“Diplomatic Star”: “Azərbaycan əsas nəqliyyat qovşağına çevrilib”
Tarix: 12.11.2015 | Saat: 18:08:00 | E-mail | Çapa göndər


Pakistanın “Diplomatic Star” jurnalının noyabr buraxılışında Azərbaycanın İslamabaddakı səfiri Daşqın Şikarovun müsahibəsi dərc olunub.
Səfirlikdən verilən məlumata görə, jurnalın baş redaktoru Raca Əmir Mahmud Batti tərəfindən “Azərbaycanla Pakistan arasında çox böyük ticarət potensialı mövcuddur” başlığı ilə verilən müsahibədə Azərbaycan-Pakistan əlaqələri, iqtisadi əməkdaşlıq, investisiya mühiti, Dağlıq Qarabağ münaqişəsi və digər mövzularla bağlı suallara cavab verilib.
Pakistan prezidenti Məmnun Hüseynin Azərbaycana səfəri zamanı imzalanan bəyanat və müqavilələr barədə sualı cavablandıran D. Şikarov səfərin ikitərəfli münasibətlər baxımından önəmli mərhələ olduğunu, “Strateji Müttəfiqliyə dair” birgə bəyanat verildiyini, Azərbaycan Diplomatik Akademiyası ilə Pakistan Xarici Xidmət Akademiyası arasında və Azərbaycan Tibb Universiteti ilə ZAB Tibb Universiteti arasında anlaşma memorandumları imzalandığını, eyni zamanda Bakıda hər iki ölkənin aparıcı biznes dairələrinin iştirakı ilə biznes forumun keçirildiyini qeyd edib. Səfir səfərin siyasi, iqtisadi və humanitar əlaqələrin dərinləşməsinə töhfə verdiyini vurğulayıb.
Azərbaycanın iqtisadi inkişafı və xarici investisiya mühiti, habelə ikitərəfli iqtisadi əlaqələrin hazırkı vəziyyətinə toxunan D. Şikarov ölkəmizin xarici investisiya üçün əlverişli şərait yaradan, liberal investisiya siyasəti yeritdiyini, tanınmış transmilli şirkətlərin ölkəmizdə fəaliyyət göstərdiyini, fiziki və hüquqi şəxslərin qeydiyyatı və xarici valyuta dövriyyəsinə heç bir məhdudiyyət qoyulmadığını bildirib, Pakistan investorlarını Azərbaycana sərmayə qoymağa çağırıb.
Səfir Azərbaycanın eyni zamanda əsas nəqliyyat qovşağına çevrildiyini qeyd edərək, Bakı-Tiflis-Qars dəmiryolu xəttinin istifadəyə verilməsi ilə yüklərin Şərqdən Qərbə daşınmasının asanlaşması ilə yanaşı Azərbaycan iqtisadiyyatına töhfə verəcəyini bildirib. Diplomat müsahibəsində inkişafa başlıca maneənin tarixən Azərbaycan əraziləri olan Dağlıq Qarabağ münaqişəsi olduğunu, ədalətin bərpası və BMT TŞ qətnamələrinin icrasının Azərbaycanın və bütün regionun inkişafına çox böyük təsir göstərəcəyini diqqətə çatdırıb.
Müsahibədə səfir qeyd edib ki, iqtisadi əlaqələr hələlik siyasi münasibətlərin səviyyəsinə çatmasa da, gələcəkdə iki ölkənin iqtisadi əlaqələrinin genişlənəcəyinin əlamətlərini görmək olur. Onun sözlərinə görə, investorların artan marağı bunu şərtləndirib, eləcə də Pakistan prezidentinin Azərbaycana səfəri zamanı hər iki ölkənin iş adamlarının iştirakı ilə keçirilən ikitərəfli biznes forum iqtisadi münasibətlərin güclənməsinə təkan verib.
2015-ci ilin sentyabr ayının 30-dan etibarən İslamabad-Bakı birbaşa təyyarə reysinin həyata keçirilməsinin Azərbaycan-Pakistan siyasi və ticarət əlaqələrinin təkmilləşməsinə təsirini vurğulayan səfir bu amilin həm ticarət əlaqələrinə, həm də iki ölkə xalqlarının rabitəsinə müsbət təsir edəcəyini bildirib.
