“Əli Həsənovun KİV-lərə xəbərdarlığı dövlət maraqlarından irəli gəlib”
Tarix: 20.11.2015 | Saat: 18:23:00 | E-mail | Çapa göndər


“Ayrı-ayrı fərdlərin və media orqanlarının cəmiyyətə həqiqətə uyğun olmayan təxribat xarakterli məlumatlar ötürməsi təkcə bu günün mənzərəsi deyil”

Bəzi internet media orqanları ölkədəki mövcud söz və mətbuat azadlığından istifadə edərək əllərinə keçən hər hansı bir imkandan istifadə etməyə çalışırlar. Bu baxımdan son günlər bəzi internet media orqanlarında müxtəlif dövlət strukturları, onların rəhbərləri və əməkdaşları haqqında həqiqətə uyğun olmayan, əsassız, qərəzli, hətta şantaj xarakterli çoxsaylı məlumatlar yayılır. Təsadüfi deyil ki, bugünlərdə Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov da son zamanlar kütləvi informasiya vasitələrində sui-istifadə hallarının artması faktı ilə bağlı bildirib ki, belə məlumatlar yayan KİV-lər bununla öz tirajlarını artırmağa və mənfəət əldə etməyə çalışırlar və o, ölkə KİV-lərini, jurnalistləri daim məsuliyyətli olmağa, mövcud qanunvericiliyin tələblərinə əməl etməyə, KİV-lərin sərbəst fəaliyyəti üçün yaradılmış əlverişli şəraitdən sui-istifadə hallarına yol verməməyə çağırıb.
Ölkədəki alimlər, ziyalılar, ictimaiyyətin digər nümayəndələri də bəzi internet media orqanlarının bu cür fəaliyyəti ilə bağlı kəskin iradlarını bildirirlər.
“Ekonomiks” Beynəlxalq İqtisadi Araşdırmalar Birliyinin sədri, iqtisad elmləri doktoru, professor Fikrət Yusifov qəzetimizə bildirdi ki, Azərbaycan Respublikası Prezidentinin köməkçisi, Prezident Adminstrasiyasının ictimai-siyasi məsələlər şöbəsinin müdiri Əli Həsənovun KİV-lərin sərbəst fəaliyyəti üçün yaradılmış əlverişli şəraitdən sui-istifadə hallarına yol verən media orqanlarına ünvanladığı xəbərdarlıq, yaranmış vəziyyətə adekvat münasibətdir: “Biz vətəndaş cəmiyyətinin təmsilçisi olaraq Prezident köməkçisinin olduqca yerinə düşən reaksiyasını və bilavasitə dövlət maraqlarından irəli gələn mövqeyini dəstəkləyir, ifadə olunmuş narahatlığı bölüşürük”. F.Yusifov qeyd etdi ki, bəzi KİV-lərin davranışında həqiqətən də dövlətin maraqlarına xələl yetirəcək məqamlar var və bu proses təhlükəli bir istiqamətdə inkişaf edir: “Açıq şəkildə müşahidə olunur ki, məlum hadisələrdən sui-istifadə etməyə və ayrı-ayrı media qurumlarını öz oyunlarında alətə çevirməyə çalışanlar var. İstisna olunmamalıdır ki, cəmiyyətə yanlış informasiyalar ötürülməsində və bununla guya hakim komanda daxilində monolitliyin pozulduğuna dair təsəvvürlər yaradılmasında maraqlı olan qüvvələrin arxasında xarici dairələr də dayanıb. Mənşəyi bəlli olmayan, qeyri-rəsmi mənbələrə söykənən informasiyaları dərindən analiz etdikdə aydın görünür ki, yaranmış vəziyyəti “fürsət” bilən dairələr var və onlar sistemli şəkildə yalan informasiyalar hazırlayıb KİV-ə ötürürlər. Qətiyyən şübhə etməməliyik ki, bütün mümkün vasitələrdən istifadə etməklə ölkədəki sabitliyi pozmağa çalışan təxribatçı qüvvələr hazırda hüquq-mühafizə orqanlarının keçirdiyi əməliyyatların mahiyyəti barədə cəmiyyətə təhrif olunmuş informasiyalar ötürməklə vəziyyəti süni şəkildə gərginləşdirməyə çalışırlar. Yayılan təxribatçı xəbərlərin əsas tezislərinə diqqət etdikdə isə ana xəttə dayanan əsas fikirləri sezmək çətin olmur. Bu fikirlər insanlarda hakim komandanın bütün təmsilçiləri barədə ziyanlı qənaətlər yaratmağa yönəlib. Təəssüf edirik ki, bəzi KİV-lər bilərəkdən ya bilməyərəkdən həmin tezislərin tirajlanmasına yaxından iştirak edir və bununla dövlət maraqlarına xələl yetirdiklərinin fərqinə varmırlar. İndiki məqamda hansısa vəzifə sahibinə qarşı şəxsi qərəzi olanlar da xüsusi fəallıqla həmin məmurlar barədə yalan və böhtan dolu xəbərlərin yayılmasına maraq göstərirlər”.
