Tələbə və məzunlar üçün iş şansı
Tarix: 17.11.2015 | Saat: 18:56:00 | E-mail | Çapa göndər


Əmək və Əhalinin Sosial Müdafiəsi Nazirliyinin fəaliyyətində gənclərin, o cümlədən ali təhsil müəssisələrinin yuxarı kurs tələbələrinin və məzunlarının əmək bazarına inteqrasiyasının dəstəklənməsi və səmərəli məşğulluğunun təmin olunması mühüm yer tutur. Bu istiqamətdə tədbirlərin davamı olaraq, nazirlik yanında Dövlət Məşğulluq Xidməti tərəfindən “Karyerada ilk addım” devizi altında Turizm Universitetində aktiv məşğulluq tədbiri keçirilib. Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin rəisi Anar Bədəlbəyli bildirib ki, Azərbaycan Respublikası Prezidentinin sərəncamı ilə təsdiq edilmiş “Azərbaycan Respublikasının Məşğulluq Strategiyasının həyata keçirilməsi üzrə 2011-2015-ci illər üçün Dövlət Proqramı”nda nəzərdə tutulan vəzifələrdən biri də gənclərin məşğulluğunun artırılmasıdır. Bununla bağlı olaraq, Xidmət tərəfindən həyata keçirilən aktiv məşğuluq tədbirlərində gənclərin iştirakına xüsusi önəm verilir. Xidmət rəisi diqqətə çatdırıb ki, təkcə cari ilin 9 ayında məşğulluq orqanları tərəfindən münasib işlə təmin olunanların 41 faizini (9235 nəfər), peşə hazırlığı və əlavə təhsil kurslarına cəlb edilənlərin 75,4 faizini (2094 nəfər), Əmək birjaları vasitəsilə müvəqqəti işlərə göndərilənlərin 45 faizini (1389 nəfər) məhz gənclər təşkil edib. Həmçinin bu dövrdə 72857 nəfər gəncə gələcəkdə düzgün peşə seçiminə köməklik üçün peşəyönümü məsləhətlərinin verildiyi bildirilib. “Karyerada ilk addım” devizi altında keçirilən bu tədbirlərin də əsasən gənclərdən ibarət olan tələbə və məzunların əmək bazarına çıxışına şərait yaradılması məqsədinə yönəldiyi diqqətə çatdırılıb.
Tədbirdə iştirak edən mədəniyyət və turizm nazirinin müavini Nazim Səmədov belə tədbirlərin əmək fəaliyyətinə başlamaq ərəfəsində olan gənclərimiz üçün xüsusi önəmini vurğulayıb. O bu aktiv məşğulluq tədbirinin universitetin tələbə və məzunlarının əmək bazarında iştirak imkanlarına yiyələnmələrində mühüm rol oynayacağına və onların uğurlu karyeralarının başlanğıcı ola biləcəyinə əminliyini ifadə edib.
Aktiv məşğulluq tədbirində 55-i özəl, 4-ü dövlət sektoruna aid ümumilikdə 59 müəssisə tərəfindən 262 boş (vakant) iş yeri tələbə və məzunların seçiminə təqdim edilib. Boş iş yeri təqdim edilən müəssisələrin nümayəndələrinin də iştirak etdiyi tədbirdə tələbə və məzunlar işəgötürənlərlə ünsiyyət imkanı əldə edərək, mövcud əmək bazarı və əmək bazarında onların yiyələndikləri ixtisaslara olan tələbat barədə məlumatlanıblar. Onlar gələcəkdə işləmək istədikləri müəssisələrin nümayəndələrinə özləri barədə şəxsi məlumatları (CV) təqdim ediblər. Tədbir işəgötürənlər üçün də faydalı olub və onlar gələcəkdə bu və ya digər ixtisaslar üzrə işə qəbul edəcəkləri kadrların seçimini aparmaq imkanı qazanıblar. Təklif olunan boş iş yerlərinə göndərişlər verilməklə bərabər, ixtisasartırma kurslarına və ya boş vaxtları ərzində Əmək birjası vasitəsilə müvəqqəti xarakterli işlərdə çalışmaq istəyənlər qeydiyyata alınıb.
Cari ildə Dövlət Məşğulluq Xidməti 6 ali təhsil müəssisəsində “Karyerada ilk addım” devizi altında aktiv məşğulluq tədbirləri keçirib. Bu tədbirlərdə 254 nəfər gəncə boş iş yerlərinə göndəriş verilib, 1447 nəfər tələbə və məzundan CV-lər qəbul olunub. Respublikamızın ali təhsil ocaqlarında “Karyerada ilk addım” devizi altında tədbirlər qarşıdakı dövrdə də davam etdiriləcək.


Qorqud




 
Bölməyə aid digər xəbərlər
19.03.2019
Məcburi köçkün qəsəbələrində Novruz şənlikləri keçirilib
19.03.2019
Qaradağda bayram münasibəti ilə aztəminatlı ailələrə yardım edilib
18.03.2019
Müharibə əlilləri və onlara bərabər tutulanlar üçün bu il əlavə 400-dən çox avtomobil alınıb veriləcək
18.03.2019
Övladlığagötürmə ilə bağlı yeni Qaydaların layihəsi hazırlanır
18.03.2019
Aprelin 1-dən yaşa görə müavinətlər 80 faizə yaxın artırılacaq

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10698

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info