Con Qrainger: “Erməni soyqırımı” olmayıb”
Tarix: 15.02.2013 | Saat: 21:22:00 | E-mail | Çapa göndər


Böyük Britaniyada yanvarın 17-də yayımlanmış, Suriya tarixindəki müharibələri analiz edən “The Battle For Syria, 1918-1920” (“Suriya uğrunda döyüş, 1918-1920”) adlı kitabda Osmanlı İmperiyası dövründə ermənilərə qarşı olan davranışın “soyqırımı” olmadığı yazılıb.
“HaberTürk.com” bildirir ki, kitabda irəli sürülən bu tezis Böyük Britaniyada müzakirə mövzusu olub. “Boydell Press” nəşriyyatı tərəfindən 17 yanvar 2013-cü il tarixində satışa çıxarılmış 270 səhifəlik kitab 25 funta satılır. Kitabın maraqlı bölmələrindən birini isə ermənilərin “soyqırımına” uğradıqları iddiaları ilə bağlı olan sətirlər təşkil edib. Kitabda “Çoxlu sayda erməninin həyatda qalması səbəbindən, onlara qarşı soyqırımı olmayıb” ifadəsi yer alıb. Kitabın müəllifi Con D.Qrainger Osmanlı İmperiyasının son dövrlərində ermənilərə qarşı edilmiş hərəkətlərin “soyqırımı” olmadığını deyib və fikrini onunla əsaslandırıb ki, “Bir toplumun hamısı məhv edilməyibsə, bu, soyqırımı ola bilməz”. Böyük Britaniyada bu kitabın nəşr olunması ilə eyni zamanda kitab ətrafında mübahisələr də başlayıb. Bu arada isə “Zaman” qəzetinin müxbiri Mehmet Fatih Öztarsu İrəvandan xəbər verir ki, 1915-ci il hadisələrinin 100-cü ildönümü ilə əlaqədar olaraq gərgin iş rejiminə keçmiş erməni diasporu və Ermənistan “soyqırımı” iddialarını dünya gündəminə çevirmək üçün yeni layihələr hazırlayır. Bu layihələr çərçivəsində 2015-ci il üçün hazırlanan və böyük maraqla qarşılanacağı iddia edilən “The Genex” filmi ilə bağlı hazırlıq işləri davam edir. Rejissoru Artak Sevda olan film diaspor və Ermənistanın birgə layihəsidir. Filmin təqdimat videosunda dünyanın məşhur ulduzları Al Paçino, Leonardo DiKaprio və Natali Portmanın baş rollarda çəkiləcəkləri iddia edilir. Həzrəti İsaya ithafən yazılmış, şüarı “Həqiqət səni azad edər” olan film Salli Solomon adlı bir amerikalı qadının tarixlə qurduğu əlaqələrdən bəhs edir. İllərlə ailəsindən uzaq yaşayan Sallinin atasının öldürülməsi ilə başlayan hüquqi mərhələnin 1915-ci illə əlaqəsini mövzu kimi götürən filmin təbliğatıyla bağlı maliyyə dəstəyi sahəsində işlər də davam etdirilir.
Nuranə ABBASOVA




 
Bölməyə aid digər xəbərlər
20.09.2019
Xarici İşlər Nazirliyinin sözçüsü Hami Aksoy bir daha xəbərdarlıq etdi
20.09.2019
ABŞ İrana qarşı beynəlxalq koalisiya yaratmağa çalışır
20.09.2019
YPG / PKK Suriyada Əsəd rejimi ilə əməkdaşlıq edir
20.09.2019
Türkiyənin Sudana hümanitar yardımları davam edir
19.09.2019
İndoneziyada korrupsiyada ittiham olunan nazir istefa verdi

Şərh əlavə olunmayıb

    ,    
Namiq Əliyev
Ağasəf Babayev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10888

1 В Великобритании перешли на систему образования СССР
2 Vilayət Eyvazov sərəncamda olan rəisə vəzifə verdi
3 “Bəzi belarus tələbə qızlar artıq Azərbaycana gəlin köçməyə hazırlaşırlar”
4 “Siyasi partiyaların bir araya gəlməsi müsbət qiymətləndiriləsi hadisədir”
5 Gömrükçülər 2 milyon manatlıq dərman preparatları aşkarlayıblar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info