Ölkəmiz Bratislavada Milad Xeyriyyə Bazarında iştirak edib
Tarix: 23.11.2015 | Saat: 21:01:00 | E-mail | Çapa göndər


Slovakiyanın paytaxtı Bratislava şəhərində Bratislava Beynəlxalq Qadınlar Klubunun təşkilatçılığı ilə sayca 24-cü Milad Xeyriyyə Bazarı keçirilib. Azərbaycan səfirliyinin Slovakiyadakı ofisi tərəfindən milli mətbəximizin çeşidli və ləziz nümunələri tədbirdə iştirak edən slovaklara və dünyanın müxtəlif ölkə və qitələrini təmsil edən çoxsaylı qonaqlara ayrıca masada təqdim edilib. Masanın təşkilinə Azərbaycanın “Gilan Holding” şirkəti dəstək verib və ölkəmizdə həmin şirkət tərəfindən istehsal olunmuş müxtəlif çeşidli qida məhsulları təqdim edilib.
Tədbirin rəsmi açılışında Slovakiya Baş nazirinin müavini, xarici və Avropa işləri naziri Miroslav Layçak və onun həyat yoldaşı, Bratislava Beynəlxalq Qadınlar Klubunun fəxri üzvü Yarmila Layçakova ölkələrinin mədəniyyətini təmsil etdiklərinə və xeyriyyəçilik işinə töhfə verdiklərinə görə diplomatik nümayəndəliklərə və digər iştirakçılara təşəkkürlərini bildiriblər. Daha sonra M.Layçak milli masalarla tanış olub, ona Bratislavada təşkil olunan bu tədbirdə Azərbaycanın ilk dəfə iştirak etdiyi barədə məlumat verilib.
Ölkəmizin masası, orada təqdim edilən milli xörəklərimiz və məhsullarımız qonaqlar tərəfindən böyük maraq və rəğbətlə qarşılanıb. Azərbaycanın bu tədbirə ilk dəfə qatıldığı barədə təşkilatçılardan məlumat almış bir neçə yerli KİV-in (RTVS dövlət telekanalı və RTVS dövlət radio kanalı, TA3 dövlət xəbərlər kanalı və JOJ kommersiya kanalı) nümayəndələri Azərbaycan stendinə yaxınlaşaraq ölkəmizin iştirakı, masamızda təqdim edilmiş xörəklər və onların tərkibi ilə maraqlanıblar. Onlar tədbir barədə hazırladıqları süjetlərdə ölkəmizin iştirakını da işıqlandırıblar.
Xeyriyyə tədbiri zamanı milli yeməklərin və məhsulların satışından əldə edilmiş gəlir sonda təşkilatçılara təqdim olunub. Həmin vəsait Bratislava Beynəlxalq Qadınlar Klubu tərəfindən xeyriyyəçilik layihələrinə sərf ediləcək.
Tural




 
Bölməyə aid digər xəbərlər
18.09.2018
Prezident İlham Əliyev: Bakı-Astara magistral yolunun açılışı tarixi layihədir, Azərbaycanın imkanını göstərir
18.09.2018
Prezident: Bir neçə gün əvvəl əsgərlərimiz düşmənə elə dərs veriblər ki, çətin ki yaxın günlərdə özünə gəlsin
18.09.2018
Bu il Azərbaycana 193 ölkədən 1,9 milyon əcnəbi və vətəndaşlığı olmayan şəxs gəlib
18.09.2018
Ağsuda dini ayinlərin qanunazidd icrası faktı aşkarlanıb
18.09.2018
Aeroportda mülki pilotsuz aparatların uçuşlarına Vahid Nəzarət Mərkəzi yaradılır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10118

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info