“Faynanşl Tayms”: “Avropa İttifaqında bank sisteminin iflası, avronun çöküşü timsalında iqtisadi fəlakət baş verə bilər”
Tarix: 14.02.2013 | Saat: 16:58:00 | E-mail | Çapa göndər


“Yunanıstan, İtaliya, Portuqaliya kimi ölkələrdə baş verənlər göstərir ki, Avropanın sosial-demokrat sistemi ağır zərbə alıb”

Britaniyanın “Faynanşl Tayms” nəşrin də Avropa ölkələrini cənginə alan iqtisadi böhran dalğası ilə bağlı maraqlı yazı dərc edilib. Qideon Raxman adlı müəllifin təqdim etdiyi məqalədə qeyd edilir ki, Avropada iqtisadiyyatın genişmiqyaslı bərpası ilə bağlı səsləndirilən fikirlərə inanmaq mümkün deyil:
“Əslində vəziyyət çox çətindir. Qarşıdakı aylarda vəziyyət daha da ağırlaşa, Avropa bank sisteminin iflası, avronun çöküşü timsalında real iqtisadi fəlakət baş verə bilər. Avrozonada böhran üç istiqamətdə gedir-siyasi, iqtisadi, maliyyə. Bunların birində baş verən böhran avtomatik olaraq digər ikisinə təsir edir. Maliyyə təhlükəsi qismən aradan qalxıb. Avropa Mərkəzi Bankının prezidenti cənab Draqi «mümkün olan hər şeyi» edəcəyini vəd edib. Amma vədlər heç də onun yerinə yetiriləcəyinə təminat vermir. Doğrudur, maliyyə problemi kəskin şəkildə gündəmdə dayanmır, amma o, heç yerə yoxa çıxmayıb. İspaniya və İtaliya kimi ölkələrin maliyyələşməsinə olan ehtiyac çox böyükdür. Maliyyə çətinliyi ucbatından İtaliya, İspaniya, Yunanıstan, İrlandiya kimi ölkələr çox əziyyət çəkir. İqtisadiyyatı 25 faiz azalan Yunanıstan buna rəğmən, avro zonasından çıxmadı, ölkədə faşist və ya kommunist hakimiyyətə gəlmədi. İspaniya və İtaliyada isə əhval-ruhiyyə çox pisdir. İtaliya İkinci Dünya müharibəsindən sonra ən ağır tənəzzül günlərini yaşayır. İspaniyada isə işsizlik artıq 26 faizə yüksəlib. Bu iki ölkənin iqtisadi bərpası yaxın zaman üçün real deyil, onlarda sosial və siyasi silkələnmə təhlükəsi aradan qalxmayıb. Fransua Olland sürətlə populyarlığını itirsə də, Fransa iqtisadi böhran təhlükəsinə görə o qədər də ciddi narahatlıq keçirmir. Ən aktual məsələ iqtisadi böhranın siyasi müstəviyə keçməsidir. Fevralın 24-də İtaliyada seçkilər keçiriləcək və çox güman ki, Mario Monti qələbə qazanacaq. Əgər Berluskoni yenidən hakimiyyətə qayıdarsa, onda Avropa böyük xoşagəlməz hallarla qarşılaşacaq. İspaniyadakı vəziyyət də yaxşı heç nə vəd etmir. Sorğuların nəticələri göstərir ki, ispanların 80 faizi adı korrupsiya qalmaqalına qarışan baş nazir Mariano Raxoyun istefasını tələb edir. Bu ölkədə gənclər arasında işsizliyin 50 faizə yüksəldiyini, bəzi regionlarda separatizm hallarının olduğunu nəzərə alsaq, onda çətin ki yeni hökumət mərkəzləşməni və cəlbediciliyi qoruya bilsin. İspaniya və İtaliyadakı siyasi böhran Avropa bazarlarına da ciddi zərbə vurur. Avropa yaxın zamanlarda Kiprin xilasına tələsməlidir. Amma Rusiyanın çirkli pullarının yuyulmasında adı hallanan Kiprə münasibətdə Almaniya Bundestaqının deputatları heç də müsbət yanaşmırlar. Yunanıstan, İtaliya, Portuqaliya kimi ölkələrdə baş verənlər göstərir ki, Avropanın sosial-demokrat sistemi ağır zərbə alıb. Qarşıda Avropanı iqtisadi çətinlik və siyasi qeyri-sabitlik gözləyir. Liderlərin bizi bu böhrandan çıxarmaq üçün dəqiq proqramı yoxdur”.
Anar MIRIYEV




 
Bölməyə aid digər xəbərlər
19.01.2019
Türkiyə hərbçiləri Suriyada “YPG“ terrorçularına layiqli cavab veriblər
18.01.2019
Berlin: Moskva “Şimal axını-2” layihəsinin tikintisini müstəqil şəkildə başa çatdırmağa qadirdir
18.01.2019
İtaliya Suriyada yenidən səfirliyini aça bilər
18.01.2019
İran ABŞ-dan Press TV-nin jurnalistini təcili azadlığa buraxmağı tələb edir
17.01.2019
Xaricdəki soydaşlarımız 20 Yanvar şəhidlərinin ildönümünü qeyd edirlər

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info