AVRO-2016: Pley-off başlayır
Tarix: 11.11.2015 | Saat: 22:35:00 | E-mail | Çapa göndər


Bu gün Avropada növbəti futbol həftəsinə start veriləcək. Azarkeşlər 6 gün ərzində milli komandaların qarşılaşmalarına şahidlik edəcəklər. Əksər yığmaların yoldaşlıq oyunları keçirəcəyi vaxtda AVRO-2016-ya vəsiqələr uğrunda mübarizəyə də yekun vurulacaq.
Fransada keçiriləcək final mərhələsinə qatılacaq son 4 komanda pley-offda bəlli olacaq. Həlledici turnirə yollanmaq iddiasında olan 8 komanda iki dəfə üz-üzə gələcək. Pley-offun ilk cütündə Norveç və Macarıstan qarşılaşacaq. Qrup mərhələsində Azərbaycan yığmasının rəqibi olan şimallılar ilk oyunu evdə keçirəcəklər. Sonuncu dəfə DÇ-1982-nin seçmə oyununda Macarıstana uduzan skandinaviyalılar uğurlu seriyanı davam etdirməyə çalışacaqlar. Onların rəqibi isə cəzalı Roland Yuxasın yoxluğunda nəticə qazanmağa iddialıdır. Final mərhələsinə növbəti vəsiqənin sahibinin adına Bosniya və Herseqovina ilə İrlandiya arasında matçda aydınlıq gələcək. Bu görüşə Azərbaycanda da kifayət qədər maraq var. Çünki balkanlıların AVRO-2016-ya yüksəlməsi ölkəmizdə çıxış edən daha iki futbolçunun final mərhələsində oynamasına səbəb ola bilər. Düzdü, “Qarabağ”ın qapıçısı İbrahim Şehiçdən fərqli, “Qəbələ”nin hücumçusu Ermin Zets İrlandiya ilə görüşləri buraxacaq. Lakin komandası uğur qazansa, onların hər ikisi digər “Qarabağ”lı - Albaniya yığmasının üzvü Ansi Aqolli kimi Fransaya yollanmaq şansına malik olacaq. Şehiç və Zetsin komandası bunu bacarsa, tarixində ilk dəfə qitə çempionatının final mərhələsinə yüksələcək. Cəza üzündən bosniyalılar ilk oyunda Muhammed Beşiç, irlandiyalılar Xon Oşi və Conatan Uoltersin xidmətindən məhrumdu. AVRO-2000-nin pley-offunda qarşılaşan Ukrayna və Sloveniya isə 16 il sonra üz-üzə gələcək. Postsovet məkanı təmsilçisi indiyədək məğlub edə bilmədiyi rəqiblə oyunlarda sindromu qırmağa çalışacaq. Tarixi ərzində 4 dəfə pley-offda uduzan ukraynalılar görüşə 2 itki ilə çıxacaq. Belə ki, Aleksandr Kuçer və Taras Stepanenko cəza səbəbindən ilk matçı buraxacaq. Sloveniya isə hər dəfə adladığı pley-offdakı uğurlu seriyanın davamını gətirmək istəyir. Pley-offun şimal derbisində isə İsveçlə Danimarka qarşılaşacaq. İlk oyuna cəzasız çıxacaq rəqiblərin qarşıdurması zəngin tarixə malikdi. Belə ki, komandalar indiyədək 104 dəfə qarşılaşıb. 1992-ci ildə qitə çempionu olan danimarkalılar İsveçdə qazanılan titula gedən yolda yeganə məğlubiyyəti meydan sahiblərindən almışdı. Şimallılar ilk matça cəzalı futbolçusu olmadan çıxacaq.
İlk oyunlar
12 noyabr
23:45. Norveç - Macarıstan
13 noyabr
23:45. Bosniya və Herseqovina - İrlandiya
14 noyabr
21:00. Ukrayna - Sloveniya
23:45. İsveç - Danimarka
Cavab oyunları
15 noyabr
23:45. Macarıstan - Norveç
16 noyabr
23:45. İrlandiya - Bosniya və Herseqovina
17 noyabr
21:00. Sloveniya - Ukrayna
23:45. Danimarka - İsveç




 
Bölməyə aid digər xəbərlər
21.09.2019
Azərbaycanın qrup komandası Olimpiya Oyunları-2020 üçün lisenziya qazanıb
21.09.2019
İngiltərə Premyer Liqası: “M.Siti” “Vatford”un qapısına səkkiz cavabsız top vurub
21.09.2019
Azərbaycan voleybolçusu karyerasını Yaponiyada davam etdirəcək
21.09.2019
Cüdoçumuz Leyla Əliyeva Özbəkistanda gümüş medal qazanıb
21.09.2019
Real-da Zidanı əvəzləməyə 3 namizəd

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10895

1 Müəllimlərin təkmilləşdirilməsi üçün təlimlər keçiriləcək
2 В Великобритании перешли на систему образования СССР
3 Vilayət Eyvazov sərəncamda olan rəisə vəzifə verdi
4 “Bəzi belarus tələbə qızlar artıq Azərbaycana gəlin köçməyə hazırlaşırlar”
5 “Siyasi partiyaların bir araya gəlməsi müsbət qiymətləndiriləsi hadisədir”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info