Bakıda gömrüklə bağlı ikigünlük seminar keçirilir
Tarix: 13.11.2015 | Saat: 17:23:00 | E-mail | Çapa göndər


Bu gün Ümumdünya Gömrük Təşkilatının Bakıdakı Potensialın Gücləndirilməsi üzrə Avropa Regional Ofisində “Biznes subyektləri üçün əlverişli şərait yaradılması məqsədilə gömrük prosedurları və əməliyyatları üzrə tətbiq edilən sadələşdirmələr” mövzusuna dair seminar işə başlayıb.
Seminar iki gün davam edəcək. Seminarın ilk günündə çıxış edən Dövlət Gömrük Komitəsinin Gömrük Nəzarəti Təşkili Baş İdarəsinin rəisi Cavad Qasımov gömrük sahəsində görülən işlər barədə ətraflı məlumat verib.
O, aparılan uğurlu işlər sayəsində gömrük proseduraları və əməliyyatlarının sadələşdirildiyini, bunun həm bu sahədə çalışanlar, həm də vətəndaşlar üçün qənaətbəxş olduğunu vurğulayıb: “Maddi-texniki bazanın yenilənməsi, kadr potensialının peşəkarlığının artırılması, gömrük-biznes əməkdaşlığında yeni istiqamətlər işimizin əsasını təşkil edir. O cümlədən, mütəmadi olaraq bu cür seminarların keçirilməsi tərəfimizdən aparılan islahatların təqdimatı xarakteri daşıyır. İndiyədək tərəfimizdən 40-a yaxın normativ hüquqi aktın qəbuluna nail olmağımız da bu sahədəki uğurlarımızdandır”.
C. Qasımov bildirib ki, gömrük orqanlarına işə qəbul olunmaq istəyənlər üçün də bu cür seminarlar təşkil olunub: “Son iki ildə isə Dövlət Gömrük Akademiyasında gələcək gömrükçülər yetişir. Biznes subyektləri ilə əməkdaşlığın genişləndirilməsində bu cür seminarların keçirilməsi vacibdir”.
O vurğulayıb ki, seminarın birinci günündə bəyannamə proseduru barədə məlumat veriləcək, tədbirin ikinci günündə isə idxal-ixrac əməliyyatları, gömrük-keçid məntəqələrində sərhəd məsələləri müzakirə olunacaq: “Sərhədlərdə infrastrukturun genişləndirilməsi üçün əlverişli işlər görülüb. Malların əsas hissəsi 20 dəqiqədən az bir vaxtda gömrük nəzarət xidmətindən keçir. Bu məsələnin daimi nəzarətdə saxlanması, müəyyən olunan vaxt ərzində reallaşdırılması hər zaman diqqət mərkəzindədir”.
Seminarda gömrük bəyannaməsi mövzusunda təqdimat olub. Gömrük Nəzarəti Təşkili Baş İdarəsinin əməkdaşı Cəfər Quluzadə “Bəyannamə proseduru” mövzusunda çıxış edib, sualları cavablandırıb.
Daha sonra “Gömrük əməliyyatları və prosedurları”, “Gömrük sərhəd keçid proseduru. Prosedurun sadələşdirilməsi üsulları” mövzusunda dinləmələr olub.
Seminarın ikinci günündə isə “Daşıyıcının və bəyannaməçinin məsuliyyəti”, “Gömrük orqanlarında risklərin idarə edilməsi”, “Gömrük ödənişlərinin hesablanılması, tətbiqi və ödənilməsi prosesi”, “Malın gömrük dəyərinin, XİFMN üzrə kodunun, mənşə ölkəsinin və mala dair digər məlumatların düzgün müəyyən edilməsinin gömrük ödənişlərinin tətbiqinə təsiri” mövzusunda dinləmələr olacaq.
Tural




 
Bölməyə aid digər xəbərlər
24.09.2018
Səyyar ASAN xidmət davam edir
24.09.2018
Leyla Əliyeva “Beynəlxalq Sülh Günü”nə həsr olunmuş tədbirə qatılıb
23.09.2018
Səkkiz ayda hər bir sakin 554,5 manatlıq ödənişli xidmətlərdən istifadə edib
21.09.2018
Bakı metropoliteni tarixinin ən böyük sosial layihəsinə start verilir
20.09.2018
Ağdamda keçirilən əmək yarmarkasında 75 nəfərə işə göndəriş verilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10136

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info