Xəzər Dəniz Gəmiçiliyi Həştərxanda daimi nümayəndəlik açıb
Tarix: 18.11.2015 | Saat: 00:42:00 | E-mail | Çapa göndər


“Azərbaycan Xəzər Dəniz Gəmiçiliyi” qapalı səhmdar cəmiyyəti Həştərxanda daimi nümayəndəlik açıb. Vilayət qubernatorunun rəsmi saytından verilən məlumata görə, təntənəli mərasimdən sonra Həştərxan vilayətinin qubernatoru Aleksandr Jilkin ilə şirkətin sədri Rauf Vəliyevin görüşü olub.
R.Vəliyevin sözlərinə görə, onun təmsil etdiyi şirkət bu regionla qarşılıqlı fəaliyyət üçün maksimum imkanları, o cümlədən “Lotos” xüsusi iqtisadi zonası ilə bağlı layihələrdə iştirak məsələlərini nəzərdən keçirəcək. Gəmiçiliyin həm limanlar arasında tranzit gediş-gəlişdə, həm də Xəzərin şimalında həyata keçirilən layihələrində iştirakının mümkünlüyü araşdırılacaq. Həştərxan vilayətinin qubernatoru Aleksandr Jilkin qeyd edib ki, regionun Azərbaycanla əlaqələri fəal inkişaf edir və bu məsələdə Prezident İlham Əliyevin böyük xidmətləri var. Qubernator bu əməkdaşlığın möhkəmlənməsində Azərbaycan diasporunun və Rusiyanın Azərbaycanlı Gənclər Birliyinin xüsusi rolunu qeyd edib. Regionun rəhbəri vurğulayıb ki, Həştərxanda Azərbaycan biznesi üçün maraq doğura biləcək bir sıra başqa sahələr var. Xəzəryanı bazara istiqamətlənmiş “Lotos” azad iqtisadi zonası rezidentlərə müxtəlif güzəştlər təqdim edəcək. R.Vəliyev qeyd edib ki, Xəzər Dəniz Gəmiçiliyi bir sıra qarşılıqlı faydalı sahələrin inkişafına töhfə verə bilər. Məsələn, müəssisəyə məxsus gəmilərin bir hissəsi Həştərxanda yerləşdiyi üçün həmin gəmilərin elə orada təmir edilməsi ilə bağlı xidmətlərə ehtiyac olacaq. Aleksandr Jilkin və Rauf Vəliyev Olya limanı vasitəsilə bərə rabitəsinin inkişaf etdirilməsi planlarını da müzakirə ediblər. Regionun rəhbəri Bakı-Həştərxan aviareysinin bərpa oluna biləcəyini qeyd edib. Aleksandr Jilkin deyib: “Həştərxan vilayəti ilə Azərbaycan arasında münasibətlərin səviyyəsi nəzərə alınmaqla gələn il həmin reysin bərpa edilməsi ehtimalı var”. Qubernatorun sözlərinə görə, Həştərxanın turizm operatorları yeni marşrutu mənimsəməyə, turistləri Azərbaycan kurortlarında istirahətə göndərməyə hazırdırlar.




 
Bölməyə aid digər xəbərlər
22.02.2019
İnnovasiyalar Agentliyinin Nizamnaməsi və Strukturu təsdiqlənib
22.02.2019
Dövlət Gömrük Komitəsi növbəti mediatur təşkil edib
22.02.2019
Naxçıvanda yeni Günəş Elektrik Stansiyası istifadəyə verilib
22.02.2019
Azərbaycanın turizm imkanları Moskvada təqdim olunub
22.02.2019
“Xocalıya ədalət“: İsraildə soyqırımı qurbanlarının anım günü keçirilib

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info