Müdafiə sahəsində əməkdaşlıq imkanlarına gəldikdə D. Şikarov bu sahənin ikitərəfli əməkdaşlıq üçün zərurətindən, böyük potensialından danışıb, müdafiə əməkdaşlığının gələcəkdə daha da güclənəcəyinə əminliyini ifadə edib.
Jurnalistlərin Heydər Əliyev Fondunun Pakistanda reallaşdırdığı xeyriyyəçilik layihələri, fondun iş sahəsi, habelə gələcək planları ilə bağlı suallarını cavablandıran səfir Heydər Əliyev Fondunun 2005-ci ildə Pakistanda baş verən dəhşətli zəlzələdən dərhal sonra bu ölkədə fəaliyyətə başladığı, Müzəffərabadda 500 şagirdin təhsil aldığı qızlar məktəbi inşa etdiyi barədə məlumat verib. Səfir vurğulayıb ki, Heydər Əliyev Fondunun Pakistanın bütün əyalətlərində və bölgələrində mütəmadi olaraq apardığı xeyriyyəçilik işləri bu gün də davam edir. Bu fəaliyyət Pakistanın müxtəlif əyalətlərini, hətta Dera İsmayıl Xan, Tank, Lakki Marvat kimi ucqar bölgələri də əhatə edir. Səfir qeyd edib ki, Fondun prezidenti, Azərbaycanın birinci xanımı Mehriban Əliyevanın Pakistan prezidenti Məmnun Hüseyn tərəfindən “Hilal-e Pakistan” ali ordeni ilə təltif olunması onun bu fəaliyyətinin Pakistanda yüksək qiymətləndirildiyini göstərir.
Dağlıq Qarabağ münaqişəsinin həlli, Pakistan və Azərbaycanın Qarabağ və Kəşmir məsələlərində bir-birinə dəstəyinə dair suala cavabında səfir 1994-cü ildən ATƏT-in Minsk qrupunun vasitəçiliyi ilə aparılan danışıqların bir nəticə vermədiyini, Azərbaycan rəhbərliyinin humanizm prinsipləri və dinc yollarla münaqişənin həllinə çalışdığını diqqətə çatdırıb. O, Pakistanın birmənalı olaraq bu məsələdə Azərbaycanı dəstəklədiyini, Azərbaycan torpaqlarını işğal etdiyi üçün Ermənistanı bir dövlət kimi tanımadığını, Pakistan Senatının 1 fevral 2012-ci il tarixli qətnaməsi ilə Xocalı Soyqırımını rəsmən tanıdığını və bu cinayəti törədənlərin məsuliyyətə cəlb olunmasının vacibliyini, həmçinin, Azərbaycanın ərazi bütövlüyünü dəstəklədiyini vurğulayıb: “2013-cü ilin oktyabrında Pakistan Senatının daimi komitəsi daha bir qətnamə ilə ölkəmizin Azərbaycanın ərazi bütövlüyünü təsdiq edib. Bununla da Pakistan beynəlxalq normalara uyğun davrandığını və Azərbaycanla həmrəy olduğunu sübut edib. Azərbaycan hər zaman Kəşmir məsələsinin beynəlxalq normalar əsasında, BMT Təhlükəsizlik Şurası qətnamələrinə uyğun həll edilməsinə tərəfdar olmuş, bu yaxınlarda BMT Baş Assambleyasının iclası zamanı Nyu-Yorkda keçirilən İƏT Kəşmir Əlaqə Qrupunun görüşündə iştirak edib”.
Səfir Pakistandakı fəaliyyəti zamanı ikitərəfli əlaqələrin bütün sahələr üzrə inkişafına çalışdığını, müasir dünyada xalqlar və dövlətlərin münasibətlərində xalq diplomatiyasından praqmatik və təsirli istifadə olunmasına inandığını bildirib.