F.Yusifovun sözlərinə görə, ayrı-ayrı fərdlərin və ya media orqanlarının cəmiyyətə həqiqətə uyğun olmayan, mənşəyi bilinməyən təxribat xarakterli məlumatlar ötürməsi təkcə bu günün mənzərəsi deyil: ““Ekonomiks” BİAB olaraq biz mətbuatdakı çıxışlarımızda dəfələrlə bu mövzunu qabartmışıq. İndi yeri gəlib deyə bir daha vurğulayırıq ki, sözün məsuliyyəti dərk olunmayana qədər ölkədəki söz azadlığı şəraitindən, KİV-lərə çıxış imkanlarının geniş olması faktından sui-istifadə halları aradan qalxmayacaq. Məgər biz təkcə indimi belə bir arzulanmaz vəziyyətlə üzləşmişik? Yox əlbəttə! Çox da uzağa getmədən təkcə bu ilin fevral ayındakı devalvasiya hadisəsini və onun ətrafında bəzilərinin mediada apardığı kampaniyaları yada salaq. İnsanlara çağırışlar edirdilər, əhaliyə ölkə iqtisadiyyatının guya tamamilə dağılmaq ərəfəsində olduğunu təlqin edib, bununla hamını valyutadəyişmə məntəqələrinin qarşısına yönəldərək süni növbələr yaratmağa çalışırdılar. İş o yerə çatmışdı ki, əlində cəmi 150-200 manatı olan adamlar da dollar almağa tələsirdilər. Həmin ərəfədə biz bu kimi çağırışları, məqsədli şəkildə yayılan informasiyaları birbaşa dövlətə qarşı yönəlmiş fəaliyyət kimi qiymətləndirib insanlarımızı təxribata uymamağa çağırmışdıq. O vaxt istədiklərinə nail ola bilməyənlər hazırda da analoji fəaliyyət formalarına keçiblər və öz çirkin əməllərini reallaşdırmaq üçün sözün məsuliyyətini dərk edə bilməyən bəzi jurnalistlər və saytlardan istifadə edirlər. Müşahidələrimiz göstərir ki, fevraldakı devalvasiya hadisəsi zamanı və ondan sonrakı dövrdə cəmiyyəti çaşdıran açıqlama və şərhlərlə çıxış edənlər yenidən aktivləşiblər. Sadəcə bu dəfə səylərini hakim komandanın üzvləri, yüksək çinli dövlət məmurları və səlahiyyət sahibləri barədə cəmiyyətdə yanlış təsəvvürlər yaratmağa yönəldiblər. Hətta çoxdandır səsi eşidilməyən, xarici ölkədə oturub burada ara qarışdırmağa çalışanlar da indi mətbuat səhifələrində görünməyə başlayıblar. Onlar həm sözügedən mövzuda, həm də manatın guya növbəti devalvasiyasının qaçılmaz olması barədə təxribat xarakterli açıqlamalar verir və bununla cəmiyyətdə süni gərginlik yaratmağa çalışırlar. Bütün imkanlarını dövlətin maraqlarına qarşı yönəltmiş bu adamlara imkan vermək olmaz ki, öz məqsədlərini rahat şəkildə reallaşdıra və istədikləri açıqlamaları mətbuat vasitəsilə yaya bilsinlər”.
F.Yusifov vurğuladı ki, media orqanları indiki məqamda məsələlərə olduqca həssas, əldə etdikləri hər bir informasiyaya xüsusi diqqətlə yanaşmalı və təxribatçı fikirlərinin tirajlanmasına imkan verməməlidirlər: “Hesab edirik ki, Prezident köməkçisi, Prezident Adminstrasiyasının ictimai-siyasi şöbəsinin müdiri cənab Əli Həsənovun KİV orqanlarına ünvanladığı xəbərdarlıq mövcud vəziyyətin tələblərinə tamamilə uyğundur və bundan nəticə çıxarılmalıdır. Ayrı-ayrı sabiq məmurların istintaqa cəlb olunması kiməsə əsas verə bilməz ki, böyük bir komandanın və onun üzvlərinin fəaliyyətinə kölgə salsın. Hər bir şəxs öz əməlinə görə özü cavab verməlidir və başqalarını buna görə ittiham hədəfinə gətirmək olmaz”.

Nigar Abdullayeva




 
Bölməyə aid digər xəbərlər
15.11.2018
Çavuşoğlu: “Star” neft emalı zavodu ilə Azərbaycan Türkiyədə ən böyük investor oldu”
15.11.2018
Bu gün Azərbaycan elminin əsas problemi – alimlərin məvaciblərinin aşağı olmasıdır
14.11.2018
Davamli dil siyasəti dövlətin əsas prioritet istiqaməti kimi
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10481

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info