“Azərbaycan bizim üçün çox vacib tərəfdaşdır”
Tarix: 20.11.2015 | Saat: 18:06:00 | E-mail | Çapa göndər


“Biz hər il Rusiya ilə tranzit vasitəsilə qaz almaq barədə müqavilə imzalayırıq. Hər il biz belə bir müqaviləni yeniləyirik. Dekabr ayınadək hələ bizim vaxtımız var və biz bu barədə "Qazprom" ilə danışıqlar aparacağıq. Fikirləşirəm ki, hər şey yaxşı olacaq”.
Bu sözləri Gürcüstanın baş nazirinin birinci müavini, energetika naziri Kaxa Kaladze bildirib. Onun sözlərinə görə, Azərbaycan qazı Gürcüstan hakimiyyəti üçün prioritetdir: "Azərbaycan qazı nəinki bizim üçün prioritetdir, eləcə də Azərbaycan bir ölkə olaraq bizim strateji tərəfdaşımızdır. Biz Azərbaycan ilə uzun illərdir ki, birgə işləyirik, dostluq edirik, çox yüksək səviyyədə dostluq münasibətlərimiz var və bu yaxınlarda Azərbaycan Prezidenti İlham Əliyevin Gürcüstana rəsmi səfəri bunu sübut edir. Bizim onunla yüksək səviyyədə görüşlərimiz oldu və biz hər bir sahədə razılığa gəldik. Azərbaycanın qaz saxlanılması layihəsində iştirak etmək üçün böyük marağı var və biz gələn il Gürcüstanda bu layihənin tikintisinə başlayacağıq. Bir sözlə, Azərbaycan bizim üçün çox vacib tərəfdaşdır və bu dostluq münasibətləri davam edəcək".
Qeyd edək ki, Gürcüstanın kütləvi informasiya vasitələri "Qazprom" və Gürcüstan hakimiyyətinin son aylar danışıqlarını və Rusiya ilə qaz sahəsində münasibətlər qurmaq cəhdini siyasi qərar hesab edib. Bu xəbərə münasibət bildirən energetika naziri Kaxa Kaladze bunun yalan olduğunu bildirib: "Bu xəbər yalandır. Gürcüstanda "Milli Hərəkat" adlı müxalifət var və onlar çalışırlar ki, bu münasibətləri siyasi istiqamətə yönəltsinlər. Bu, düz deyil. Bu, təmiz kommersiya müqaviləsidir ki, biz Rusiya ilə hər il imzalayırıq. Biz müqavilə imzalayaraq əlavə qaz alırıq və bu istiqamətdə heç bir problem yoxdur".
Gürcüstanın energetika naziri Azərbaycan və Rusiya qazının qiymətini açıqlamayıb: "Bizdə hələ qiymətlər yoxdur və "Qazprom"dan bu barədə informasiya almamışıq, lakin ötən illərdə biz əlavə olaraq kommersiya qazı almışıq və onda Rusiya qazı Azərbaycan qazından bir qədər baha idi, lakin biz ölkənin daxilində qaz təchizatı üçün, kommersiya obyektləri üçün qaz lazım olduğu üçün "Qazprom"dan əlavə qaz aldıq".
Energetika naziri İrandan Ermənistandan keçməklə qaz boru çəkilişinə də münasibət bildirib: "Biz hələ gözləyirik ki, bu istiqamətdə İran ilə münasibətlərimiz necə olacaq, əlbəttə, əgər imkan olarsa, biz bu məsələni müzakirə edəcəyik".
Tural




 
Bölməyə aid digər xəbərlər
15.11.2018
Makron: “ABŞ-ın müttəfiqi olmaq vassal dövlət olmaq demək deyil”
15.11.2018
Seçkilər yaxınlaşdıqca Ermənistanda siyasi gərginlik artır
14.11.2018
Ermənistandakı bəzi siyasi qüvvələr parlament seçkilərində iştirakdan imtina edirlər
14.11.2018
Putin: “Rusiya müsəlman ölkələri ilə dostluq əlaqələrinin inkişafına böyük əhəmiyyət verir”
13.11.2018
Nazarbayev Asiyada Təhlükəsizlik və Əməkdaşlıq Təşkilatının yaradılmasını təklif edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10482

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info