Tural TAĞIYEV




 
Bölməyə aid digər xəbərlər
18.11.2018
Dünyanın heç bir ölkəsində qanunsuz, icazəsiz mitinq keçirməyə yol verilmir
17.11.2018
Milli Dirçəliş Günü ilə bağlı icazəsiz aksiya keçirməkdə məqsəd təxribat törətmək və ara qarışdırmaqdır
16.11.2018
Ermənistan yaxın zamanlarda KTMT-də tamamilə təklənəcək
16.11.2018
Rəsmi Paris Azərbaycanın işğal olunmuş ərazilərindən Fransaya qanunsuz səfərlərin qarşısını almalıdır
16.11.2018
Razılaşmanın düzgün və milli mənafelərə uyğun olduğunu düşünürəm

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
“Ümumiyyətlə, dağıdıcı müxalifət qrupları həmişə şou düzəltməklə gündəmdə qalmağa çalışıblar. Onların 17 noyabr Milli Dirçəliş günü ərəfəsində qanunsuz olaraq Şəhidlər Xiyabanında keçirməyə cəhd göstərdikləri aksiya da bunun bariz nümunəsidir”. Trend-in məlumatına görə, bu fikirləri Yeni Azərbaycan Partiyası Siyasi Şurasının üzvü, “İki Sahil” qəzetinin baş redaktoru Vüqar Rəhimzadə səsləndirib. Baş redaktorun fikrincə, sözügedən aksiya dağıdıcı müxalifətin sosial bazasının olmadığını bir daha ortaya qoyub: “Bütövlükdə hesab edirəm ki, qanuna zidd olaraq atılan hər bir addımın qanun çərçivəsində qarşısı alınmalıdır. Dünyanın heç bir ölkəsində qanunsuz, icazəsiz mitinq keçirməyə yol verilmir. Təbii ki, bu aksiya Azərbaycanda da baş tutmadı. Bəs nəyə görə, bu adamlar onlar üçün ayrılan yerlərdə deyil, məhz şəhərin mərkəzində öz aksiyalarını keçirməyə cəhd edirlər? Bunun başlıca səbəbi odur ki, İctimai Palatanın sosial bazası yoxdur və ətraflarına heç kəsi cəlb edə bilmir. Onlar qəsdən insanların istirahət hüquqlarını, şəhərdə asayişi pozurlar. Hesab edirəm ki, bu kimi halların qarşısı qətiyyətlə alınmalıdır”. V.Rəhimzadə bildirib ki, qanunsuz piket və mitinqlərə heç zaman yol verilməyəcək: “Təəssüf ki, özlərini yalnız ümummilli bayram və xalqımız üçün önəmli olan tarixi günlərdə yada salmaqdan başqa heç bir normal siyasi fəaliyyətlə məşğul olmayan bəzi radikal şəxslər Milli Dirçəliş Günündə də şou göstərməkdən əl çəkməyiblər. Şəhidlər Xiyabanını və müqəddəs şəhidləri ziyarəti öz siyasi məqsədlərinə tabe etməyə çalışmaq isə birmənalı qarşılana bilməz. Onların bir illik hakimiyyətləri dövründə, yəni 1990-ci illərin əvvəllərində Azərbaycan xalqının başına gətirdikləri bəlalar, müsibətlər hələ də gözlərimiz önündədir. Bu çox da uzaq tarixi keçmiş deyil. Onlar həmin dövrdə insanları haqsız yerə döyür, təhqir edir, aclıqla imtahana çəkirdilər. Bu gün də Əli Kərimli, Cəmil Həsənli kimi adamların kim olduqlarını hər kəs çox aydın görür. Bunlar öz şəxsi maraqlarını xalqın, millətin maraqlarından daim uca tutublar. Bu insanlar öz varlıqlarını, həyatda olduqlarını sübut etmək üçün cılız şou düzəltməkdə görürlər. Onları görərkən gülməli lətifələr yada düşür. Azərbaycan dövləti güclü və qüdrətlidir. Ölkədə mövcud olan xalq-iqtidar birliyi əbədidir. Bu birliyi belə mənasız cəhdlər sarsıda bilməz”. Baş redaktor əlavə edib ki, çox təəssüf ki, radikal müxalifət mətbuatı bu gün azad sözə yad olan prinsiplər çərçivəsində fəaliyyət göstərməyə üstünlük verir: “Onların yazdıqları ictimai rəyi çaşdırmağa hesablanmış sofistikadır. Müxalifət mətbuatı yalan üzərində qurulub. Onlar cəmiyyətdə hər şeyi yalnız qara rəngə boyayır, Azərbaycan hakimiyyətinin hansısa problemin aradan qaldırılmasına yönəlmiş addımına kölgə salmağa cəhd edirlər. Hesab edirəm ki, bu, peşə etikasına hörmətsizlikdən başqa bir şey deyil”.
