədiyini göstərir: “Əksinə, bu dövrdə dövlətin sosial layihələri uğurla icra olunur, dövlət başçısının müvafiq sərəncamları nəinki ayrı-ayrı sosial tədbirlərə büdcədən əlavə vəsait ayrılmasını nəzərdə tutur, eyni zamanda, büdcə gəlirlərinin bir qismindən imtina edilməsi yolu ilə əhalinin sosial vəziyyətinin daha da yaxşılaşdırılmasına istiqamətlənir. Hökumətin bu addımları onun sosial siyasətinin dayanıqlı olmasından və bundan sonra da davamlı olacağından xəbər verir. Bütün bunlar ölkə başçısının sön dövrlərdəki çıxışları zamanı sosial proqramların heç nədən asılı olmayaraq reallaşdırılacağına dair səsləndirdiyi fikirlərin təsdiqidir".

Nigar




 
Bölməyə aid digər xəbərlər
27.06.2019
Meksikada Azərbaycanın mədəniyyəti və milli mətbəxi təqdim olunub
26.06.2019
“Rossiyskaya qazeta” rusiyalı turistləri Azərbaycana dəvət edir
26.06.2019
“Danışır Xocalı” sənədli filminə ictimai baxış keçirilib
25.06.2019
“Narkomaniyaya qarşı mübarizədə gənclərin rolu” mövzusunda tədbir keçirilib
25.06.2019
Şirməmməd Ağaməmməd oğlu Hüseynov

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10816

1 Yeni naziri kollektivə Ramiz Mehdiyev təqdim etdi
2 Heydər Əliyev və bələdiyyələr
3 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
4 Əli Nağıyev DTX rəisi təyin edildi
5 Vilayət Eyvazov daxili işlər naziri təyin edilib


27.06 01:11 Psixi sağlamlıq uğrunda mübarizə ortaq məsuliyyətimizdir. Vətəndaş cəmiyyətini müdafiə edəcək, insan hüquqlarının universallığı və qanunu uğrunda mübarizə aparacaq güclü bir Avropaya ehtiyacımız var. Psixi xəstələrin adekvat müalicəsi təmin olunmalıdır. Azərbaycanda insan hüquqlarına əsaslanan yanaşmanın təmin edilməsi üçün əlimizdən gələni edirik. Məqsədimiz irəliyə doğru getmək, hüquqlara riayət edilməsini təmin etməkdir. AZƏRTAC xəbər verir ki, bu fikirləri “Psixi sağlamlıqla bağlı məcburiyyətlərə son qoymaq: insan hüquqlarına əsaslanan yanaşmaya zərurət” adlı məruzənin müzakirələri zamanı AŞPA-dakı nümayəndə heyətimizin üzvü Naqif Həmzəyev deyib. O, Birləşmiş Millətlər Təşkilatının (BMT) Əlillərin hüquqlarının müdafiəsi üzrə Konvensiyasına uyğun olaraq psixi xəstələrin hüquqlarına riayət edilməsi zərurətinə toxunub. Dinindən, sosial vəziyyətindən asılı olmayaraq hər kəsin bərabər olduğunu qeyd edib. Buna görə də hər bir insanın, uşaq və qadınların bərabərliyi üçün mübarizə aparmağın vacibliyini söyləyib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info