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10497

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


18.11 15:39 “Ümumiyyətlə, dağıdıcı müxalifət qrupları həmişə şou düzəltməklə gündəmdə qalmağa çalışıblar. Onların 17 noyabr Milli Dirçəliş günü ərəfəsində qanunsuz olaraq Şəhidlər Xiyabanında keçirməyə cəhd göstərdikləri aksiya da bunun bariz nümunəsidir”. Trend-in məlumatına görə, bu fikirləri Yeni Azərbaycan Partiyası Siyasi Şurasının üzvü, “İki Sahil” qəzetinin baş redaktoru Vüqar Rəhimzadə səsləndirib. Baş redaktorun fikrincə, sözügedən aksiya dağıdıcı müxalifətin sosial bazasının olmadığını bir daha ortaya qoyub: “Bütövlükdə hesab edirəm ki, qanuna zidd olaraq atılan hər bir addımın qanun çərçivəsində qarşısı alınmalıdır. Dünyanın heç bir ölkəsində qanunsuz, icazəsiz mitinq keçirməyə yol verilmir. Təbii ki, bu aksiya Azərbaycanda da baş tutmadı. Bəs nəyə görə, bu adamlar onlar üçün ayrılan yerlərdə deyil, məhz şəhərin mərkəzində öz aksiyalarını keçirməyə cəhd edirlər? Bunun başlıca səbəbi odur ki, İctimai Palatanın sosial bazası yoxdur və ətraflarına heç kəsi cəlb edə bilmir. Onlar qəsdən insanların istirahət hüquqlarını, şəhərdə asayişi pozurlar. Hesab edirəm ki, bu kimi halların qarşısı qətiyyətlə alınmalıdır”. V.Rəhimzadə bildirib ki, qanunsuz piket və mitinqlərə heç zaman yol verilməyəcək: “Təəssüf ki, özlərini yalnız ümummilli bayram və xalqımız üçün önəmli olan tarixi günlərdə yada salmaqdan başqa heç bir normal siyasi fəaliyyətlə məşğul olmayan bəzi radikal şəxslər Milli Dirçəliş Günündə də şou göstərməkdən əl çəkməyiblər. Şəhidlər Xiyabanını və müqəddəs şəhidləri ziyarəti öz siyasi məqsədlərinə tabe etməyə çalışmaq isə birmənalı qarşılana bilməz. Onların bir illik hakimiyyətləri dövründə, yəni 1990-ci illərin əvvəllərində Azərbaycan xalqının başına gətirdikləri bəlalar, müsibətlər hələ də gözlərimiz önündədir. Bu çox da uzaq tarixi keçmiş deyil. Onlar həmin dövrdə insanları haqsız yerə döyür, təhqir edir, aclıqla imtahana çəkirdilər. Bu gün də Əli Kərimli, Cəmil Həsənli kimi adamların kim olduqlarını hər kəs çox aydın görür. Bunlar öz şəxsi maraqlarını xalqın, millətin maraqlarından daim uca tutublar. Bu insanlar öz varlıqlarını, həyatda olduqlarını sübut etmək üçün cılız şou düzəltməkdə görürlər. Onları görərkən gülməli lətifələr yada düşür. Azərbaycan dövləti güclü və qüdrətlidir. Ölkədə mövcud olan xalq-iqtidar birliyi əbədidir. Bu birliyi belə mənasız cəhdlər sarsıda bilməz”. Baş redaktor əlavə edib ki, çox təəssüf ki, radikal müxalifət mətbuatı bu gün azad sözə yad olan prinsiplər çərçivəsində fəaliyyət göstərməyə üstünlük verir: “Onların yazdıqları ictimai rəyi çaşdırmağa hesablanmış sofistikadır. Müxalifət mətbuatı yalan üzərində qurulub. Onlar cəmiyyətdə hər şeyi yalnız qara rəngə boyayır, Azərbaycan hakimiyyətinin hansısa problemin aradan qaldırılmasına yönəlmiş addımına kölgə salmağa cəhd edirlər. Hesab edirəm ki, bu, peşə etikasına hörmətsizlikdən başqa bir şey deyil”.
© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info